ഇടുക്കി ഗവ. വൃദ്ധ വികലാംഗ സദനത്തില്‍ ജെപിഎച്ച്എന്‍ മള്‍ട്ടി ടാക്‌സ് കെയര്‍ പ്രൊവൈഡര്‍ തസ്തികകളിലേക്ക് അപേക്ഷ ക്ഷണിച്ചു

സാമൂഹ്യ നീതി വകുപ്പിനു കീഴില്‍ തൊടുപുഴ, മുതലക്കോടം പഴുക്കാകുളം ഇടുക്കി ഗവ. വൃദ്ധ വികലാംഗ സദനത്തില്‍ ജെപിഎച്ച്എന്‍ മള്‍ട്ടി ടാക്‌സ് കെയര്‍ പ്രൊവൈഡര്‍ തസ്തികകളില്‍ കരാര്‍ അടിസ്ഥാനത്തില്‍ സേവനം അനുഷ്ടിക്കുന്നതിന് താല്‍പര്യമുള്ള ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു.

വെള്ള കടലാസില്‍ തയ്യാറാക്കിയ ബയോഡാറ്റയും, യോഗ്യത സര്‍ട്ടിഫിക്കറ്റുകളുടെ പകര്‍പ്പും അപേക്ഷയോടൊപ്പം ഉണ്ടാകണം. അപേക്ഷകര്‍ വൃദ്ധജന പരിപാലനത്തില്‍ (ജെറിയാട്രിക് കെയര്‍) താല്‍പര്യമുള്ളവരായിരിക്കണം. പ്രായപരിധി 2022 ജൂലൈ ഒന്നിന് 18-50 മദ്ധ്യേ. ക്ഷേമ സ്ഥാപനങ്ങളില്‍ പ്രവര്‍ത്തിപരിചയം ഉള്ളവര്‍ക്കും ജെറിയാട്രിക് കെയര്‍ കോഴ്‌സ് കഴിഞ്ഞവര്‍ക്കും മുന്‍ഗണന ഉണ്ടായിരിക്കും.

ഒഴിവുകള്‍
1. ജെപിഎച്ച്എന്‍- 1 (യോഗ്യത-പ്ലസ് 2 + ജെപിഎച്ച്എന്‍ കോഴ്‌സ് പാസ്സായവര്‍)
2. മള്‍ട്ടി ടാസ്‌ക് കെയര്‍ പ്രൊവൈഡര്‍-2 (പുരുഷന്‍-1, സ്ത്രീ-1) യോഗ്യത- 8-ാം ക്ലാസ്സ് പാസ്സായിരിക്കണം, ജെറിയാട്രിക് കെയര്‍ കോഴ്‌സ് കഴിഞ്ഞവര്‍ക്ക് മുന്‍ഗണന. സ്ത്രീകള്‍ക്ക് പാചകത്തിലുള്ള വൈദഗ്ധ്യം അഭികാമ്യം)

സ്ത്രീകള്‍ക്കും പുരുഷന്‍മാര്‍ക്കും അപേക്ഷിക്കാം. കൂടിക്കാഴ്ചക്കായി അപേക്ഷയും അസ്സല്‍ സര്‍ട്ടിഫിക്കറ്റുകളുമായി 2022 ആഗസ് 10, രാവിലെ 10 മണിക്ക് ജെപിഎച്ച്എന്‍ തസ്തികയിലേക്കുള്ളവരും, അന്നേദിവസം ഉച്ചകഴിഞ്ഞ് 2 മണിക്ക് കെയര്‍ പ്രൊവൈഡര്‍ തസ്തികയിലേക്കുള്ളവരും കോവിഡ് പ്രോട്ടോകോള്‍ പാലിച്ച് കൂടിക്കാഴ്ചക്ക് വൃദ്ധസദനത്തില്‍ നേരിട്ട് ഹാജരാകണം. അസ്സല്‍ സര്‍ട്ടിഫിക്കറ്റ് ഹാജരാക്കാത്തവരുടെ അപേക്ഷ പരിഗണിക്കില്ല. കൂടുതല്‍ വിവരങ്ങള്‍ക്ക് ഫോണ്‍-9497286153.