അട്ടപ്പാടിയിലെ 20 കുട്ടികളുടെ പഠനച്ചെലവുകള്‍ ഏറ്റെടുത്ത് മോഹന്‍ലാൽ

അട്ടപ്പാടിയിലെ 20 കുട്ടികളുടെ പഠനച്ചെലവുകള്‍ ഏറ്റെടുത്ത് മോഹന്‍ ലാലിന്റെ വിശ്വശാന്തി ഫൗണ്ടേഷന്‍. സംഘടനയുടെ പുതിയ പദ്ധതിയായ 'വിന്റേജ്'ലൂടെയാണ് തെരഞ്ഞെടുക്കപ്പെട്ട കുട്ടികളുടെ 15 വര്‍ഷത്തേയ്ക്കുള്ള പഠന ചിലവ് ഫൗണ്ടേഷന്‍ ഏറ്റെടുത്തിരിക്കുന്നത്.

ഫേസ്ബുക്കിലൂടെ മോഹന്‍ലാലാണ് വിവരം പുറത്തുവിട്ടത്.

ഈ കുട്ടികളുടെ രക്ഷകര്‍ത്താവായും ഗുരുവായും എപ്പോഴും ഒപ്പമുണ്ടാകുമെന്നും ഫേസ്ബുക്കില്‍ പങ്കുവെച്ച വീഡിയോയില്‍ മോഹന്‍ലാല്‍ പറഞ്ഞു. എല്ലാ വര്‍ഷവും ഇത്തരത്തില്‍ കുട്ടികളെ കണ്ടെത്തി പദ്ധതിയുടെ ഭാഗമാക്കുമെന്നും അദേഹം വ്യക്തമാക്കി.