/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/BrkeMsexpqdqruH43PA2.jpeg "publive-image")
തിരുവനന്തപുരം: ടൂറിസ്റ്റ് ബസുകള്ക്ക് പിന്നാലെ സംസ്ഥാനത്തെ മുഴുവന് ആംബുലന്സുകളും വെള്ളനിറത്തിലേക്ക് മാറണമെന്ന് സംസ്ഥാന ഗതാഗത അതോറിറ്റി. 2023 ജനുവരി ഒന്നുമുതല് നിയമം പ്രാബല്യത്തില്വരും. നിലവിലുള്ള ആംബുലന്സുകള് കാര്യക്ഷമതാ പരിശോധന നടക്കുന്ന മുറയ്ക്ക് നിറംമാറ്റിയാല് മതിയെന്നും നിര്ദേശമുണ്ട്. വാഹനത്തിന്റെ മുന്നിലെയും പിന്നിലെയും ബമ്പറുകളില് ഉള്പെടെ തിളങ്ങുന്ന വെള്ള നിറം അടിക്കാനാണ് പ്രധാന നിര്ദ്ദേശം.
കൂടാതെ, വെഹികിള് ലൊക്കേഷന് ട്രാകിങ് ഡിവൈസും സ്ഥാപിക്കണം. മൃതദേഹം കൊണ്ടുപോകാന്മാത്രം ഉപയോഗിക്കുന്ന ആംബുലന്സുകള് തിരിച്ചറിയുന്നതിനും മാര്ഗനിര്ദ്ദേശമുണ്ട്. ഇത്തരം ആംബുലന്സുകളില് ഇനി സൈറന് ഉപയോഗിക്കാൻ പാടില്ല. മൃതദേഹം കൊണ്ടുപോകുന്ന വാഹനമാണെന്ന് തിരിച്ചറിയാന് ‘Hearse’ എന്ന് മുന്നിലും പിന്നിലും വശങ്ങളിലും പെയിന്റുകൊണ്ടെഴുതണം. വാഹനത്തിന് ചുറ്റിലും മധ്യഭാഗത്ത് 15 സെന്റിമീറ്റര് വീതിയില് നേവിബ്ലൂ നിറത്തില് വരയിടുകയും വേണം.