/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/zJYmukrqX0YwoHFzUHg8.jpg "publive-image")
നവംബര്‍ ഏഴാം തീയതി പുലര്‍ച്ചെ രണ്ട് മണിക്ക് അമേരിക്കന്‍ ഐക്യനാടുകളില്‍ ക്ലോക്കുകളിലെ സൂചി ഒരു മണിക്കൂര്‍ പുറകോട്ട് തിരിച്ചുവെയ്ക്കും. ഫാള്‍ സീസണായതിനെത്തുടര്‍ന്നാണ് അമേരിക്കയില്‍ ഈ സമയമാറ്റം നടപ്പിലാക്കുന്നത്. സമ്മര്‍ സീസണിനും വിന്റര്‍ സീസണിനും ഇടയിലുള്ള ടൈംപീരിയഡാണ് ഫാള്‍ സീസണ്‍. അമേരിക്കന്‍ ഐക്യനാടുകളില്‍ ഫാള്‍ സീസണില്‍ ഒരു മണിക്കൂര്‍ പുറകോട്ടും വിന്റര്‍ സീസന്റെ അവസാനം ഒരു മണിക്കൂര്‍ മുന്നോട്ടും ക്ലോക്കുകളിലെ സൂചി തിരിച്ചു വെയ്ക്കും.
സൂര്യപ്രകാശം ധാരാളമായി ലഭിക്കുന്ന സ്പ്രിങ്ങ്, വിന്റര്‍ സീസണുകളില്‍ പകലിന്റെ ദൈര്‍ഘ്യം വര്‍ദ്ധിപ്പിച്ച് വൈദ്യുതി ഉപയോഗം കുറക്കുക എന്ന ലക്ഷ്യത്തോടെയാണ് ഇതത്തരത്തില്‍ സമയക്രമീകരണം നടപ്പിലാക്കുന്നത്. ഇങ്ങനെ ലഭിക്കുന്ന മിച്ച വൈദ്യുതി യുദ്ധമേഖലയില്‍ പ്രയോജനപ്പെടുത്തുകയെന്നതാണ് ഉദ്ദേശം. സ്പ്രിങ്ങ് ഫോര്‍വേര്‍ഡ്, ഫാള്‍ ബാക്ക് വേര്‍ഡ് എന്നാണ് ഇവിടെ സമയമാറ്റം അറിയപ്പെടുന്നത്.
അമേരിക്കയില്‍ ഫാള്‍ സീസണില്‍ ഒരു മണിക്കൂര്‍ പുറകോട്ടും വിന്റര്‍ സീസന്റെ അവസാനം ഒരു മണിക്കൂര്‍ മുന്നോട്ടും ക്ലോക്കുകളിലെ സൂചി തിരിച്ചുവെക്കുന്ന സമയ മാറ്റം ആദ്യമായി അംഗീകരിച്ചു നടപ്പാക്കി തുടങ്ങിയത് ഒന്നാം ലോകമഹായുദ്ധ കാലഘട്ടത്തിലായിരുന്നു. ഏറ്റവുമൊടുവിലായി കഴിഞ്ഞ മാര്‍ച്ച് മാസം പതിനാലാം തീയതി ഞായറാഴ്ച പുലര്‍ച്ചെ രണ്ട് മണിക്കായിരുന്നു ക്ലോക്കുകളിലെ സൂചി ഒരു മണിക്കൂര്‍ മുന്നോട്ട് തിരിച്ചു വെച്ചിരുന്നത്.
അതേസമയം അമേരിക്കയിലെ എല്ലാ സംസ്ഥാനങ്ങളിലും ഇത്തരത്തില്‍ സമയമാറ്റ ക്രമീകരണം നടത്താറില്ല. അരിസോണ, ഹവായ്, പുര്‍ട്ടൊറിക്കൊ, വെര്‍ജിന്‍ ഐലന്റ് തുടങ്ങിയ സംസ്ഥാനങ്ങളില്‍ സമയമാറ്റം ബാധകമല്ല.