സംസ്ഥാനത്ത്‌ വികസനം തടയാൻ പ്രതിപക്ഷം വർഗീയ കൂട്ടായ്‌മ ഉണ്ടാക്കുകയാണെന്ന്  തോമസ് കെ തോമസ് എം.എൽ.എ.

സംസ്ഥാനത്ത്‌ വികസനം തടയാൻ പ്രതിപക്ഷം വർഗീയ കൂട്ടായ്‌മ ഉണ്ടാക്കുകയാണെന്ന് എൻ.സി.പി. നിയമസഭാ കക്ഷി നേതാവ് തോമസ് കെ തോമസ് എം.എൽ.എ. പാലക്കാട് ജില്ലാ നേതൃത്വ ക്യാമ്പിന്റെ സമാപന സമ്മേളനം ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കേരളം ഇരുട്ടിൽ നിലകൊണ്ടാൽ മതി എന്നാണ്‌ പ്രതിപക്ഷ നിലപാട്‌. എന്നാൽ പുതിയ തലമുറയ്ക്കുവേണ്ടിയുള്ള വികസനക്കുതിപ്പിനെ ഇല്ലാതാക്കാൻ നാട്‌ അനുവദിക്കില്ല.
സംസ്ഥാന പുരോഗതിക്ക്‌ തടസ്സം നിൽക്കുന്നവർ കുറച്ചു നാൾ കഴിഞ്ഞാൽ വീണ്ടും ജനങ്ങളെ കാണേണ്ടിവരുമെന്ന്‌ ഓർക്കണം. വികസന വഴിയിൽ വേഗത്തിൽ സഞ്ചരിക്കുകയാണ്‌ കേരളം. ജനങ്ങളെ വിശ്വാസത്തിലെടുത്താണ്‌ വികസന പ്രവർത്തനങ്ങൾ നടത്തുന്നത്‌. പുതിയ കാലത്തിന്റെ വെല്ലുവിളി അതിജീവിക്കാൻ കേരളം ശ്രമിക്കുമ്പോൾ അത്‌ ഇല്ലാതാക്കാനാണ്‌ പ്രതിപക്ഷ ശ്രമമെന്നും തോമസ് കെ തോമസ എം.എൽ.എ. പറഞ്ഞു.

എ.രാമസ്വാമി ജില്ലാ പ്രസിഡന്റ് അധ്യക്ഷത വഹിച്ചു എൻ സി പി സംസ്ഥാന ജനറൽ സെക്രട്ടറിമാരായ പി. എ. റസാഖ് മൗലവി,ടി എൻ . ശിവശങ്കരൻ ജില്ലാ നേതാക്കളായ കപ്പിൽ സൈദലവി, പി. അബ്ദുറഹ്മാൻ, ഷൌക്കത്തലി, കെ പി അബ്ദുറഹ്മാൻ, ഷെനിൻ മന്ദിരട്, അഡ്വ . മുഹമ്മദ് റാഫി, എസ് ജെ എൻ നജീബ്, എം എം കബീർ, സൈഫുദ്ധീൻ kichlu,മൊയ്‌ദീൻ കുട്ടി, രാജഗോപാൽ, റെജി,പി എ അബ്ദുള്ള, എന്നിവർ സംസാരിച്ചു