എസ്ബിഐ ഉപഭോക്താക്കൾക്ക് ഒരു ലക്ഷം രൂപ വരെ ഡെബിറ്റ് കാർഡ് ഉപയോഗിച്ച് ഇഎംഐ ആക്കി മാറ്റാം

കൊച്ചി: പിഒഎസ് വഴിയും ഓൺലൈനായും സാധനങ്ങൾ വാങ്ങുന്ന എസ്ബിഐ ഡെബിറ്റ് കാർഡ് ഉപഭോക്താക്കൾക്ക് എണ്ണായിരം രൂപ മുതൽ ഒരു ലക്ഷം രൂപ വരെയുള്ള തുകകൾ ഇഎംഐ ആക്കി മാറ്റാനാവും. രേഖകൾ സമർപ്പിക്കുകയോ പ്രോസസിങ് ഫീസ് നല്കുകയോ ചെയ്യാതെയാണ് ഈ തല്ക്ഷണ സേവനം ലഭ്യമാക്കുക.പിഒഎസ് മെഷ്യൻ ഉപയോഗിക്കുമ്പോൾ കാർഡ് സൈ്വപ് ചെയ്ത ശേഷം ബ്രാന്ഡ് ഇഎംഐ, ബാങ്ക് ഇഎംഐ എന്നിവ തെരഞ്ഞെടുത്ത് തുകയും തിരിച്ചടവു കാലാവധിയും രേഖപ്പെടുത്തി ഈ സൗകര്യം പ്രയോജനപ്പെടുത്താം.

ഓൺലൈൻ ആയി വാങ്ങുമ്പോൾ ഈസി ഇഎംഐ തെരഞ്ഞെടുത്ത് ഇതു പ്രയോജനപ്പെടുത്താം.നിലവിൽ 14.70 ശതമാനമാണ് പലിശ. ആറു മാസം മുതൽ 18 മാസം വരെയുള്ള തിരിച്ചടവു കാലാവധികളും തെരഞ്ഞെടുക്കാം. എസ്ബിഐ ഡെബിറ്റ് കാര്ഡ് ഉളള അർഹരായ ഉപഭോക്താക്കൾക്കാണ് ഈ സൗകര്യം ലഭിക്കുക. 567676 എന്ന നമ്പറിലേക്ക് ഡിസിഇഎംഐ എന്ന് എസ്എംഎസ് അയച്ച് ഉപഭോക്താക്കൾക്ക് തങ്ങളുടെ അർഹത പരിശോധിക്കാനും സാധിക്കും.