മരണത്തിന് തൊട്ടുമുമ്പ് ജീവിതം അവസാനിക്കാൻ പോകുന്നതായി ഗരുഡപുരാണം കാട്ടിത്തരുന്ന ചില സൂചനകളുണ്ട്; ആ സൂചനകൾ എന്തൊക്കെയെന്ന് അറിയാം..

തന്റെ ജീവിതത്തിൽ ചെയ്ത പ്രവൃത്തികളുടെ അടിസ്ഥാനത്തിലാണ് ഒരു വ്യക്തി ശിക്ഷിക്കപ്പെടുന്നതെന്ന് 18 പുരാണങ്ങളിലൊന്നായ ഗരുഡ പുരാണം ചൂണ്ടിക്കാട്ടുന്നു. ഗരുഡ പുരാണമനുസരിച്ച്, ഒരു വ്യക്തിയുടെ മരണം അടുക്കാൻ തുടങ്ങുമ്പോൾ ചില അടയാളങ്ങൾ അവർ കാണാൻ തുടങ്ങുന്നുവെന്ന് പറയുന്നു. മരണത്തിന് തൊട്ടുമുമ്പ് ജീവിതം അവസാനിക്കാൻ പോകുന്നതായി കാട്ടിത്തരുന്ന ചില സൂചനകളുണ്ട്. ഗരുഡപുരാണം പറുന്ന ആ സൂചനകൾ എന്തൊക്കെയെന്ന് നമുക്ക് നോക്കാം..

ഹസ്തരേഖ അപ്രത്യക്ഷമാകാൻ തുടങ്ങുന്നു

ഗരുഡ പുരാണമനുസരിച്ച്, ഒരു വ്യക്തിയുടെ അവസാനം അടുക്കുമ്പോൾ, അവരുടെ കൈയ്യിലെ രേഖകൾ അപ്രത്യക്ഷമാകാൻ തുടങ്ങും.

പൂർവ്വികരെ സ്വപ്‌നം കാണുന്നു

ഗരുഡ പുരാണമനുസരിച്ച്, ഈ ഭൂമിയിൽ നിശ്ചയിച്ച സമയം പൂർത്തിയാക്കാൻ തുടങ്ങുമ്പോൾ, ഒരു വ്യക്തിക്ക് മരണത്തിന് കുറച്ച് ദിവസങ്ങൾക്ക് മുമ്പ് സ്വപ്നങ്ങളിലൂടെ സൂചനകൾ ലഭിക്കുന്നു. നിങ്ങളുടെ പൂർവ്വികർ സ്വപ്നത്തിൽ പ്രത്യക്ഷപ്പെടാൻ തുടങ്ങുന്നു. പൂർവ്വികർ കരയുകയോ സ്വപ്നത്തിൽ ഓടിപ്പോകുകയോ ചെയ്യുന്നതായി തോന്നുമ്പോൾ, മരണം നിങ്ങളുടെ അടുത്തെത്തി എന്ന് മനസ്സിലാക്കാം.

നിങ്ങൾക്ക് ചുറ്റും ഒരു ശക്തി അനുഭവപ്പെടുന്നു

നിങ്ങൾക്ക് ചുറ്റും ഒരു നെഗറ്റീവ് ശക്തി അനുഭവപ്പെടുമ്പോൾ നിങ്ങൾക്ക് മോശമായ എന്തെങ്കിലും കാര്യം സംഭവിക്കാൻ പോകുന്നുവെന്ന് മനസ്സിലാക്കണം.

നിഗൂഢമായ കാര്യങ്ങൾ ദൃശ്യമാകുന്നു

ഒരു വ്യക്തി മരണത്തിലേക്ക് കൂടുതൽ അടുക്കാൻ തുടങ്ങുമ്പോൾ, അവർ നിഗുഢമായ നിരവധി കാര്യങ്ങൾ കാണാൻ തുടങ്ങുന്നു. ഒരു വ്യക്തി തീഗോളങ്ങൾ കാണുകയും വെള്ളപ്പൊക്കത്തിൽ അകപ്പെടുകയും ഭൂമിയിൽ സ്‌ഫോടനങ്ങൾ കാണുകയും ആകാശത്ത് പതിവായി പ്രകാശം മിന്നിത്തെളിയുകയും ചെയ്യുന്നത് കാണും. ഇവ കണ്ടാൽ നിങ്ങളുടെ ജീവിത സമയം പൂർത്തിയാകാൻ പോകുന്നതായി മനസ്സിലാക്കണം.

മോശം പ്രവൃത്തികൾ ഓർമ്മയിലെത്തുന്നു

ഗരുഡ പുരാണമനുസരിച്ച് ഒരു വ്യക്തിയുടെ മരണം അടുക്കുമ്പോൾ, അവൻ തന്റെ മോശം കാര്യങ്ങൾ ഓർമ്മിക്കാൻ തുടങ്ങുന്നു. പെട്ടെന്ന് മനസ്സിൽ മാറ്റങ്ങൾ ആരംഭിക്കുന്നു. മുൻകാലങ്ങളിൽ ചെയ്ത മോശം പ്രവൃത്തികൾ വ്യക്തിയുടെ മനസ്സിൽ മിന്നിമറയുകയും അവൻ പശ്ചാത്തപിക്കാൻ തുടങ്ങുകയും ചെയ്യുന്നു. അവരുടെ മനസ്സ് കുറച്ച് സമയത്തേക്ക് എല്ലാം ഉപേക്ഷിക്കാൻ തുടങ്ങുന്നു.

യമരാജൻ നൽകുന്ന സൂചനകൾ

രോമങ്ങൾ വെളുത്തതായിത്തീരാൻ തുടങ്ങുന്നു. പല്ലുകൾ കൊഴിയുന്നു. കണ്ണുകളുടെ പ്രകാശം കുറഞ്ഞുവരുന്നു. കൈകാലുകളുടെ സ്വാധീനം കുറയുന്നു.

വിശപ്പില്ലായ്മ

മരണം അടുത്തെത്താറായാൽ ഒരു വ്യക്തിക്ക് അവരുടെ പ്രിയപ്പെട്ട ഭക്ഷണത്തിന്റെ സുഗന്ധം പോലും ലഭിക്കില്ല. പതിവായി രോഗബാധിതരാകുമ്പോൾ അത്തരം ലക്ഷണം സാധാരണമാണ്. എന്നാൽ, യാതൊരു കാരണമില്ലാതെ ഭക്ഷ്യവസ്തുക്കൾ നിരസിക്കുന്നതും അവയ്ക്ക് രുചി തോന്നാതെ വരികയും ചെയ്യുന്നത് മരണം അടുത്തെത്തിയ ലക്ഷണമാണ്.