27
Saturday November 2021
കേരളം

വെക്റ്റര്‍ ജന്യ രോഗങ്ങള്‍ക്കെതിരെ ജാഗ്രത പാലിക്കണം

ന്യൂസ് ബ്യൂറോ, കൊച്ചി
Sunday, November 21, 2021

കൊച്ചി: പകര്‍ച്ചവ്യാധികളില്‍ 70 ശതമാനത്തിലധികവും വെക്റ്ററിലൂടെ പകരുന്ന രോഗങ്ങളാണ്. ലോകത്തെ ഉഷ്ണമേഖലാ പ്രദേശങ്ങളിലെ ആളുകളെയാണ് ഇത് പ്രധാനമായും ബാധിക്കുന്നത്. താപ നില ഉയരുന്നതും ദൈര്‍ഘ്യമേറിയ പകര്‍ച്ചാ കാലങ്ങളും ഇന്ത്യയെ വെക്റ്റര്‍ ജന്യ രോഗങ്ങളുടെ കേന്ദ്രമായി മാറ്റുകയാണ്. ഇത് തടയുന്നതിനും ചികില്‍സകള്‍ക്കും വേണ്ട ബോധവല്‍ക്കരണം അനിവാര്യമാകുകയാണ്.
രോഗബാധിതനായ വ്യക്തിയില്‍ നിന്ന് മറ്റൊരാളിലേക്കും മൃഗങ്ങളില്‍ നിന്നും മനുഷ്യരിലേക്കും പകര്‍ച്ചവ്യാധികള്‍ പകര്‍ത്താന്‍ കഴിയുന്ന ജീവികളാണ് വെക്റ്ററുകള്‍. ഡെങ്കു, മലേരിയ, ചിക്കന്‍ഗുനിയ, പകര്‍ച്ചപനി തുടങ്ങിയവയാണ് ഇന്ത്യയില്‍ സാധാരണയായി കാണുന്ന വെക്റ്റര്‍ ജന്യ രോഗങ്ങള്‍. ഡെങ്കു, ചിക്കന്‍ഗുനിയ തുടങ്ങിയവ ഈഡിസ് വിഭാഗത്തില്‍പ്പെട്ട കൊതുക് കടിയിലൂടെയാണ് പകരുന്നത്. മലേരിയ പടര്‍ത്തുന്നത് അനോഫിലസ് കൊതുകുകളുടെ കടിയിലൂടെയാണ്. ചെറു ജീവികളുടെ ലാര്‍വകളിലൂടെയാണ് പകര്‍ച്ചപനി പടരുന്നത്. ഇത്തരം എല്ലാ രോഗങ്ങളുടെയും പൊതുവായ ലക്ഷണം പനിയാണ്.
വെക്റ്റര്‍ ജന്യ രോഗങ്ങളില്‍ നിന്നും സംരക്ഷണത്തിന് ഏറ്റവും അത്യാവശ്യം ജാഗ്രത പാലിക്കുകയാണെന്നും ഇത്തരം രോഗം പിടിപ്പെട്ടാല്‍ പേടിക്കരുതെന്നും സ്വയം ചികില്‍സയ്ക്ക് ഒരുങ്ങാതെ എത്രയും പെട്ടെന്ന് ഡോക്ടറെ കാണണമെന്നും സുന്ദരം അരുള്‍രാജ് ആശുപത്രി സ്ഥാപകനും ചെയര്‍മാനും അക്യൂട്ട് മെഡിസിന്‍ മേധാവിയുമായ ഡോ.അരുള്‍രാജ് പറഞ്ഞു. എല്ലാ പനിയും കോവിഡ്-19 ആണെന്ന് വിലയിരുത്തി ടെസ്റ്റുകള്‍ക്ക് പുറപ്പെടരുതെന്നും ഈ രോഗ ലക്ഷണങ്ങളെല്ലാം മറികടക്കാമെന്നും ചികില്‍സിക്കാവുന്നതുമാണ്, ഡെങ്കുവിനും ചിക്കന്‍ഗുനിയക്കും പാരസെറ്റമോളിന്റെ ഉപയോഗത്തോടെ പനിയില്‍ നിന്നും വേദനയില്‍ നിന്നും മുക്തി നേടാമെന്നും പകര്‍ച്ചപനി ആന്റി ബയോട്ടിക്ക് ഉപയോഗിച്ച് ഭേദമാക്കാമെന്നും മലേരിയയ്ക്ക് ആന്റി മലേരിയ ചികില്‍സ വേണമെന്നും അദേഹം പറഞ്ഞു.
ഡോക്‌സിസൈക്ലൈന്‍ പോലുള്ള ആന്റിബയോട്ടിക്കുകള്‍ വെക്റ്റര്‍ ജന്യ രോഗങ്ങളുടെ ചികില്‍സയില്‍ മികച്ച ഫലം നല്‍കുന്നുണ്ടെന്നും ഇത് പരീക്ഷിച്ച് വിജയിച്ച ആന്റിബയോട്ടിക്കാണെന്നും ഇതിന് ആന്റി വൈറല്‍, പനിക്കെതിരായും, ആന്റി പാരാസിറ്റിക്, ആന്റി ഇന്‍ഫ്‌ളമേറ്ററി ഗുണങ്ങളുണ്ടെന്നും അരുള്‍രാജ് കൂട്ടിചേര്‍ത്തു.
പകര്‍ച്ചപനിക്ക് അനുയോജ്യമായ മരുന്നാണ് ഡോക്‌സിസൈക്ലൈന്‍. ഡെങ്കുവിന് സങ്കീര്‍ണമായ രോഗികളില്‍ കാര്യമായ നേട്ടം നല്‍കുന്നു. ചിക്കുന്‍ഗുനിയയ്ക്കും ഇത് ഉപയോഗപ്രദമാണ്. മലേരിയയ്ക്ക് പ്രതിരോധമായി ഇത് ഉപയോഗിക്കാം.ചികില്‍സയ്ക്ക് ആന്റിമലേരിയ മരുന്നായും നല്‍കാം. സ്വയം സംരക്ഷണത്തിന് ആവശ്യമായതെല്ലാം പാലിക്കേണ്ടത് പ്രധാനമാണ്. എന്നിട്ടും ഇരയായാല്‍ ഉടനെ ഡോക്ടറെ കണ്ട് അദേഹം നല്‍കുന്ന നിര്‍ദേശങ്ങള്‍ അനുസരിച്ച് മുന്നോട്ട് പോകുക.
ചില ടിപ്പ്‌സുകള്‍:
വീടിന്റെ പരിസരത്ത് ബക്കറ്റുകള്‍, പ്ലാന്ററുകള്‍, ടയറുകള്‍ തുടങ്ങിയവയില്‍ വെള്ളം കെട്ടി നില്‍ക്കാതെ സൂക്ഷിക്കുക മുഴുവന്‍ കൈയുള്ള വസ്ത്രങ്ങള്‍, പാന്റുകള്‍ ഉപയോഗിക്കുക
കീടങ്ങളെ ഒഴിവാക്കി നിര്‍ത്താന്‍ വേണ്ട കൊതുകു വലയും മറ്റും ഉപയോഗിച്ച് കീടങ്ങളുടെ കടി ഒഴിവാക്കുക ധാരാളം പച്ചപ്പും കുറ്റിക്കാടുകളും ഉള്ള സ്ഥലങ്ങള്‍ സന്ദര്‍ശിക്കുന്നത് ഒഴിവാക്കുക.
വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

More News

കുവൈറ്റ് സിറ്റി: ജഹ്‌റയില്‍ സംഘട്ടനത്തിലേര്‍പ്പെട്ട യുവാക്കളില്‍ നാലു പേരെ പൊലീസ് പിടികൂടി. നിരവധി പേരാണ് സംഘട്ടനത്തിലേര്‍പ്പെട്ടത്. ഇവരുടെ കൈയ്യില്‍ ആയുധങ്ങളുമുണ്ടായിരുന്നുവെന്നാണ് റിപ്പോര്‍ട്ട്. തുടര്‍ന്ന് സ്ഥലത്തെത്തിയ പൊലീസ് സ്ഥിതി നിയന്ത്രണവിധേയമാക്കാന്‍ ആകാശത്തേക്ക് വെടിവയ്ക്കുകയായിരുന്നു. തുടര്‍ന്ന് യുവാക്കള്‍ പിരിഞ്ഞുപോയി. ഇവരില്‍ നാലു പേരെ പൊലീസ് പിടികൂടി. മറ്റുള്ളവര്‍ക്കായി അന്വേഷണം ഊര്‍ജ്ജിതമാക്കി.

കുവൈറ്റ് സിറ്റി: കുവൈറ്റ് ജനറൽ അഡ്മിനിസ്ട്രേഷൻ ഓഫ് കസ്റ്റംസ് (കെജിഎസി) ബിറ്റ്‌കോയിന്‍ കറന്‍സി ഡിവൈസുകള്‍ പിടിച്ചെടുത്തതായി പ്രാദേശികപത്രം റിപ്പോര്‍ട്ട് ചെയ്തു. ഇതു സംബന്ധിച്ച് കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല. ഡിവൈസുകള്‍ പരിശോധിക്കാൻ കമ്മ്യൂണിക്കേഷൻ ആൻഡ് ഇൻഫർമേഷൻ ടെക്നോളജി റെഗുലേറ്ററി അതോറിറ്റി (സിട്രാ) യിൽ നിന്നുള്ള കെജിഎസി വിദഗ്ധരെ നിയോഗിച്ചതായി റിപ്പോര്‍ട്ട് വ്യക്തമാക്കി.

കുവൈറ്റ് സിറ്റി: പുതിയ വൈറസ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്ക, നമീബിയ, ബോട്‌സ്വാന, സാംബിയ, മൊസാംബിക്, ലെസോത്തോ, ഇശ്വതിനി, മലാവി, സിംബാബ്‌വെ എന്നിവിടങ്ങളിലേക്കുള്ള നേരിട്ടുള്ള വാണിജ്യ വിമാന സർവീസുകൾ നിർത്തിവച്ചതായി കുവൈത്ത് ജനറൽ അഡ്മിനിസ്ട്രേഷൻ ഓഫ് സിവിൽ ഏവിയേഷൻ അറിയിച്ചു. കാര്‍ഗോ പ്ലെയിനുകള്‍ക്ക് നിയന്ത്രണം ബാധകമല്ലെന്നാണ് സൂചന. മേൽപ്പറഞ്ഞ രാജ്യങ്ങളിൽ നിന്ന് വരുന്ന പൗരന്മാർക്ക് ഏഴ് ദിവസത്തേക്ക് ഇൻസ്റ്റിറ്റിയൂഷണൽ ക്വാറന്റൈൻ ബാധകമാണ്. രാജ്യത്തെത്തുമ്പോഴും, ക്വാറന്റൈനിന്റെ ആറാം ദിവസവും പിസിആര്‍ പരിശോധന നടത്തും.  

ന്യൂഡല്‍ഹി: ജമ്മു കശ്മീരിനെ കേന്ദ്രഭരണ പ്രദേശമാക്കിയത് മുഖ്യമന്ത്രിയെ എം.എല്‍.എ.പദത്തിലേക്ക് തരംതാഴ്ത്തിയത് പോലെയാണെന്ന് കോണ്‍ഗ്രസ് നേതാവ് ഗുലാം നബി ആസാദ്. ശൈത്യകാലത്ത് കശ്മീരില്‍ തിരഞ്ഞെടുപ്പ് നടത്താനുള്ള കേന്ദ്ര സര്‍ക്കാര്‍ തീരുമാനത്തെയും അദ്ദേഹം വിമര്‍ശിച്ചു. “സാധാരണ കേന്ദ്ര ഭരണ പ്രദേശങ്ങളെ സംസ്ഥാനമാക്കി ഉയര്‍ത്താറാണ് പതിവ്. പക്ഷെ ഇവിടെ സംസ്ഥാനത്തെ കേന്ദ്ര ഭരണ പ്രദേശമാക്കി തരംതാഴ്ത്തി. അത് ഡി.ജി.പിയെ എസ്.എച്ച്.ഒ. ആക്കുന്നതുപോലെ, മുഖ്യമന്ത്രിയെ എം.എല്‍.എ. ആക്കുന്നതുപോലെയാണ്” – കുല്‍ഗാമില്‍ നടന്ന പരിപാടിയില്‍ ഗുലാംനബി പറഞ്ഞു.

തിരുവനന്തപുരം: കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്ന് 218 പേര്‍ക്കെതിരെ കേസെടുത്തു. ഇന്ന് അറസ്റ്റിലായത് 130 പേരാണ്. 413 വാഹനങ്ങളും പിടിച്ചെടുത്തു. മാസ്‌ക് ധരിക്കാത്ത 3374 സംഭവങ്ങളാണ് സംസ്ഥാനത്ത് ഇന്ന് റിപ്പോര്‍ട്ട് ചെയ്തത്.

തിരുവനന്തപുരം: പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന മുഖ്യമന്ത്രി പിണറായി വിജയൻ്റെ തന്ത്രം പഴകിത്തേഞ്ഞതാണെന്ന് കേന്ദ്രമന്ത്രി വി. മുരളീധരന്‍. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നതെന്നും അദ്ദേഹം സമൂഹമാധ്യമത്തില്‍ പങ്കുവച്ച കുറിപ്പില്‍ ആരോപിച്ചു. വി. മുരളീധരന്റെ കുറിപ്പ്… പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന പിണറായി വിജയൻ്റെ തന്ത്രം പഴകിത്തേഞ്ഞതാണ്. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നത്. ന്യൂനപക്ഷത്തിൻ്റെ സംരക്ഷകനെന്ന് […]

തിരുവനന്തപുരം: മറ്റു സംസ്ഥാനങ്ങളിലെ ബിജെപി മുഖ്യമന്ത്രിമാർക്ക് പോലും ഭീഷണിയാകുന്ന തരത്തിൽ,നരേന്ദ്ര മോദിയുടെ അവകാശവാദങ്ങൾ ജനങ്ങളിലേക്കെത്തിക്കാൻ അക്ഷീണം പരിശ്രമിക്കുന്ന പി ആർ ഏജൻസി നടത്തിപ്പുകാരനാവുകയാണ് കേരളത്തിന്റെ മുഖ്യമന്ത്രി പിണറായി വിജയനെന്ന് കെപിസിസി പ്രസിഡന്റ് കെ. സുധാകരന്‍. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ വിമര്‍ശനം. ഫേസ്ബുക്ക് പോസ്റ്റ്… നാട്ടുകാർ കാര്യമായി തന്നെ പരിഗണിക്കുന്നില്ലെന്ന തിരിച്ചറിവാണ് നാട്ടിൽ നടക്കുന്ന സംഭവങ്ങളെല്ലാം നമ്മൾ ഉണ്ടാക്കിയതാണെന്നു പറയാൻ വൈക്കം മുഹമ്മദ് ബഷീറിന്റെ കഥയിലെ എട്ടുകാലി മമ്മൂഞ്ഞ് എന്ന കഥാപാത്രത്തിന് പ്രേരണയായത്. കഴിഞ്ഞദിവസം നീതി ആയോഗ് പുറത്തിറക്കിയ […]

തൃശൂര്‍: തൃശൂരിൽ 52 വിദ്യാർത്ഥിനികൾക്ക് നോറോ വൈറസ് സ്ഥിരീകരിച്ചു. സെന്റ് മേരിസ് കോളേജ് ഹോസ്റ്റലിലെ വിദ്യാർത്ഥിനികൾക്കാണ് രോഗം സ്ഥിരീകരിച്ചത്. ഹോസ്റ്റലിലെ കുടിവെള്ളത്തിൽ നിന്ന് വൈറസ് പകർന്നതാണെന്നാണ് പ്രാഥമിക നിഗമനം. ആലപ്പുഴ വൈറോളജി ലാബിൽ നിന്നുള്ള റിപ്പോർട്ടിൽ ആണ് രോഗബാധ സ്ഥിരികരിച്ചത്.

ലണ്ടന്‍: യുകെയിൽ രണ്ട് പേർക്ക് പുതിയ കോവിഡ് വേരിയന്റായ ഒമിക്രോണ്‍ സ്ഥിരീകരിച്ചതായി ആരോഗ്യ സെക്രട്ടറി. ഇവര്‍ ദക്ഷിണാഫ്രിക്കയില്‍ നിന്ന് വന്നവരാണെന്ന്‌ സാജിദ് ജാവിദ് പറഞ്ഞു. ഇവരെ ഐസൊലേറ്റ് ചെയ്തിരിക്കുകയാണ്.

error: Content is protected !!