04
Monday July 2022
ജില്ലാ വാര്‍ത്തകള്‍

ഇടത് സർക്കാറിന്റെ നയ വൈകല്യങ്ങൾ മൂലം കെ. എസ്. ആർ. ടി. സി. ഡിപ്പോകൾ മരണ കേന്ദ്രങ്ങളാകുന്നു : ബി. എം. എസ്.

ന്യൂസ് ബ്യൂറോ, പാലക്കാട്
Friday, June 24, 2022


പാലക്കാട് : കേരള സർക്കാരിന്റെ നയ വൈകല്യങ്ങൾ മൂലം കെ. എസ്. ആർ. ടി. സി. ഡിപ്പോകൾ മരണ കേന്ദ്രങ്ങളാകുന്നു എന്ന് ബി എം എസ് പാലക്കാട് ജില്ലാ വൈസ് പ്രസിഡണ്ട് ശ്രീ. എസ്. അമർനാഥ് ആരോപിച്ചു. താഴെത്തട്ടിലുള്ള ജീവനക്കാർ മുതൽ ഉയർന്ന ഉദ്യോഗസ്ഥർ വരേയും ഇതിൽ നിന്നും മുക്തരല്ല. പിണറായി വിജയൻ സർക്കാർ അധികാരത്തിൽ വന്നതിനു ശേഷം നൂറ്റമ്പതിലധികം കെ. എസ്. ആർ. ടി. സി. ജീവനക്കാരാണ് ആത്മഹത്യ ചെയ്തത്. തിരുവനന്തപുരത്ത് ഡിപ്പോ എഞ്ചിനീയറാണ് ദിവസങ്ങൾക്ക് മുമ്പേ ക്രൂരമായ തൊഴിൽ പീഢനത്തിനിരയായി ഡിപ്പോയിൽത്തന്നെ തൂങ്ങിമരിച്ചത്.

പെരിന്തൽമണ്ണ ഡിപ്പോയിൽ ഇന്നലെ ആത്മഹത്യാ ശ്രമം നടത്തിയത് മെക്കാനിക്കാണ്. കണ്ടക്ടർ, ഡ്രൈവർ, ഇൻസ്പെക്ടർ തുടങ്ങിയ പല വിഭാഗം ജീവനക്കാരും ചെയ്ത തൊഴിലിനു കൂലി കിട്ടാത്തതിനാൽ ആത്മഹത്യ ചെയ്തവരുടെ കൂട്ടത്തിൽപ്പെടുന്നു. കടുത്ത മാനസിക സമ്മർദ്ദം മൂലം ഡിപ്പോയിൽ വിശ്രമിക്കുമ്പോഴും, ഡ്യൂട്ടിക്കിടയിലും മരണപ്പെട്ടവർ എണ്ണുവാൻ കഴിയുന്നതിലും അധികമാണെന്നതും അദ്ദേഹം ചൂണ്ടിക്കാട്ടി.

പൊതുഗതാഗത രംഗം സ്വകാര്യ, സഹകരണ ബിനാമികൾക്ക് തീറെഴുതി കൊടുക്കാനുള്ള സർക്കാർ നയ തീരുമാനത്തെ എതിർത്ത് തോൽപ്പിച്ച് സാധാരണക്കാരുടെ യാത്രാ സൌകര്യവും, ജീവനക്കാരുടെ തൊഴിലും, കൂലിയും സംരക്ഷിക്കാൻ ബി എം എസ് പ്രതിജ്ഞാബദ്ധമാണെന്ന് അദ്ദേഹം പറഞ്ഞു. ശമ്പള പ്രതിസന്ധി വിഷയത്തിൽ ബഹു. ഹൈക്കോടതിയുടെയും, പൊതു സമൂഹത്തിന്റെയും അനുഭാവപൂർണ്ണമായ നിലപാടുകൾ സ്വാഗതാർഹമാണെന്നും, പ്രതീക്ഷ നൽകുന്നതാണെന്നും അദ്ദേഹം കൂട്ടിച്ചേർത്തു.

പാലക്കാട് നടക്കുന്ന അനിശ്ചിതകാല ധർണ്ണയുടെ പതിനേഴാം ദിവസത്തെ പ്രതിഷേധ യോഗം ഉദ്ഘാടനം നിർവഹിച്ചു സംസാരിക്കുകയായിരുന്നു എസ്. അമർനാഥ്.
യോഗത്തിൽ കെ. എസ്. ടി. ഇ. എസ് ജില്ലാ വൈസ് പ്രസിഡണ്ട് പി.ആർ. മഹേഷ് അദ്ധ്യക്ഷത വഹിച്ചു. പാലക്കാട് യൂണിറ്റ് ട്രഷറർ എം. മുരുകേശൻ ആശംസകൾ അർപ്പിച്ചു. കെ. എസ്. ടി. ഇ. എസ്. ജില്ലാ സെക്രട്ടറി ടി.വി.രമേഷ് കുമാർ സ്വാഗതവും, ചിറ്റൂർ യൂണിറ്റ് സെക്രട്ടറി യു. തുളസീദാസ് നന്ദിയും പറഞ്ഞു. ഇ. ശശി, ഇ.എസ് സുദേവൻ, എ.എസ് അരുൺ എന്നിവർ പ്രതിഷേധ പ്രകടനം നയിച്ചു.

More News

ന്യൂഡല്‍ഹി: ഏക്നാഥ്​ ഷിന്‍ഡെ വിഭാഗം നിര്‍ദേശിച്ച എം.എല്‍.എയെ ചീഫ്​ വിപ്പ്​ ആക്കിയ പുതിയ മഹാരാഷ്​​ട്ര നിയമസഭാ സ്പീക്കറുടെ നടപടി ചോദ്യം ചെയ്ത്​ ഉദ്ധവ്​ താക്കറെയുടെ നേതൃത്വത്തിലുള്ള ശിവസേന സുപ്രീംകോടതിയില്‍. ഷിന്‍ഡെയെയും 15 എം.എല്‍.എമാരെയും അയോഗ്യരാക്കുന്നത്​ തടയണമെന്ന്​ ആവശ്യപ്പെട്ട്​ ഷിന്‍ഡെ വിഭാഗം സമര്‍പ്പിച്ച ഹരജിക്കൊപ്പം ഈ മാസം 11ന്​ ഈ ഹരജിയും പരിഗണിക്കുമെന്ന്​ സുപ്രീംകോടതി വ്യക്​തമാക്കി. താക്കറെ വിഭാഗത്തിന്‍റെ ശിവസേനാ ചീഫ്​ വിപ്പായിരുന്നു സുനില്‍ പ്രഭുവാണ്​ സുപ്രീംകോടതിയെ സമീപിച്ചത്​. ഉദ്ധവിനൊപ്പമുള്ള സുനില്‍ പ്രഭുവിനെ ചീഫ്​ വിപ്പ്​ സ്ഥാനത്ത്​ നിന്ന്​ […]

ഉഴവൂര്‍: കേരള കർഷക സംഘം ഉഴവൂർ പഞ്ചായത്ത് സമ്മേളനം (ഡോ എം സുകുമാരൻ നായർ നഗർ) പ്രസിഡന്റ് ടി. എൻ ജയപ്രകാശിൻ്റെ അദ്ധ്യക്ഷതയിൽ ജില്ലാ കമ്മിറ്റി അംഗം സി.എം സിറിയക്ക് ഉദ്ഘാടനം ചെയ്തു. സെക്രട്ടറി എബ്രാഹം സിറിയക്ക് റിപ്പോർട്ട് അവതരിപ്പിച്ചു. ശ്രീനി തങ്കപ്പൻ അനുശോചനം പ്രമേയവും, പി.കെ ബാബു രക്തസാക്ഷി പ്രമേയവും അവതരിപ്പിച്ചു. കെ .ജി രാഘവൻ, കെ.എസ് സോമൻ, പി.ജെ വർഗീസ്, ഷെറി മാത്യു, എൻ സോമനാഥപിള്ള, കെ സജീവ്കുമാർ എന്നിവർ പ്രസംഗിച്ചു. സമ്മേളനം ഏഴ് […]

പെരിങ്ങല്‍കുത്ത് ഡാമിന്റെ രണ്ട് സ്യൂയിസ് വാള്‍വുകള്‍ തുറന്ന് 400 ക്യുമെക്‌സ് ജലം ചാലക്കുടി പുഴയിലേക്ക് ഒഴുക്കാന്‍ ജില്ലാ ദുരന്തനിവാരണ അതോറിറ്റി ചെയര്‍പേഴ്‌സണ്‍ കൂടിയായ ജില്ലാ കലക്ടര്‍ ഹരിത വി കുമാര്‍ ഉത്തരവിറക്കി. ഉച്ചയ്ക്ക് 12 മണിമുതല്‍ വൈകീട്ട് നാല് മണിവരെയുള്ള സമയത്തിനുള്ളില്‍ ആവശ്യമായ മുന്നറിയിപ്പുകള്‍ നല്‍കി ഘട്ടം ഘട്ടമായാണ് ഡാമിന്റെ സ്ലൂയിസ് വാള്‍വുകള്‍ തുറന്ന് അധികജലം ഒഴുക്കിവിടുക. പൊരിങ്ങല്‍കുത്ത് ഡാമിലെ സ്യൂയിസ് വാല്‍വുകള്‍ തുറന്നാല്‍ അധികജലം ഒഴുകിവന്ന് ചാലക്കുടി പുഴയിലെ ജലനിരപ്പ് ഒരു മീറ്ററോളം ഉയരാന്‍ സാധ്യതയുള്ളതിനാല്‍ […]

ഡിആർഡിഒ 630 ഒഴിവുകളിലേക്ക് അപേക്ഷ ക്ഷണിച്ചു. സയന്റിസ്റ്റ്, എഞ്ചിനീയർ തസ്തികകളിലാണ് ഒഴിവുകൾ. എ​ൻ​ജി​നീ​യ​റി​ങ് ബി​രു​ദ​ക്കാ​ർ​ക്കും സ​യ​ൻ​സ് പോ​സ്റ്റ് ഗ്രാ​ജ്വേ​റ്റു​ക​ൾ​ക്കും അപേക്ഷിക്കാം. ഡി​ഫ​ൻ​സ് റി​സ​ർ​ച് ആ​ൻ​ഡ് ഡെ​വ​ല​പ്മെ​ന്റ് ഓ​ർ​ഗ​നൈ​സേ​ഷ​നി​ൽ (ഡി.​ആ​ർ.​ഡി.​ഒ) 579, ഡി​പ്പാ​ർ​ട്ട്മെ​ന്റ് ഓ​ഫ് സ​യ​ൻ​സ് ആ​ൻ​ഡ് ടെ​ക്നോ​ള​ജി (ഡി.​എ​സ്.​ടി)​യി​ൽ എ​ട്ട്, ഏ​റോ​നോ​ട്ടി​ക്ക​ൽ ഡെ​വ​ല​പ്മെ​ന്റ് ഏ​ജ​ൻ​സി​യി​ൽ (എ.​ഡി.​എ) 43 എ​ന്നി​ങ്ങ​നെയാണ് ഒഴിവുകളുടെ എണ്ണം. https://rac.gov.in, https://drdo.gov.in, https://ada.gov.in, www.dst.gov.in എന്നീ വെബ്സൈറ്റുകളിൽ വിശദമായ വിജ്ഞാപനം കാണാം. നിലവിൽ ​ഗേറ്റ് സ്കോർ ഉള്ളവർക്കാണ് അവസരം. സ​യ​ൻ​സ് വി​ഭാ​ഗ​ത്തി​ൽ ഫി​സി​ക്സ്, കെ​മി​സ്ട്രി, […]

തൃശൂര്‍: യൂത്ത് കോൺഗ്രസ് തൃശൂർ നിയോജക മണ്ഡലത്തിലെ നോർത്ത് – വെസ്റ്റ് മണ്ഡലം കമ്മറ്റികളുടെ ആഭിമുഖ്യത്തിൽ കരുണം ഭവന നിർമ്മാണ ധനശേഖരണത്തിനായി സംഘടിപ്പിക്കുന്ന ലീഡർ കെ. കരുണാകരൻ മെമ്മോറിയൽ 5’s ഫുട്ബോൾ ടൂർണ്ണമെന്റ് പടിഞ്ഞാറെക്കോട്ടയിലെ എൻഫീൽഡ് എഫ്സിയിൽ സംഘടിപ്പിച്ചു. കെപിസിസി നിർവാഹക സമിതി അംഗം പത്മജ വേണുഗോപാൽ ഉദ്ഘാടനം നിർവഹിച്ച ടൂർണ്ണമെന്റിലെ വനിതകളുടെ മത്സര വിജയികൾക്ക് മുൻ സ്പീക്കർ തേറമ്പിൽ രാമകൃഷ്ണനും, പുരുഷ വിഭാഗം മത്സരത്തിലെ വിജയികൾക്ക് ഡിസിസി പ്രസിഡന്റ് ജോസ് വള്ളൂരും സമ്മാനം വിതരണം ചെയ്തു. […]

കേരള ബ്ലാസ്റ്റേഴ്സ് താരം അഡ്രിയാന്‍ ലൂണ തന്റെ മകളുടെ മരണ വാര്‍ത്ത പങ്കുവെച്ചു. തന്റെ ആറ് വയസ്സുകാരിയായ മകള്‍ ജുലിയേറ്റ മരണപ്പെട്ടു എന്ന് ലൂണ ഇന്‍സ്റ്റാഗ്രാമിലൂടെ അറിയിച്ചു. ഏപ്രില്‍ 9ന് ആയിരുന്നു ജൂലിയേറ്റ മരണപ്പെട്ടത്‌ സിസ്റ്റിക് ഫൈബ്രോസിസ് എന്ന രോഗത്തോട് പോരാടിയാണ് ജുലിയേറ്റ ഈ ലോകത്തോട് വിടപറഞ്ഞത്. താനും തന്റെ കുടുംബവും വലിയ വേദനയില്‍ ആണെന്നും തന്റെ മകളുടെ ഓര്‍മ്മകള്‍ എന്നും കൂടെ ഉണ്ടാകും എന്നും ലൂണ പറഞ്ഞു. തന്റെ മകള്‍ ഈ ചെറിയ പ്രായത്തില്‍ തന്നെ […]

തിരുവനന്തപുരം: എകെജി സെന്റര്‍ ആക്രമിച്ച് നാലു ദിവസം കഴിഞ്ഞിട്ടും പ്രതിയെ പിടിച്ചില്ലെന്ന ആരോപണം ഉന്നയിച്ച് ഭരണപക്ഷത്തെ പ്രതിക്കൂട്ടിലാക്കാനാണ് പിസി വിഷ്ണുനാഥ് ശ്രമിച്ചത്. പോലീസ് കാവലിലാണ് ആക്രണം നടന്നത്. ഇപ്പോള്‍ നിരപരാധിയുടെ തലയില്‍ കേസ് കെട്ടിവയ്്ക്കാനാണ് ശ്രമിക്കുന്നതെന്നും വിഷ്ണുനാഥ് ആരോപിച്ചു. ആക്രമണത്തിന് പിന്നില്‍ കോണ്‍ഗ്രാണെന്ന് ഇപി ജയരാജനോട് ആരു പറഞ്ഞുവെന്നും വിഷ്ണുനാഥ് ചോദിച്ചു. എകെജി സെന്റര്‍ ഇടിഞ്ഞു പൊളിഞ്ഞു വീഴുന്ന രീതിയിലുള്ള ശബ്ദമുണ്ടായെന്ന് പികെ ശ്രീമതി പറഞ്ഞു. പക്ഷേ അവിടെ ഡ്യൂട്ടിയിലുണ്ടായിരുന്ന എട്ടു പോലീസുകാര്‍ പോലും ആ ശബ്ദം […]

മുംബൈ: ഉദ്ധവ് താക്കറെക്ക് വേണ്ടി ക്യാമറകളുടെ മുന്നില്‍ കരഞ്ഞ എം.എല്‍.എ വിശ്വാസവോട്ടെടുപ്പില്‍ ഉദ്ധവിനെ ചതിച്ചു. ഏക്നാഥ് ഷിന്‍ഡെ പക്ഷത്തിന് ഭൂരിക്ഷമുള്ള സഭയില്‍ വിശ്വാസവോട്ടെടുപ്പ് നടന്നപ്പോള്‍ ഉദ്ധവ് പക്ഷക്കാരനായ എം.എല്‍.എ സന്തോഷ് ബംഗാര്‍ ഉദ്ധവിന് പ്രതികൂലമായി വോട്ട് ചെയ്തു. ഒരാഴ്ച മുമ്ബ് ഏക്നാഥ് ഷിന്‍ഡെ വിമത നീക്കം നടത്തിയപ്പോള്‍ ഉദ്ധവിന് വേണ്ടി പൊതുവേദിയില്‍ കരഞ്ഞയാളാണ് സന്തോഷ് ബംഗാര്‍. ഏക്നാഥ് ഷിന്‍ഡെ പക്ഷക്കാരായ എം.എല്‍.എമാര്‍ കഴിയുന്ന ഹോട്ടലില്‍ കഴിഞ്ഞ രാത്രിയാണ് സന്തോഷെത്തിയത്. സന്തോഷ് ബംഗാര്‍ ഏക്നാഥ് ഷിന്‍ഡെക്ക് വോട്ട് ചെയ്തപ്പോള്‍ […]

പാലക്കാട് ചികിത്സാ പിഴവിനെതുടർന്ന് അമ്മയും കുഞ്ഞും മരിച്ചെന്ന് പരാതി. പാലക്കാട് തങ്കം ആശുപത്രിയിലാണ് പ്രസവത്തെതുടർന്ന് അമ്മയും കുഞ്ഞും മരിച്ചത്. തത്തമംഗലം സ്വദേശി ഐശ്വര്യയും കുഞ്ഞുമാണ് മരിച്ചത്.പൂർണ ആരോഗ്യവതിയായ പെൺകുട്ടിയാണ് പ്രസവത്തിനിടെ മരിച്ചത്. സിസേറിയൻ നടത്താൻ തങ്ങൾ തയാറായിരുന്നുവെങ്കിലും ആശുപത്രി അധികൃതർ അതിന് വിസമ്മതിച്ചുവെന്നും ബന്ധുക്കൾ ആരോപിക്കുന്നു. ഇന്നലെ മരിച്ച കുഞ്ഞിന്റെ മൃതദേഹം ബന്ധുക്കളെ കാണിക്കാതെ മറവ് ചെയ്തതായും പരാതിയുണ്ട്. സംഭവത്തിൽ ആശുപത്രിക്കെതിരെ മനപൂർവ്വമല്ലാത്ത നരഹത്യക്ക് പൊലീസ് കേസെടുത്തു. ഐശ്വര്യയുടെ ആരോഗ്യനില വഷളയാപ്പോൾ പോലും ആശുപത്രി അധികൃതർ ബന്ധുക്കളെ അറിയിച്ചില്ലെന്നും […]

error: Content is protected !!