വണ്ടിപ്പെരിയാര്‍ സര്‍ക്കാര്‍ പോളിടെക്നിക് കോളേജിൽ ലാറ്ററല്‍ എന്‍ട്രി സ്പോട്ട് അഡ്മിഷന്‍ ഓഗസ്റ്റ് 30 വരെ

വണ്ടിപ്പെരിയാര്‍ സര്‍ക്കാര്‍ പോളിടെക്നിക് കോളേജിലെ കമ്പ്യൂട്ടര്‍ എഞ്ചിനിയറിംഗ്, ഇലക്ട്രോണിക്സ് എഞ്ചിനിയറിംഗ് കോഴ്സുകളില്‍ ഒഴിവുള്ള സീറ്റുകളിലേക്ക് ലാറ്ററല്‍ എന്‍ട്രി മുഖേന ഓഗസ്റ്റ് 30 വരെ സ്പോട്ട് അഡ്മിഷന്‍ നടത്തും. രജിസ്ട്രേഷന്‍ രാവിലെ 9 മണി മുതല്‍ 12 മണി വരെ. താല്‍പര്യമുള്ളവര്‍ ആവശ്യമായ എല്ലാ അസ്സല്‍ സര്‍ട്ടിഫിക്കറ്റുകളും, പ്രോസ്പെക്ടസില്‍ പറഞ്ഞിരിക്കുന്ന ഫീസ്, പി.ടി.എ ഫണ്ട് എന്നിവ സഹിതം കോളേജില്‍ ഹാജരായി രജിസ്ട്രേഷന്‍ നടത്തണം. ഫീസ് പേയ്മെന്റ് കാര്‍ഡ് വഴി മാത്രം. ഒഴിവുകളുടെ വിവരങ്ങള്‍ അറിയാന്‍ www.polyadmission.org എന്ന വെബ്‌സൈറ്റ് സന്ദര്‍ശിക്കുക. കൂടുതല്‍ വിവരങ്ങള്‍ക്ക് ഫോണ്‍: 04869253710, 9400006432