ആർ ശ്രീലേഖ ഐപിഎസ് ഇനിയെങ്കിലും സത്യമെല്ലാം വെളിപ്പെടുത്തണം...

കിളിരൂർ കവിയൂർ കേസുകളിൽ എന്താണ് സംഭവിച്ചത് ? ഏതൊക്കെ വ്യക്തികളാണ് - രാഷ്ട്രീയനേതാക്കളാണ് അതിൽ ഉൾപ്പെട്ടിരുന്നത് ? അന്നത്തെ ഹൈക്കോടതി ജസ്റ്റിസ് ബസന്തിന് ലഭിച്ച ആ കത്ത് താങ്കളുടെ കൈവശമെത്തിയത് എങ്ങനെ കാണാതായി ? ആ കത്ത് എവിടെപ്പോയി ? ആ കത്തുൾപ്പെടെയുള്ള രേഖകൾ ഫയലിൽ നിന്ന് കാണാതെ പോയത് അന്വേഷണം അട്ടിമറിക്കാനുള്ള ഗൂഡാലോചനയായിരുന്നു എന്ന ആരോപണത്തിന് താങ്കൾ മറുപടി പറയണം ? കാരണം അന്വേഷണ ഉദ്യോഗസ്ഥ താങ്കളായിരുന്നു.

ആ കത്തിന്റെ അടിസ്ഥാനത്തിൽ നടപടി പോയിട്ട് ഒരന്വേഷണം പോലും നടത്താതിരുന്നത് എന്തുകൊണ്ടാണ് ?

ആ കത്ത് ഏറെ പ്രാധാന്യമുള്ളതായിരുന്നു. സിനിമാനടിയാക്കാമെന്ന ഓഫർ നൽകി അനഘയെന്ന പെൺകുട്ടിയെ പ്രലോഭിപ്പിച്ച് പല പ്രമുഖരും പിച്ചിച്ചീന്തിയ ഞെട്ടിക്കുന്ന വിവരങ്ങളായിരുന്നു കത്തിൽ.

മരണപ്പെടും മുൻപ് ശാരി എന്ന പെൺകുട്ടി താങ്കളുടെ കൈപിടിച്ച് അപേക്ഷിച്ച സഹായാഭ്യർത്ഥനയിൽ താങ്കൾ എന്ത് സഹായമാണ് ആ കുട്ടിക്ക് ചെയ്തുകൊടുത്തത് ? കവിയൂർ - കിളിരൂർ കേസുകളിൽ എന്താണ് പിന്നീട് നടന്നത് ?

ശ്രീമതി ശ്രീലേഖ ഈ കേസുകളിൽ പൂർണ്ണമായും സംശയനിഴലിലാണെന്ന പ്രമുഖ പത്രപ്രവർത്തകൻ രാജശേഖരൻ നായരുടെ ആരോപണത്തിന് എന്തുകൊണ്ടാണ് മറുപടി പറയാത്തത് ?

സത്യസന്ധയായ ഉദ്യോഗസ്ഥയായിരുന്നു താനെന്ന തെളിയിക്കാനാണ് ശ്രീമതി ശ്രീലേഖ ഐപിഎസ് വിളിച്ചുപറ യാനാഗ്രഹിക്കുന്നെങ്കിൽ കവിയൂർ - കിളിരൂർ കേസിലെ സത്യമെല്ലാം അവർ പൊതുസമൂഹത്തോട് ഇനിയെങ്കിലും തുറന്നുപറയണം ?

ഇപ്പോൾ കോടതിയുടെ പരിഗണനയിലിരിക്കുന്ന അതിജീവിതയുടെ കേസിൽ താങ്കൾ കേസിനെമുഴുവൻ സാരമായി ബാധിക്കപ്പെട്ടേക്കാവുന്ന വെളിപ്പെടുത്തൽ ഇതുവരെ നടത്താതിരുന്നത് എന്തുകൊണ്ടാണ് ? എന്തുകൊണ്ട് ഇക്കാര്യങ്ങൾ പോലീസുദ്യോഗസ്ഥരോടോ, ഒരു കക്ഷിയായി ചേർന്ന് കോടതിയിലോ പോയി വെളിപ്പെടുത്തിയില്ല?

ആലപ്പി അഷറഫിന്റെ വാക്കുകൾ കടമെടുക്കട്ടെ... !

കേരളത്തിലെ ജനങ്ങളെ വിഡിഢുകളാക്കാൻ പറ്റില്ല, നമുക്ക് അവജ്ഞയോടെ തള്ളാൻ - ഇനിയും വരട്ടെ ഇത്തരം കപട നാടകങ്ങൾ.

കേരളത്തിൻ്റെ ആദ്യ വനിതാ ഡി.ജി.പി ആകാൻ കഴിയാതെ പോയ... "മോഹഭംഗ മനസ്സിലെ ശാപപങ്കില നടകളിൽ.... " . വെറെന്തു പറയാൻ...