വയനാട്ടില്‍ വൃദ്ധനെ കൊന്ന് ചാക്കില്‍ കെട്ടി ഉപേക്ഷിച്ചു; പ്രായപൂര്‍ത്തിയാകാത്ത പെൺകുട്ടികൾ പോലീസിൽ കീഴടങ്ങി 

വയനാട്: അമ്പലവയലില്‍ വൃദ്ധനെ രണ്ട് പെണ്‍കുട്ടികള്‍ കൊന്ന് ചാക്കിലാക്കി ഉപേക്ഷിച്ചു. അമ്പലവയല്‍ സ്വദേശി മുഹമ്മദ് (68)ആണ് മരിച്ചത്.

ഇയാളെ കൊലപ്പെടുത്തിയ രണ്ട് പെണ്‍കുട്ടികളും പൊലീസില്‍ കീഴടങ്ങി. ഇവര്‍ പ്രായപൂര്‍ത്തിയായവരല്ല. ഇവരുടെ അമ്മയും പൊലീസ് കസ്‌റ്റഡിയിലുണ്ട്.

അമ്മയെ മുഹമ്മദ് ഉപദ്രവിക്കുന്നത് കണ്ട് കോടാലിയെടുത്ത് തലയ്‌ക്കടിക്കുകയായിരുന്നുവെന്ന് കുട്ടികള്‍ പൊലീസിന് മൊഴി നല്‍കി. ഇവര്‍ വാടകയ്‌ക്ക് താമസിച്ചിരുന്നത് മുഹമ്മദിന്റെ വീട്ടിലായിരുന്നു. ഇവിടെ വച്ചാണ് സംഭവമുണ്ടായത്.