വാഷിംഗ്ടണ്: ആഗോള ഉച്ചകോടിക്കായി യൂറോപ്പിലെത്തുന്ന യുഎസ് പ്രസിഡന്റ് ജോ ബൈഡന് വത്തിക്കാനില് ഫ്രാന്സിസ് മാര്പാപ്പയുമായി 29നു കൂടിക്കാഴ്ച നടത്തും. വൈറ്റ്ഹൗസ് പ്രസ് സെക്രട്ടറി ജെന് പാസ്കി പ്രസ്താവനയില് പറഞ്ഞത് ഇരുവരും കോവിഡ്-19, കാലാവസ്ഥാ വ്യതിയാനം, അശരണര്ക്കുള്ള പരിചരണം തുടങ്ങിയ വിഷയങ്ങളില് ആശയവിനിമയം നടത്തുമെന്നാണ്. കൂടാതെ ഇറ്റലിയില് നടക്കുന്ന ജി 20 ഉച്ചകോടിയിലും ജോ ബൈഡന് പങ്കെടുക്കുന്നുണ്ട്.