ഇൻഡ്യൻ റിസർവ് ബറ്റാലിയൻ കായിക ക്ഷമതാ പരീക്ഷ: കൊല്ലം സിറ്റി പോലീസ് പരിധിയിൽ ഗതാഗത നിയന്ത്രണം

കൊല്ലം: കേരള പബ്ലിക് സർവ്വീസ് കമ്മീഷൻ നടത്തുന്ന ഇൻഡ്യൻ റിസർവ് ബറ്റാലിയൻ പോലീസ് കോൺസ്റ്റബിൾ തസ്തികയിലേക്കുള്ള കായികക്ഷമത പരീക്ഷ 5 കിലോമീറ്റർ ദൂര എൻഡുറൻസ് ടെസ്റ്റ് നടക്കുന്നതിനാൽ കൊല്ലം സിറ്റി പോലീസ് പരിധിയിൽ ഗതാഗത നിയന്ത്രണം.

ഇന്ന് മുതൽ 13 വരെയും, 19 മുതൽ 23 വരെയും രാവിലെ 5 മണി മുതൽ 9 മണി വരെയുമാണ് കായികക്ഷമതാ പരീക്ഷ നടത്തുന്നത്. ആയതിനാൽ ഈ സമയങ്ങളിൽ കർശനമായ ഗതാഗത നിയന്ത്രണമുണ്ടായിരിക്കുന്നതാണ്.

*എൻഡുറൻസ് ടെസ്റ്റ് നടക്കുന്ന സ്ഥലങ്ങൾ.

കൊല്ലം പാരിപ്പള്ളി പരവ്വൂർ റോഡ് (മുക്കട ജംഗ്ഷൻ-ആർ.ജി
ട്രെഡേർസ്-മൃഗാശുപത്രി പുത്തൻകുളം-മീനമ്പലം ജംഗ്ഷൻ),

ആശ്രാമം റോഡ് (ആശ്രാമം ആയുർവേദ ആശുപത്രി ജംഗ്ഷൻ- ഹോളി ഫാമിലി കാത്തലിക് ചർച്ച്-ആയുർവേദ ഹോസ്പിറ്റൽ -ഹോക്കി സ്റ്റേഡിയം മുനീശ്വരസ്വാമി ടെമ്പിൾ- ഹോളി ഫാമിലി കാത്തലിക് ചർച്ച്- നോർത്ത് ഈസ്റ്റ് കോർണർ ഓഫ് ആശ്രാമം ഗ്രൗണ്ട്)

ബീച്ച് റോഡ് ( പോർട്ട് കൊല്ലം ജംഗ്ഷൻ- കളക്ടർ ബംഗ്ലാവ് - ഡിസിസി ഓഫീസ് -വെടിക്കുന്ന് - ബീച്ച് റോഡ്)

പാരിപ്പള്ളി - പരവ്വൂർ റോഡിൽ (തിരിച്ചും) യാത്ര ചെയ്യുവാനായി പാരിപ്പള്ളി-മീനമ്പലം ജംഗ്ഷൻ- യു.കെ.എഫ് കോളേജ് -മൈലവിള- ഊന്നിൻമൂട്- പരവ്വൂർ തിരഞ്ഞെടുക്കാവുന്നതാണ്. കേരള പി.എസ്.സി നടത്തുന്ന കായിക ക്ഷമത പരീക്ഷ ആയതിനാൽ ഇവിടങ്ങളിൽ ഫോട്ടോഗ്രാഫി, വിഡിയോഗ്രാഫി എന്നിവ അനുവദനീയമല്ല. കൂടാതെ ടെസ്റ്റ് നടക്കുന്ന റൂട്ടുകളിലും പരിസരത്തും ഉദ്യോഗാർത്ഥികൾക്കൊപ്പം വരുന്നവർക്കും നിയന്ത്രണമുണ്ടാവും