02
Thursday February 2023
Business

ഇന്ത്യയിലെ ആദ്യ ഡിജിറ്റലൈസ്ഡ് എഡിആര്‍ സെന്ററാകുന്നതിന് ഐഐഎഎമ്മും ജൂപ്പിറ്റസും ധാരണയായി

ന്യൂസ് ബ്യൂറോ, കൊച്ചി
Friday, March 4, 2022

കൊച്ചി: ലോകത്തെ ആദ്യ ജസ്റ്റിസ് ടെക്‌നോളജി (ജസ്‌ടെക്ക്) കമ്പനിയായ ജൂപ്പിറ്റസും ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ആര്‍ബിട്രേഷന്‍ ആന്‍ഡ് മീഡിയേഷനും(ഐഐഎഎം) തമ്മില്‍ തന്ത്രപരമായ സാങ്കേതിക സഹകരണത്തിന് ധാരണാ പത്രം ഒപ്പുവച്ചു. ജൂപ്പിറ്റസ് സ്ഥാപകനും സിഇഒയുമായ രമണ്‍ അഗര്‍വാള്‍, ഐഐഎഎം പ്രസിഡന്റ് അനില്‍ സേവ്യര്‍ എന്നിവരുടെ സാന്നിദ്ധ്യത്തിലാണ് ധാരണാ പത്രം ഒപ്പുവച്ചത്. സഹകരണത്തോടെ ഐഐഎഎം ഓണ്‍ലൈനായി ആള്‍ട്ടര്‍നേറ്റീവ് ഡിസ്പ്യൂട്ട് റെസല്യൂഷന്‍ (എഡിആര്‍) സേവനം നല്‍കാന്‍ സാധിക്കുന്ന ഇന്ത്യയിലെ ആദ്യ സമ്പൂര്‍ണ ഡിജിറ്റലൈസ്ഡ് എഡിആര്‍ സെന്ററാകും. ഈ കരാറിലൂടെ ജൂപ്പിറ്റസ് ഐഐഎഎമ്മിന് ഡിജിറ്റലൈസ്ഡ് എഡിആര്‍ സെന്റര്‍ സ്ഥാപിക്കുന്നതിന് രൂപകല്‍പ്പന, നിര്‍മാണം തുടങ്ങിയവയില്‍ സാങ്കേതിക പിന്തുണയും നല്‍കും.

ധാരണയനുസരിച്ച് ഐഐഎഎം, ജൂപ്പിറ്റസിന്റെ പ്ലാറ്റ്‌ഫോമും സാങ്കേതിക സേവനവും ഉപയോഗിക്കും. അതുവഴി നിലവിലുള്ളതും ഭാവിയില്‍ വരാനിരിക്കുന്നതുമായ ഉപയോക്താക്കള്‍ക്ക് ഡിജിറ്റലായി തര്‍ക്ക പരിഹാരം സാധ്യമാകും. അതായത്, അഡ്ജുഡിക്കേഷന്‍+അഡ്മിനിസ്‌ട്രേറ്റീവ്+ ഡാറ്റാ അനലിറ്റിക്‌സ് എന്നിവയെല്ലാം പേപ്പര്‍ രഹിതമായി നേരിട്ടുള്ള ഹാജരാകല്‍ കൂടാതെ നടത്താനാകും. ജുപിറ്റിസിന്റെ സഹായത്തോടെ ഐഐഎഎം എഡിആര്‍ സെന്റര്‍ ഡിജിറ്റലാകുന്നതോടെ തര്‍ക്കത്തിലുള്ളവര്‍ക്ക് അവരുടെ ഹര്‍ജികള്‍ തയ്യാറാക്കല്‍, ബന്ധപ്പെട്ട രേഖകള്‍ സമര്‍പ്പിക്കല്‍, പ്രൊപോസല്‍ സമര്‍പ്പിക്കല്‍, ഓണ്‍ലൈന്‍ ഹാജരാകല്‍ തുടങ്ങി എല്ലാ നടപടികളും ഒറ്റ പ്ലാറ്റ്‌ഫോമില്‍ റിമോട്ടായി നടത്താം.

തര്‍ക്ക പരിഹാരം പൂര്‍ണമായും ഓണ്‍ലൈനായി നടക്കുന്നതിനാല്‍ ഇത് സൗകര്യപ്രദവും ധന നഷ്ടം, സമയം, ബുദ്ധിമുട്ടുകള്‍ തുടങ്ങിയവ കുറയുകയും ചെയ്യും. ജൂപ്പിറ്റിസും ഐഐഎഎമ്മും തമ്മിലുള്ള സഹകരണം എല്ലാവര്‍ക്കും നേട്ടമുണ്ടാക്കുമെന്ന് വിശ്വാസമുണ്ടെന്നും ജൂപ്പിറ്റസ് പങ്കാളിയാകുന്നതോടെ സ്ഥാപനം ഓണ്‍ലൈനായി മുഴുവന്‍ പ്രവര്‍ത്തനവും സാധ്യമാകുന്ന ഇന്ത്യയിലെ ആദ്യ എഡിആര്‍ ഇന്‍സ്റ്റിറ്റിയൂഷനാകുമെന്നും ഡിജിറ്റലാകുന്നതോടെ ഉപയോക്തൃ അനുഭവം മെച്ചപ്പെടുമെന്നും അഡ്മിനിസ്‌ട്രേറ്റീവ് സ്റ്റാഫ്, ന്യൂട്രല്‍സ്, അഭിഭാഷകര്‍ തുടങ്ങി എല്ലാവര്‍ക്കും പ്രാപ്യവും കാര്യക്ഷമവുമാകുമെന്നും ജനങ്ങള്‍ക്കിടയില്‍ അനുരഞ്ജനം സാധ്യമാക്കാനും ശാക്തീകരിക്കാനും ഐഐഎഎം പ്രതിജ്ഞാബദ്ധമാണെന്നും ജൂപ്പിറ്റസിന്റെ സഹകരണത്തോടെ ഈ ലക്ഷ്യത്തോട് കൂടതല്‍ അടുക്കുകയാണെന്നും ഐഐഎഎം പ്രസിഡന്റ് അനില്‍ സേവ്യര്‍ പറഞ്ഞു.

ഇന്ത്യയിലെ പ്രമുഖ എഡിആര്‍ സ്ഥാപനവുമായി സഹകരിക്കുന്നത് ജൂപ്പിറ്റസിനാകെ അഭിമാനമാണെന്നും തര്‍ക്കങ്ങള്‍ പരിഹരിക്കുന്നതിനും വെല്ലുവിളികളെ അതിജീവിക്കുന്നതിനും വേണ്ടി ഐക്യപ്പെടാന്‍ കഴിയുന്ന ഒരു സമൂഹത്തെ സൃഷ്ടിക്കുക എന്ന ഐഐഎഎമ്മിന്റെ ദൗത്യവുമായി യോജിച്ച്, ആഗോള നീതിന്യായ വിതരണ സംവിധാനത്തില്‍ വലിയ മാറ്റങ്ങള്‍ കൊണ്ടുവരാനും ജൂപ്പിറ്റിസ് ഉറപ്പിച്ചുവെന്നും ഈ സഹകരണത്തോടെ,ഐഐഎഎമ്മുമായി ചേര്‍ന്ന് ഇന്ത്യന്‍ തര്‍ക്ക പരിഹാര ഇക്കോസിസ്റ്റം റീബൂട്ട് ചെയ്യാനുള്ള യാത്ര ആരംഭിക്കാന്‍ ജൂപ്പിറ്റസ് തയ്യാറെടുക്കുകയാണെന്നും ജൂപ്പിറ്റിസ് സ്ഥാപകനും സിഇഒയുമായ രമണ്‍ അഗര്‍വാള്‍ പറഞ്ഞു.

കേന്ദ്ര നിയമ-നീതി മന്ത്രാലയത്തിന്റെ അംഗീകാരത്തോടെ 2001ല്‍ പ്രവര്‍ത്തനം ആരംഭിച്ച ഐഐഎഎം രാജ്യത്ത് എഡിആര്‍ സേവനം നല്‍കുന്ന ലാഭേച്ഛയില്ലാത്ത മുന്‍നിര പ്രസ്ഥാനമാണ്. എഡിആറില്‍ പരിശീലന പരിപാടികള്‍ നടത്തുന്നതിനൊപ്പം അന്തര്‍ദ്ദേശീയവും ആഭ്യന്തരവുമായ വാണിജ്യ വ്യവഹാരം, മധ്യസ്ഥത, ചര്‍ച്ചകള്‍ എന്നിവ സ്ഥാപനം നല്‍കുന്നുണ്ട്, കൂടാതെ 10 രാജ്യങ്ങളില്‍ സാന്നിധ്യമുള്ള ഏഷ്യാ പസഫിക് സെന്റര്‍ ഫോര്‍ ആര്‍ബിട്രേഷന്‍ ആന്‍ഡ് മീഡിയേഷനില്‍ അംഗവുമാണ്.

More News

ലോസേന്‍: ടോക്യോ ഒളിമ്പിക്സില്‍ പങ്കെടുക്കാന്‍ സാധിക്കാതിരുന്ന റഷ്യയ്ക്കും ബെലാറസിനും അടുത്ത വര്‍ഷം പാരീസില്‍ നടക്കുന്ന ഒളിമ്പിക്സിലും പങ്കെടുക്കാനാവില്ല. അന്താരാഷ്ട്ര ഒളിമ്പിക് കമ്മിറ്റി ഇരു രാജ്യങ്ങള്‍ക്കും മേലുള്ള വിലക്ക് തുടരാന്‍ തീരുമാനിച്ചതാണ് കാരണം. നേരത്തെ, കായികതാരങ്ങള്‍ക്ക് ആസൂത്രിതമായി ഉത്തേജക മരുന്നുകള്‍ നല്‍കുന്ന പദ്ധതി സര്‍ക്കാര്‍ തലത്തില്‍ നടപ്പാക്കിയെന്നാരോപിച്ചാണ് വിലക്കേര്‍പ്പെടുത്തിയിരുന്നത്. അതിനു ശേഷം യുക്രെയ്ന്‍ അധിനിവേശം കാരണം കഴിഞ്ഞ വര്‍ഷം പുതിയ വിലക്ക് വന്നു. ഇതു തുടരാനാണ് ഇപ്പോഴത്തെ തീരുമാനം. അതേസമയം, ഇരു രാജ്യങ്ങളില്‍നിന്നുമുള്ള അത്ലറ്റുകള്‍ക്ക് ഒളിമ്പിക് വേദി നഷ്ടമാകാതിരിക്കാന്‍ […]

കൊച്ചി: എന്നും പ്രചോദനം തരുന്നതാണ് ബിനാലെ ആവിഷ്‌കാരങ്ങളെന്നു സംവിധായകൻ ലാൽ ജോസ്. ആദ്യത്തേത് മുതൽ എല്ലാ കൊച്ചി മുസിരിസ് ബിനാലെയും കണ്ടിട്ടുണ്ട്. ആദ്യ ബിനാലെക്കു ശേഷം ചെയ്‌ത സിനിമകളിൽ ബിനാലെയുടെ സ്വാധീനമുണ്ടായിരുന്നു. അതുകൊണ്ട് ‘ബിനാലെ ഡയറ്കടർ’ എന്ന് പരിഹാസവും കേൾക്കേണ്ടി വന്നിട്ടുണ്ട്.  ഇന്സ്റ്റലേഷനുകൾ കണ്ടു ഭ്രമിച്ച് ‘ പുള്ളിപ്പുലികളും ആട്ടിൻകുട്ടിയും’ എന്ന സിനിമയിലെ അവസാന ഷോട്ട്, ബിനാലെയിൽ ഉണ്ടായിരുന്ന ഒരു ഇൻസ്റ്റലേഷന്റെ പ്രചോദനത്തിൽ അതു തന്നെയായിരുന്നു. അത്ര കണ്ട് ബിനാലെ പ്രചോദനം പകർന്നിട്ടുണ്ട്. ദൃശ്യാവിഷ്കാരങ്ങൾക്ക് സഹായകമായിട്ടുണ്ട്. ദൃശ്യപരമായി […]

ജല്ലിക്കെട്ട് മത്സരത്തിന് ജില്ലാ ഭരണകൂടം അനുമതി നല്‍കാത്തതില്‍ പ്രതിഷേധിച്ച് വ്യാപക അക്രമം. തിരുവനന്തപുരത്തുനിന്ന് ബെംഗളൂരുവിലേക്ക് പോയ കെ.എസ്.ആര്‍.ടി.സി. സ്വിഫ്റ്റ് ബസിന് നേരെയും അക്രമം ഉണ്ടായി. കൃഷ്ണഗിരി ജില്ലയിലാണ് ജല്ലിക്കെട്ടു മത്സരത്തിന് ജില്ലാ ഭരണകൂടം അനുമതി നല്‍കാത്തത്. പ്രതിഷേധക്കാര്‍ കൃഷ്ണഗിരി- ഹൊസൂര്‍- ബെംഗളൂരു ദേശീയപാത ഉപരോധിച്ച് വാഹനങ്ങള്‍ തടഞ്ഞിട്ടു. മണിക്കൂറോളം ഉപരോധം തുടര്‍ന്ന പ്രതിഷേധക്കാര്‍ വാഹനങ്ങള്‍ ആക്രമിച്ചു. അക്രമികള്‍ നടത്തിയ കല്ലേറില്‍ വാഹനങ്ങളുടെ ചില്ലുകള്‍ തകര്‍ന്നിട്ടുണ്ട്. പോലീസുകാര്‍ക്കും ദേശീയപാതയില്‍ കടന്നുപോവുകയായിരുന്ന വാഹനങ്ങള്‍ക്കും നേരെ വ്യാപകമായ കല്ലേറുണ്ടായി. പ്രതിഷേധക്കാര്‍ക്കെതിരെ പോലീസ് […]

ബര്‍ലിന്‍: ജര്‍മനിയില്‍ ഇരട്ട പരൗത്വം അനുവദിക്കാന്‍ തത്വത്തില്‍ അംഗീകാരമായ സാഹചര്യത്തില്‍ പൗരത്വ അപേക്ഷകരുടെ എണ്ണത്തില്‍ വര്‍ധനയുണ്ടാകുമെന്നാണു പ്രതീക്ഷിക്കുന്നത്. നിലവിലുള്ള പൗരത്വം ഉപേക്ഷിക്കാതെ തന്നെ ജര്‍മന്‍ പൗരത്വം സ്വീകരിക്കാന്‍ കഴിയുന്ന സംവിധാനമാണിത്. ഇതിനു പുറമേ, അഞ്ച് വര്‍ഷം രാജ്യത്ത് താമസിച്ചവര്‍ക്കും പൗരത്വത്തിന് അപേക്ഷിക്കാന്‍ യോഗ്യത ലഭിക്കും. അതേസമയം, മറ്റെല്ലാ യോഗ്യതാ മാനദണ്ഡങ്ങളും മാറ്റമില്ലാതെ തുടരുകയാണ്. ഇതില്‍ പ്രധാനമാണ് ബി1 ലെവല്‍ ജര്‍മന്‍ ഭാഷാ പരിജ്ഞാനം പരിശോധിക്കാനുള്ള പരീക്ഷ. ഇന്റര്‍മീഡിയറ്റ് ലെവല്‍ ഭാഷാ പരിജ്ഞാനമാണ് ബി1 ലെവലില്‍ ഉദ്ദേശിക്കുന്നത്. കാര്യമായ […]

ജോര്‍ജിയ: ജോര്‍ജിയയിലെ ഒരു സ്‌കൂളില്‍ വിദ്യാര്‍ത്ഥിയുടെ മര്‍ദ്ദനത്തില്‍ പരിക്കേറ്റ അധ്യാപികയെ ആശുപത്രിയില്‍ പ്രവേശിപ്പിച്ചു. സംഭവത്തിന്റെ വീഡിയോ വൈറലായി. ജോര്‍ജിയയിലെ റോക്ക്ഡെയ്ല്‍ കൗണ്ടിയിലെ അധികാരികള്‍ ഈ വീഡിയോ അവലോകനം ചെയ്യുകയാണ്. ജനുവരി 26 ന് ഹെറിറ്റേജ് ഹൈസ്‌കൂളിലെ ഒരു ക്ലാസ് മുറിയിലാണ് സംഭവം. ഇംഗ്ലീഷ് അധ്യാപികയായ തിവാന ടര്‍ണറും വിദ്യാര്‍ത്ഥിയും തമ്മിലുള്ള വഴക്കാണ് വീഡിയോയില്‍ കാണിക്കുന്നത്. ഇരുവരും തമ്മിലുള്ള വഴക്ക് ശാരീരിക ആക്രമണത്തിലേക്ക് നീങ്ങുകയായിരുന്നു. 27 വയസ്സുള്ള അധ്യാപികയെ വിദ്യാര്‍ത്ഥി നിലത്തേക്ക് വലിച്ചെറിയുകയും ഇടിക്കുകയും ചെയ്തു. പരിക്കേറ്റ അധ്യാപികയെ […]

കൊച്ചി: ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ (എച്ച്എംഎസ്‌ഐ) 2023 ജനുവരിയില്‍ 296,363 യൂണിറ്റ് വാഹനങ്ങള്‍ വിറ്റഴിച്ചു.  278,143 യൂണിറ്റ് ആഭ്യന്തര വില്‍പ്പനയും, 18,220 യൂണിറ്റ് കയറ്റുമതിയും ഉള്‍പ്പെടെയാണിത്. ഹോണ്ട ആക്ടിവ 2023 അവതരണവും, പ്രീമിയം മോട്ടോര്‍സൈക്കിള്‍ ബിസിനസ് നെറ്റ്‌വര്‍ക്ക് വിപുലീകരണവും ജനുവരിയില്‍ നടന്നു. വിവിധ ഇടങ്ങളില്‍ റോഡ് സുരക്ഷ ബോധവത്കരണ ക്യാമ്പുകള്‍ നടത്തിയ കമ്പനി, ഹരിയാന മനേസറിലെ ഗ്ലോബല്‍ റിസോഴ്‌സ് ഫാക്ടറിയില്‍ യുവ വിദ്യാര്‍ഥികള്‍ക്കായി വ്യാവസായിക സന്ദര്‍ശനവും സംഘടിപ്പിച്ചു. 2023ലെ ഡാകര്‍ റാലിയില്‍ മോണ്‍സ്റ്റര്‍ എനര്‍ജി […]

ഡൽഹി: വൈദ്യരത്നം ഔഷധശാല ഡൽഹി ബ്രാഞ്ചിന്‍റെയും ശ്രീദുർഗ്ഗ എൻറർപ്രൈസസിന്‍റെയും സംയുക്ത ആഭിമുഖ്യത്തിൽ ദിൽ ഷാദ് കോളനി എ. ബ്ലോക്കിൽ നൂറാം നമ്പറിൽ വച്ച് ഫെബ്രുവരി 26 ഞായറഴ്ച രാവിലെ 9.30 മുതൽ 1 മണി വരെ ആയുർവേദ ചികിത്സ ക്യാമ്പ് നടത്തുന്നു. വൈദ്യരത്നം ഔഷധശാല സീനിയർ ഫിസിഷ്യൻ ഡോ.കെ സൂര്യദാസിന്റെ നേതൃത്വത്തിലാണ് ക്യാമ്പ് നടക്കുന്നത്. ഒൻപത് മണിയ്ക്ക് രജിസ്റ്ററേഷൻ ആരംഭിക്കും. മുൻകൂട്ടി ബുക്ക് ചെയ്യാൻ 011 35749615, 8595672762 നമ്പറുകളിൽ ബന്ധപ്പെടുക.

കണ്ണൂര്‍: കണ്ണൂരില്‍ ഓടുന്ന കാറിനു തീപിടിച്ച് ഗര്‍ഭിണിയും ഭര്‍ത്താവും മരിച്ചതില്‍, ഡോര്‍ ലോക്ക് ആയതു രക്ഷാപ്രവര്‍ത്തനത്തിനു തടസ്സമായെന്നു ദൃക്സാക്ഷികളായ നാട്ടുകാർ. ചില്ലുകള്‍ തകര്‍ത്തു രണ്ടു പേരെയും രക്ഷപ്പെടുത്താനുള്ള ശ്രമം വിജയിച്ചില്ലെന്നും നാട്ടുകാര്‍ പറഞ്ഞു. കുറ്റിയാട്ടൂര്‍ സ്വദേശികളായ പ്രജിത് (35), ഭാര്യ റീഷ (26) എന്നിവരാണ് മരിച്ചത്. നടുറോഡിൽ കാർ നിന്നു കത്തുന്നതാണ് പുറത്തുവന്ന ദൃശ്യങ്ങളിൽ. കാർ കത്തുന്നത് കണ്ട് ഓടികൂടിയ നാട്ടുകാർ കാറിനടുത്തുചെന്ന് രക്ഷിക്കാൻ ശ്രമിക്കുന്നുണ്ടെങ്കിലും കഴിഞ്ഞില്ല. ‘ഫയർഫോഴ്സിനെ വിളിയെടാ’ എന്നു നാട്ടുകാർ അലറുന്നത് വിഡിയോയിൽ കേൾക്കാം. […]

ഹൊനിയാര: സോളമൻ ദ്വീപുകളിൽ എംബസി തുറന്ന് യുഎസ്. പസഫിക്കിലേക്കുള്ള ചൈനയുടെ നീക്കത്തെ ചെറുക്കാനുള്ള നടപടിയായി ഇതിനെ കാണാം. തലസ്ഥാനമായ ഹൊനിയാരയിലാണ് എംബസി പ്രവർത്തിക്കുന്നത്. ഒരു ചാർജ് ഡി അഫയേഴ്സ്, രണ്ട് സ്റ്റേറ്റ് ഡിപ്പാർട്ട്മെന്റ് സ്റ്റാഫ്,  പ്രാദേശിക ജീവനക്കാർ എന്നിവർ എംബസിയിൽ ജോലിക്കുണ്ട്. 1993-ൽ അടച്ചുപൂട്ടുന്നതിന് മുമ്പ്  അഞ്ച് വർഷം സോളമൻ ദ്വീപുകളിൽ യുഎസ് എംബസി പ്രവർത്തിച്ചിരുന്നു.  ഈ മേഖലയിലെ ചൈനയുടെ  നീക്കങ്ങൾ തടയുന്നതിന്റെ ഭാഗമായാണ് വീണ്ടും എംബസി തുറന്നത്. എംബസി തുറക്കുന്നത് മേഖലയിലുടനീളം കൂടുതൽ നയതന്ത്ര ഉദ്യോഗസ്ഥരെ […]

error: Content is protected !!