കൂവപ്പടിയിൽ സാന്ദ്രാനന്ദം നാരായണീയസത്സംഗം ഭക്തിനിർഭരമായി

പെരുമ്പാവൂർ: കൂവപ്പടി കേന്ദ്രീകരിച്ച് പ്രവർത്തിയ്ക്കുന്ന ഹൈന്ദവ ആദ്ധ്യാത്മിക സേവനപ്രസ്ഥാനമായ സാന്ദ്രാനന്ദം സത്സംഗസമിതി കൂടാലപ്പാട് 'തരുണിയിൽ' സംഘടിപ്പിച്ച ശ്രീമന്നാരായണീയസത്സംഗം ഭക്തിനിർഭരമായി.

രാവിലെ 8ന് നടന്ന ചടങ്ങിൽ സെക്രട്ടറി ചന്ദ്രിക ഭദ്രദീപം തെളിയിച്ചു. തുടർന്ന് ലളിതാസഹസ്രനാമപാരായണം ആരതി എന്നിവയുണ്ടായിരുന്നു. കൂവപ്പടി ഗണപതിവിലാസം എൻ. എസ്‌. എസ്. കരയോഗം പ്രസിഡന്റ് രാമൻപിള്ളയുടെ ദേഹവിയോഗത്തിൽ സമിതി ചടങ്ങിൽ അനുശോചനം രേഖപ്പെടുത്തി.

ഭക്തർക്ക് ഉച്ചയ്ക്ക് പ്രസാദസദ്യയും നൽകി. പ്രസിഡന്റ് എൻ. ചന്ദ്രമതി, രവി വിളാവത്ത്, ഇന്ദിരാ നായർ പനഞ്ചിയ്ക്കൽ, തരുണിയിൽ കരുണാകരൻ പിള്ള എന്നിവർ നേതൃത്വം നൽകി. വൈകിട്ട് സമൂഹാരതി, മംഗളാചരണം എന്നിവയോടെയാണ് സമാപിച്ചത്.