ആകർഷകമായ ജോലി...ഫേസ്ബുക്ക് തുറന്നാൽ ചെകിട്ടത്തടിക്കുക ..!! മണിക്കൂറിനു ശമ്പളം 8 ഡോളർ 

അമേരിക്കയിലെ ഇന്ത്യൻ വംശജനായ ബിസ്സിനസ്സുമാൻ മനീഷ് സേഥിയാണ് ഒരു യുവതിയെ തൻ്റെ ചെകിട്ടത്തടിക്കാനായി ശമ്പളത്തിന് നിയമിച്ചിരിക്കുന്നത്. മണിക്കൂറിനു ശമ്പളം 8 ഡോളർ (600 ഇന്ത്യൻ രൂപ) ചെകിട്ടത്തടിക്കേണ്ടത് കമ്പനി ഉടമയെത്തന്നെയാണ്.

മനീഷ് സേഥിയുടെ കമ്പനി 'പാവ്ലോക് ' അമേരിക്കയിൽ മെഡിക്കൽ - മെഡിറ്റേഷൻ ഉപകരണങ്ങൾ നിർമ്മിക്കുകയും വിതരണം ചെയ്യുന്ന ബൃഹത്തായൊരു പ്രസ്ഥാനമാണ്.

ഫേസ്ബുക്ക് അദ്ദേഹത്തിന് വലിയ ഹരമാണ്. ജോലിക്കിടയിലും അറിയാതെ പലപ്പോഴും അദ്ദേഹം ഫേസ്ബുക്കിൽ മുഴുകുകയും ദിവസം മുഴുവൻ ജോലികൾ മുടങ്ങുകയും പതിവായതിനെത്തുടർന്ന് അദ്ദേഹം തന്നെ മുൻകയ്യെടുത്ത് 'കാര' എന്ന യുവതിയെ തൻ്റെ ക്യാബിനിൽ തൊട്ടടുത്തായി നിയമിക്കു കയായിരുന്നു. മനീഷ് സേഥി എപ്പോൾ ഫേസ് ബുക്ക് ഓപ്പൺ ചെയ്യുന്നുവോ ആ നിമിഷം കാര അദ്ദേഹത്തിൻ്റെ ചെകിട്ടത്തടിക്കണം. ഇതാണ് ജോലി.

അറിയുമോ ? കഴിഞ്ഞ 9 വര്ഷമായി കാര ഈ ജോലിയിൽ വ്യാപൃതയാണ്. മനീഷിന്റെ ചെകിട്ടത്ത് അവരുടെ വിരലുകൾ പതിയാത്ത ദിവസങ്ങളും ഇതുവരെയില്ല. കാര വരുന്നതിനുമുമ്പുവരെ തൻ്റെ ജോലിക്ഷമത 30 -35 % ആയിരുന്നത് ഇപ്പോൾ 98 % വരെ ഉയർന്നിട്ടു ണ്ടെന്നാണ് മനീഷ് സേഥിയും പറയുന്നത്.

അതെ, ഫേസ്ബുക്ക് വിഷയത്തിൽ പലർക്കും അടി കിട്ടാത്ത സൂക്കേട് തന്നെയാണെന്ന് ഇപ്പോൾ മനസ്സിലായിക്കാണുമല്ലോ ?