ന്യൂയോര്ക്ക്: ലോക കോടീശ്വരന് ഇലോണ് മസ്കുമായി രഹസ്യബന്ധമുണ്ടെന്ന ആരോപണത്തെ തുടർന്ന് ഭാര്യ നിക്കോള് ഷനഹാനില് നിന്ന് വിവാഹമോചനം നേടി ഗൂഗിള് സഹസ്ഥാപകന് സെര്ജി ബ്രിന്.
2023 മേയ് 26നാണ് ഇവര് വിവാഹമോചിതരായതെന്നാണ് റിപ്പോർട്ടുകൾ. ഇരുവർക്കും നാലുവയസുള്ള മകളുണ്ട്. ഭര്ത്താവിന്റെ പിന്തുണ വേണമെന്ന് നിക്കോള് കോടതിയോട് അഭ്യര്ഥിച്ചിരുന്നു.
2015ലാണ് സെര്ജി ബ്രിന്നും നിക്കോളും കണ്ടുമുട്ടുന്നത്. അതേ വര്ഷം തന്നെ ആദ്യഭാര്യയായ ആനി വോസിസ്കിയില് നിന്ന് ബ്രിന് വിവാഹമോചനവും നേടിയ ബ്രിൻ 2018ല് നിക്കോളിനെ വിവാഹം ചെയ്യുകയായിരുന്നു.
അതേസമയം വിഷയത്തിൽ ടെസ്ല സിഇ ഇലോണ് മസ്കും പ്രതികരിച്ചിരുന്നു. ഈ ആരോപണങ്ങള് നിക്കോളും മസ്കും നിഷേധിക്കുകയായിരുന്നു. നിക്കോളിനെ ആകെ കണ്ടിട്ടുള്ളത് രണ്ടോ മൂന്നോ പ്രാവശ്യമാണെന്നായിരുന്നു വിവാദങ്ങളോട് മസ്ക്കിന്റെ പ്രതികരണം.
സുഹൃത്ത് എന്നതില് കവിഞ്ഞ് മസ്ക്കുമായി യാതൊരു അടുപ്പവുമില്ലെന്നുമായിരുന്നു നിക്കോള് പ്രതികരിച്ചത്.