കെഎസ്ആര്‍ടിസി ബസ് ഓട്ടോയില്‍ ഇടിച്ചു; പാലായില്‍ വിദ്യാര്‍ത്ഥിനിക്ക് ദാരുണാന്ത്യം

കോട്ടയം: കെഎസ്ആര്‍ടിസി ബസ് ഓട്ടോയില്‍ ഇടിച്ച് വിദ്യാര്‍ത്ഥിനി മരിച്ചു. പാലാ സെൻ്റ് മേരീസ് ഹൈസ്കൂൾ വിദ്യാർത്ഥിനിയായ കൃഷ്ണപ്രിയ ആണ്‌ മരിച്ചത്. ഇടപ്പാടിക്ക് സമീപം കുന്നേമുറിയില്‍ രാത്രി 9.30ഓടെയാണ് അപകടമുണ്ടായത്. ഈരാറ്റുപേട്ടയ്ക്ക് പോവുകയായിരുന്ന ബസ്, പാലായിലേക്ക് വരികയായിരുന്ന ഓട്ടോയില്‍ ഇടിക്കുകയായിരുന്നു. പരിക്കേറ്റവരെ ആശുപത്രികളില്‍ പ്രവേശിപ്പിച്ചു.