പാലാ നഗരസഭ കുമാരനാശാൻ ചിൽഡ്രൻസ് പാർക്ക് വീണ്ടും തുറക്കുന്നു

കോവിഡ് മഹാമാരിയെ തുടർന്ന് ഏതാണ്ട് ഒന്നര വർഷക്കാലമായി, അടച്ചിട്ടിരുന്ന നഗരസഭ വക ചിൽഡ്രൻസ് പാർക്ക് (25.10.2021) തിങ്കളാഴ്ച വൈകുന്നേരം നാലുമണി മുതൽ പ്രവർത്തനസജ്ജം ആയിരിക്കുമെന്ന് ചെയർമാൻ ആന്റോ ജോസ് പടിഞ്ഞാറെക്കര അറിയിച്ചു.48.5 ലക്ഷം രൂപ പ്ലാൻഫണ്ടിൽ നിന്നും ചിലവഴിച്ച് നിർമ്മിതി മുഖാന്തിരം നവീകരിച്ച പഴയ പാർക്ക് 5.11. 17 -ൽ പൊതുജനങ്ങൾക്കായി വീണ്ടും തുറന്നു കൊടുത്തിരുന്നു.

എല്ലാദിവസവും വൈകിട്ട് നാലുമുതൽ എട്ടു വരെയായിരിക്കും ഇതിന്റെ പ്രവർത്തനസമയം.നഗരഹൃദയഭാഗത്തു നിന്നും ഏകദേശം 1-കിലോമീറ്ററിനുള്ളിൽ സ്ഥിതിചെയ്തുവരുന്ന പ്രസ്തുത പാർക്കിൽ കുട്ടികൾക്കായുള്ള നിരവധി റൈഡറുകൾ ഉൾപെടുത്തിയിട്ടുള്ളതാണെന്നും ചെയർമാൻ അറിയിച്ചു.