അന്താരാഷ്ട്ര യുവജന നൈപുണ്യ ദിനത്തില്‍ യുവാക്കളെ ശാക്തീകരിക്കാന്‍ വാധ്വാനി ഫൗണ്ടേഷന്‍

കൊച്ചി: ലോക യുവജന നൈപുണ്യ ദിനത്തോടനുബന്ധിച്ച് ഭാവിയിലേക്ക് വേണ്ടി കഴിവുകള്‍ വികസിപ്പിച്ച് യുവാക്കളെ ശാക്തീകരിക്കാന്‍ വാധ്വാനി ഫൗണ്ടേഷന്‍ തയ്യാറെടുക്കുന്നു. യുവാക്കളുടെ തൊഴില്‍ സംബന്ധമായ കഴിവുകള്‍ വികസിപ്പിക്കുന്നതിന്റെ പ്രാധാന്യത്തെക്കുറിച്ച് ചര്‍ച്ച ചെയ്യുന്ന ദിനമാണിന്ന്.

യുവാക്കളെ മികച്ച സാമൂഹിക സാമ്പത്തിക ലക്ഷ്യങ്ങള്‍ കൈവരിക്കാന്‍ പ്രോത്സാഹിപ്പിക്കുന്നതിനായി ഐക്യരാഷ്ട്രസഭയാണ് ഇത്തരത്തിലൊരു ദിനാചരണത്തിന് തുടക്കം കുറിച്ചത്. ' ഭാവിയിലേക്കുള്ള യുവത്വ നൈപുണ്യ പരിവര്‍ത്തനം' എന്നതാണ് ഈ വര്‍ഷത്തെ വിഷയം.

കോവിഡിന് ശേഷമുള്ള പ്രതിസന്ധിയെ തരണം ചെയ്യുന്നതിന് വിദ്യാഭ്യാസ രീതിയില്‍ പുനര്‍രൂപകല്‍പ്പന നടത്തി അതിവേഗം മാറിക്കൊണ്ടിരിക്കുന്ന തൊഴില്‍ രംഗത്തിന് പര്യാപ്തമായ രീതിയില്‍ യുവാക്കളെ സജ്ജമാക്കണമെന്നതാണ് ഇത്തവണത്തെ ലക്ഷ്യം. ഇതിനായി വാധ്വാനി ഫൗണ്ടേഷന്‍ വിവിധ പദ്ധതികള്‍ ആവിഷ്‌കരിക്കുന്നു. കൊവിഡിനെത്തുടര്‍ന്ന് ബിസിനസ് രംഗത്ത് ഉടലെടുത്ത ഡിജിറ്റല്‍ മാറ്റങ്ങള്‍ യുവാക്കള്‍ക്ക് ഉയര്‍ന്ന വേതനം ഉറപ്പാക്കുമെന്ന് വാധ്വാനിയുടെ പ്രസിഡന്റും സിഇഒയുമായ അജയ് കേല പറഞ്ഞു.