20
Thursday January 2022
കേരളം

ആദിവാസി ഊരുകളില്‍ പെണ്‍കുട്ടികള്‍ ആത്മഹത്യ ചെയ്ത സംഭവം; അന്വേഷണ റിപ്പോര്‍ട്ട് തേടി മന്ത്രി

ന്യൂസ് ബ്യൂറോ, തിരുവനന്തപുരം
Saturday, January 15, 2022

തിരുവനന്തപുരം: പെരിങ്ങമല, വിതുര ആദിവാസി ഊരുകളില്‍ പെണ്‍കുട്ടികള്‍ ആത്മഹത്യ ചെയ്ത സംഭവത്തില്‍ അന്വേഷണ റിപ്പോര്‍ട്ട് തേടി വനിത ശിശു വകുപ്പ് മന്ത്രി വീണാ ജോര്‍ജ്. വനിത ശിശു വകുപ്പ് പ്രിന്‍സിപ്പല്‍ സെക്രട്ടറിയോടാണ് റിപ്പോര്‍ട്ട് തേടിയത്. അഞ്ച് മാസത്തിന് ഇടയില്‍ അഞ്ച് പെണ്‍കുട്ടികളാണ് ആത്മഹത്യ ചെയ്തത്.

ഇവിടെ കഞ്ചാവ് സംഘം പെണ്‍കുട്ടികളെ പ്രണയത്തില്‍ കുരുക്കി ആത്മഹത്യയിലേക്ക് തള്ളിവിടുകയാണ് എന്നാണ് രക്ഷിതാക്കളുടെ പരാതി. കഞ്ചാവ് നല്‍കി പെണ്‍കുട്ടികളെ ലൈംഗിക ചൂഷണത്തിന് ഇരയാക്കിയതായി അന്വേഷണത്തില്‍ പൊലീസ് കണ്ടെത്തി.

നവംബര്‍ ഒന്നിനാണ് വെട്ടിയൂര്‍ ആദിവാസി ഊരിലെ പെണ്‍കുട്ടി ആത്മഹത്യ ചെയ്തത്. പോസ്റ്റ്മോര്‍ട്ടത്തില്‍ പെണ്‍കുട്ടി ലൈംഗിക ചൂഷണത്തിന് ഇരയായി എന്ന് കണ്ടെത്തി. രണ്ട് ദിവസം മുമ്പാണ് കേസിലെ പ്രധാന പ്രതി അലന്‍ പീറ്റര്‍ പിടിയിലായത്. ഇയാളുടെ സഹായികള്‍ പിടിയിലായിട്ടില്ല എന്ന് പെണ്‍കുട്ടിയുടെ പിതാവ് പറഞ്ഞു.

നവംബറില്‍ തന്നെയാണ് ഒരു പറ ഊരില്‍ മറ്റു രണ്ട് പെണ്‍കുട്ടികള്‍ ആത്മഹത്യ ചെയ്തത്. കഴിഞ്ഞ ആഴ്ചയാണ് വിതുരയില്‍ രണ്ട് പെണ്‍കുട്ടികള്‍ ആത്മഹത്യ ചെയ്തത്. പഠിക്കാന്‍ മിടുക്കാരായ കുട്ടികളാണ് ആത്മഹത്യ ചെയ്തവരെല്ലാം.

More News

തൊടുപുഴ നഗരസഭ പരിധിയില്‍ കോവിഡ് രോഗബാധ രൂക്ഷമായിരിക്കുന്ന സാഹചര്യത്തില്‍ അടിയന്തിര പ്രതിരോധ പ്രവര്‍ത്തനങ്ങള്‍ നടത്തുന്നതിനും ജനങ്ങള്‍ക്ക് കര്‍ശന ജാഗ്രതാ നിര്‍ദ്ദേശം നല്‍കുന്നതിനും ഇന്നലെ ചേര്‍ന്ന നഗരസഭാ കൗണ്‍സില്‍ യോഗം തീരുമാനിച്ചു. വാര്‍ഡ് കൗണ്‍സിലര്‍മാരുടെ നേതൃത്വത്തില്‍ വാര്‍ഡ്തല മോണിറ്ററിംഗ് സമിതികള്‍ പുന:സംഘടിപ്പിച്ച് സജീവമാക്കും. റസിഡന്റ് അസോസിയേഷന്‍ പ്രതിനിധികള്‍, ജനമൈത്രി പോലീസ്, കുടുംബശ്രീ പ്രവര്‍ത്തകര്‍, സന്നദ്ധ പ്രവര്‍ത്തകര്‍, അങ്കണവാടി അദ്ധ്യാപകര്‍, ആരോഗ്യ പ്രവര്‍ത്തകര്‍, എസ്.സി/എസ്.ടി പ്രൊമോട്ടര്‍, ആശാവര്‍ക്കര്‍, വാര്‍ഡില്‍ താമസിക്കുന്ന സന്നദ്ധരായ സര്‍ക്കാര്‍ ഉദ്യോഗസ്ഥര്‍ എന്നിവരാണ് സമിതിയിലെ അംഗങ്ങള്‍. രോഗികളുടെ […]

തിരുവനന്തപുരം: സംസ്ഥാനത്ത് ആശുപത്രികളിലെ ഡിസ്ചാര്‍ജ് മാനദണ്ഡം പുതുക്കിയതായി ആരോഗ്യ വകുപ്പ് മന്ത്രി വീണാ ജോര്‍ജ്. നേരിയ രോഗലക്ഷണം, മിതമായ രോഗലക്ഷണം, ഗുരുതരാവസ്ഥയിലുള്ളവര്‍ എന്നിങ്ങനെ കോവിഡ് രോഗതീവ്രത അനുസരിച്ചാണ് ഡിസ്ചാര്‍ജ് പോളിസി പുതുക്കിയത്. നേരിയ രോഗലക്ഷണമുള്ളവരെ ഡിസ്ചാര്‍ജ് ചെയ്യുന്നതിന് റാപ്പിഡ് ആന്റിജന്‍ ടെസ്റ്റ് നെഗറ്റീവ് ആകണമെന്നില്ല. രോഗലക്ഷണങ്ങളുള്ള രോഗികള്‍ ലക്ഷണങ്ങള്‍ കണ്ടുതുടങ്ങിയത് മുതലോ, ലക്ഷണങ്ങള്‍ ഇല്ലാത്ത രോഗികള്‍ കോവിഡ് സ്ഥിരീകരിച്ചത് മുതലോ വീട്ടില്‍ ഏഴ് ദിവസം നിരീക്ഷണത്തില്‍ കഴിയണം. അതോടൊപ്പം മൂന്ന് ദിവസം തുടര്‍ച്ചയായി പനി ഇല്ലാതിരിക്കുകയും ചെയ്താല്‍ ഗൃഹനിരീക്ഷണം […]

ലഖ്‌നൗ: സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ് മെയിന്‍പുരി ജില്ലയിലെ കര്‍ഹാല്‍ മണ്ഡലത്തില്‍ നിന്ന് ജനവിധി തേടും. ഫെബ്രുവരി 20-നാണ് ഇവിടെ തിരഞ്ഞെടുപ്പ്. നേരത്തേ അഖിലേഷ് യാദവ് മത്സരിച്ചേക്കില്ല എന്നാണ് പാർട്ടി വൃത്തങ്ങൾ വ്യക്തമാക്കിയിരുന്നത്. മെയിൻപുരിയിലെ കർഹാൽ മണ്ഡലം സമാജ്‍വാദി പാർട്ടിയുടെ സ്വന്തം കോട്ടയാണ്. മത്സരിക്കാൻ കളത്തിലിറങ്ങിയാലും അഖിലേഷ് അസംഗഢിൽ നിന്ന് മത്സരിക്കേണ്ടതില്ലെന്നാണ് ഇന്ന് ലഖ്‍നൗവിൽ ചേർന്ന സമാജ്‍വാദി പാർട്ടി യോഗം വിലയിരുത്തിയത്. യുപി മുഖ്യമന്ത്രി യോഗി ആദിത്യനാഥ് ഗൊരഖ്പുര്‍ അര്‍ബനില്‍ നിന്നാണ് ജനവിധി തേടുന്നത്. […]

തിരുവനന്തപുരം: ടിപിആറും പ്രതിദിന രോഗബാധിതരുടെ എണ്ണവും റിക്കാര്‍ഡ് രേഖപ്പെടുത്തിയെങ്കിലും തീവ്ര രോഗബാധിതരുടെ എണ്ണം ഉയരാത്തത് പ്രതിസന്ധികള്‍ക്കിടയിലും കേരളത്തിന് ആശ്വാസമാണ്. മുമ്പ് ടിപിആര്‍ 30 ശതമാനത്തിനടുത്തെത്തുകയും പ്രതിദിന രോഗബാധിതരുടെ എണ്ണം 43529 -ലെത്തുകയും ചെയ്തപ്പോള്‍ ആശുപത്രിയില്‍ ചികിത്സയില്‍ കഴിഞ്ഞിരുന്നവരുടെ എണ്ണം സംസ്ഥാനത്ത് 4.26 ലക്ഷത്തിലെത്തിയിരുന്നു. ഓക്സിജന്‍ മാസ്കിനും ഐസിയുവിനും വെന്‍റിലേറ്ററിനും കടുത്ത ക്ഷാമം നേരിട്ടിരുന്നു. എന്നാല്‍ തീവ്ര രോഗവ്യാപനം തുടരുന്നതിനിടയിലും ആശുപത്രിയില്‍ ചികിത്സയില്‍ കഴിയുന്നവരുടെ എണ്ണം ഇപ്പോള്‍ ആറായിരത്തില്‍ താഴെ മാത്രമാണെന്നത് കേരളത്തിന് വലിയ ആശ്വാസം തന്നെയാണ്. സമ്പൂര്‍ണ […]

ഇടുക്കി ജില്ലയില്‍ ശരാശരി കൊവിഡ് ടെസ്റ്റ് പോസിറ്റിവിറ്റി നിരക്ക് 30 ശതമാനത്തിന് മുകളില്‍ എത്തിയ സാഹചര്യത്തില്‍ ജില്ലയില്‍ നിയന്ത്രണങ്ങള്‍ കര്‍ക്കശമാക്കുന്നതിന് പഞ്ചായത്തുകളില്‍ സെക്ടറല്‍ മജിസ്ട്രേറ്റുമാരെ നിയോഗിച്ചു. ജില്ലയില്‍ കൊവിഡ് -19 സുരക്ഷാമാനദണ്ഡങ്ങള്‍ നിയന്ത്രണങ്ങള്‍ എന്നിവ പൂര്‍ണ്ണമായും പാലിക്കുന്നുണ്ടെന്ന് ഉറപ്പുവരുത്തുന്നതിനാണ് ഇവരെ ഡ്യൂട്ടിക്ക് നിയോഗിച്ചിരിക്കുന്നത്. രജിസ്റ്റര്‍ ചെയ്യുന്ന കേസുകളുമായി ബന്ധപ്പെട്ട വിവരങ്ങള്‍ എല്ലാ ദിവസങ്ങളിലും കോവിഡ് ജാഗ്രത പോര്‍ട്ടലില്‍ രേഖപ്പെടുത്തണം. ബന്ധപ്പെട്ട തഹസില്‍ദാര്‍ തദ്ദേശ സ്വയംഭരണ സ്ഥാപനങ്ങളിലെ സെക്രട്ടറിമാര്‍ എന്നിവരുമായി കൂടി ചേര്‍ന്ന് സെക്ടറല്‍ മജിസ്ട്രേറ്റുമാര്‍ ഡ്യൂട്ടി നിര്‍വ്വഹിക്കണം. […]

തിരുവനന്തപുരം: കോവിഡ് വ്യാപനം രൂക്ഷമായ പശ്ചാത്തലത്തിൽ സംസ്ഥാനത്ത് കൂടുതൽ നിയന്ത്രണം ഏർപ്പെടുത്തി. ഞായറാഴ്ചകളിലാണു കടുത്ത നിയന്ത്രണം. ഈ മാസം 23, 30 തീയതികളിൽ ലോക്ഡൗണിന് സമാനമായ നിയന്ത്രണം ഏര്‍പ്പെടുത്താന്‍ തീരുമാനിച്ചു. മുഖ്യമന്ത്രിയുടെ അധ്യക്ഷതയില്‍ ചേര്‍ന്ന കോവിഡ് അവലോകന യോഗത്തിന്റേതാണ് തീരുമാനം. അവശ്യ സര്‍വീസുകള്‍ മാത്രമാകും അനുവദിക്കുക. സ്‌കൂളുകള്‍ പൂര്‍ണ്ണമായും നാളെ മുതല്‍ ഓണ്‍ലൈന്‍ ക്ലാസുകളിലേക്ക് മാറാനും തീരുമാനിച്ചിട്ടുണ്ട്. നേരത്തെ ഒന്ന് മുതല്‍ ഒമ്പത് വരെ ക്ലാസുകളിലുള്ളവര്‍ക്കായിരുന്നു 21 മുതല്‍ ഓണ്‍ലൈന്‍ ക്ലാസുകള്‍ അനുവദിച്ചിരുന്നത്. രാത്രികാല കര്‍ഫ്യൂവേണ്ടെന്ന് അവലോകനയോഗം […]

കൊച്ചി: സീറോ മലബാര്‍ സഭാ സിനഡിന്‍റെ നിര്‍ദേശപ്രകാരമുള്ള ഏകീകൃത കുര്‍ബാന അര്‍പ്പണം എറണാകുളം-അങ്കമാലി അതിരൂപതയില്‍ നടപ്പിലാക്കുന്നതില്‍ വൈദികരുടെയും ചില അല്‍മായരുടെയും എതിര്‍പ്പ് തുടരുകയാണെന്ന് ആര്‍ച്ച് ബിഷപ്പ് മാര്‍ ആന്‍റണി കരിയില്‍ കര്‍ദിനാള്‍ മാര്‍ ജോര്‍ജ് ആലഞ്ചേരിയെ അറിയിച്ചു. ഇതോടെ അതിരൂപതയില്‍ ഏകീകൃത കുര്‍ബാന അര്‍പ്പണം നപ്പിലാക്കുന്നതിന് നിര്‍ദേശം നല്‍കുന്ന കത്ത് 22 -ന് പുറത്തിറക്കണമെന്ന മാര്‍ ആന്‍റണി കരിയിലിനുള്ള സിനഡ് നിര്‍ദേശം നടപ്പിലാകുന്ന കാര്യത്തില്‍ ആശങ്ക തുടരുകയാണ്. സഭയിലെ മറ്റെല്ലാ രൂപതകളിലും നടപ്പിലാക്കിയ ഏകീകൃത കുര്‍ബാന എറണാകുളം-അങ്കമാലി […]

ഇടുക്കി: വര്‍ദ്ധിച്ചു വരുന്ന കോവിഡ് ഭീഷണിയെ നേരിടാന്‍ വാക്സിനേഷന്‍ പ്രവര്‍ത്തനങ്ങള്‍ ജില്ലയില്‍ ഊര്‍ജ്ജിതമാക്കി. ആശുപത്രികള്‍ക്കു പുറമെയുള്ള് സ്ഥാപനങ്ങളില്‍ക്കൂടി കോവിഡ് വാക്സിനേഷന്‍ ക്യാമ്പുകള്‍ ജില്ലാ ആരോഗ്യ വകുപ്പിന്റെ നേത്യത്വത്തില്‍ ആരംഭിച്ചു. ഇന്ന് ജില്ലാ കളക്ടറേറ്റ്, ജില്ലാ മെഡിക്കല്‍ ഓഫീസ് എന്നിവിടങ്ങളില്‍ കോവിഡ് വാക്സിനേഷന്‍ ക്യാമ്പുകള്‍ നടത്തി. വരും ദിവസങ്ങളിന്‍ കൂടുതല്‍ ക്യാമ്പുകള്‍ സംഘടിപ്പിച്ച് വാക്സിനേഷന്‍ കൂടുതല്‍ ഊര്‍ജ്ജിതപ്പെടുത്തുമെന്ന് ജില്ലാ മെഡിക്കല്‍ ഓഫീസര്‍ ഡോ: ജേക്കബ് വര്‍ഗ്ഗീസ് അറിയിച്ചു. വാക്സിന്‍ എടുക്കാനുള്ള മുഴുവന്‍ ആളുകളും എത്രയും വേഗം വാക്സിന്‍ സ്വീകരിക്കാന്‍ […]

ലാഹോർ: പാകിസ്ഥാനിലെ ലാഹോറിലെ തിരക്കേറിയ മാർക്കറ്റിലുണ്ടായ ബോംബ് സ്‌ഫോടനത്തിൽ മൂന്ന് പേർ കൊല്ലപ്പെടുകയും 20 പേർക്ക് പരിക്കേൽക്കുകയും ചെയ്തു. ടൈം ബോംബാണ് പൊട്ടിത്തെറിച്ചതെന്നാണ് സംശയിക്കുന്നതെന്ന്‌ ലാഹോർ പോലീസ് വക്താവ് റാണ ആരിഫ് വാർത്താ ഏജൻസിയായ എഎഫ്‌പിയോട് പറഞ്ഞു. ലാഹോറിലെ പ്രശസ്തമായ അനാർക്കലി മാർക്കറ്റിലെ പാൻ മണ്ടിയിലാണ് സ്‌ഫോടനം ഉണ്ടായത്. സ്‌ഫോടനത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. തീവ്രവാദ വിരുദ്ധ വകുപ്പും ബോംബ് നിർവീര്യ സേന ഉദ്യോഗസ്ഥരും സ്ഥലത്തെത്തി സ്ഫോടനത്തിന്റെ സ്വഭാവം പരിശോധിച്ചു വരികയാണെന്ന് ഡെപ്യൂട്ടി ഇൻസ്‌പെക്ടർ ജനറൽ പോലീസ് […]

error: Content is protected !!