30
Friday September 2022
കേരളം

വളയംപിടിച്ച് വൈറലായി ആൻ മേരി അൻസലൻ

കൂവപ്പടി ജി. ഹരികുമാർ
Saturday, July 30, 2022

 

കൊച്ചി: തിരക്കേറിയ എറണാകുളം നഗരത്തിലൂടെ ഒട്ടനവധി ട്രാഫിക്ക് ബ്ലോക്കുകളും പിന്നിട്ട് സമയനിഷ്ഠ പാലിയ്ക്കാനാകാതെ ലക്ഷ്യസ്ഥാനത്തെത്താൻ സിറ്റി ബസ്സുകൾ ചീറിപ്പായിക്കുന്ന പുരുഷ ഡ്രൈവർമാർക്കിടയിലേയ്ക്ക് ബസ്സ് ഡ്രൈവറായി എത്തിയ
ഒരു കൊച്ചുമിടുക്കിയുണ്ട് കൊച്ചിക്കാർക്കിടയിൽ. അവളുടെ പേരാണ് ആൻ മേരി അൻസലൻ. വയസ്സ് ഇരുപത്തൊന്നു മാത്രം. ഇന്നവൾ സോഷ്യൽ മീഡിയയിലെ താരമാണ്. തിങ്കൾ മുതൽ ശനി വരെ എറണാകുളം ഗവണ്മെന്റ് ലോ കോളേജിൽ പഠനം. ഞായറാഴ്ചയായാൽ
അസാമാന്യ ധൈര്യത്തോടെ അതിലേറെ സന്തോഷത്തോടെ കാക്കി കുപ്പായവുമണിയഞ്ഞ്, കാക്കനാട് പെരുമ്പടപ്പ് റൂട്ടിൽ ഓടുന്ന ഹെയ്ഡേ ബസ്സിന്റെ ഡ്രൈവർ സീറ്റിലേയ്ക്ക്.

അനായാസമായി പുരുഷഡ്രൈവർമാരെപ്പോലും അസൂയാലുക്കളാക്കുംവിധം യാത്രക്കാർക്ക് സുരക്ഷിതയാത്രയൊരുക്കുന്ന ഈ കൊച്ചുമിടുക്കിയുടെ സ്റ്റിയറിംഗ് കൈയ്യടക്കം കണ്ട് യാത്രക്കാർപോലും അന്തംവിടുകയാണ്. ശ്രമകരമായ ബസ്സ് ഡ്രൈവിംഗ് ആൻ മേരിയ്ക്ക് ഒരു ഹോബിയാണ്. ഏറെ ആസ്വദിച്ചാണ് ഞായറാഴ്ചകളിൽ ആൻ ഈ ജോലിയിൽ ഏർപ്പെടുന്നത്. കൊച്ചി പോലെ തിരക്കുള്ള ഒരു സിറ്റിയിൽ അപകടരഹിതമായി ബസ്സ് ഓടിക്കുക എന്നത് ഏറെ ശ്രമകരമായ ഒരു കാര്യമാണെന്ന് പയറ്റി തെളിഞ്ഞ ഡ്രൈവർമാർ പോലും സമ്മതിക്കുന്ന കാര്യമാണ്. ഹോബി എന്നതിലുപരി ഒരു ജനസേവനം കൂടിയായി ഈ ജോലിയെ ആൻ മേരി കാണുന്നു.

എല്ലാ ഞായറാഴ്ചകളിലും ഒരു മുഴുവൻദിന ഡ്രൈവർ ഡ്യൂട്ടി എടുക്കുന്ന ആൻ പ്രതിഫലമായി ഒരൊറ്റ രൂപ പോലും ‘ഹെയ് ഡേ’യുടെ മുതലാളിയോട് വാങ്ങാറില്ല എന്നതാണ് ഏറ്റവും അതിശയകരം. സിറ്റിയിലെ തിരക്കുകൾക്കിടയിലൂടെ ചെറിയ വാഹനങ്ങൾ പോലും ഓടിയ്ക്കാൻ പേടിയുള്ള സ്ത്രീകൾ ധാരാളമുള്ളപ്പോഴാണ് ഈ ചെറുപ്രായത്തിൽ ഹെവി വണ്ടിയിൽ നിറയെ യാത്രക്കാരുമായി കൃത്യമായ ട്രാഫിക്ക് നിയമങ്ങൾ പാലിച്ച് ആൻ അനായാസം വണ്ടിയോടിയ്ക്കുന്നത്. ബസ്സുകളോടു മാത്രമല്ല കമ്പം, ഹെവിഡ്യൂട്ടി ലോറികളും ട്രക്കുകളും ഓടിയ്ക്കാൻ ആൻ ഇഷ്ടപ്പെടുന്നുണ്ട്. പതിനഞ്ചാമത്തെ വയസ്സിൽ അച്ഛന്റെ എൻഫീൽഡ് ബുള്ളറ്റ് ഓടിയ്ക്കാൻ ധൈര്യം കാണിച്ചവളാണ്.

പതിനെട്ടു വയസ്സു പൂർത്തിയായതു മുതൽ ബുള്ളറ്റിൽ കോളേജിലെത്താനും തുടങ്ങി. ഒന്നരമണിക്കൂർ വേണം കാക്കനാട് മുതൽ പെരുമ്പടപ്പ് വരെ ഓടിയെത്താൻ. തിരക്കുള്ള സമയങ്ങളിൽ അത് ഇതിലും കൂടും. എട്ടുമാസമായി ഈ റൂട്ടിലൂടെ ബസ്സോടിയ്ക്കാൻ തുടങ്ങിയിട്ട്. കോൺട്രാക്ടറായ പി. ജി അൻസലന്റെയും പാലക്കാട്‌ അഡിഷണൽ ഡിസ്ട്രിക്ട് ജഡ്ജ് ആയ സ്മിത ജോർജ്ജിന്റെയും മകളായ ആൻ, ലൈൻ ബസ്സോടിച്ച് വരുമാനം ഉണ്ടാക്കി ജീവിതം കരുപ്പിടിപ്പിയ്ക്കാനിറങ്ങിയതല്ല. മറിച്ച് കൗമാരകാലത്ത് ഡ്രൈവിംഗ് ഒരു കലയായി ആസ്വദിയ്ക്കുക എന്നതു മാത്രമാണ് ഈ നാലാം വർഷ നിയമബിരുദ വിദ്യാർത്ഥിനിയുടെ ലൈൻ.

ഞായറാഴ്ചകളിലും മറ്റു ഒഴിവു സമയങ്ങളിലും വണ്ടിയുടെ വളയം പിടിക്കാൻ കിട്ടുന്ന ഒരു ചാൻസു പോലും ആൻ മേരി കളയാറില്ല. മിക്ക ദിവസവും രാത്രി സ്ഥിരം ഡ്രൈവർ, പമ്പിൽ നിർത്തി ഇടുന്ന വണ്ടി ഒറ്റയ്ക്ക് ഓടിച്ചു കുറച്ചു അപ്പുറത്തുള്ള മുതലാളിയുടെ വീട്ടിൽ കൊണ്ട് ഇടുന്നതും ആൻ മേരി തന്നെയാണ്. ആദ്യമൊക്കെ തന്റെ വണ്ടിയിൽ കയറാൻ മടിച്ചും പേടിച്ചും ഒക്കെ നിന്ന യാത്രക്കാർ ഇപ്പോൾ താൻ ഓടിക്കുന്ന വണ്ടിയ്ക്കായി കാത്തു നിൽക്കുന്നതും പതിവാണെന്ന് ആൻ മേരി പറയുന്നു.

 

More News

തിരുവല്ല:എടത്വ പോസ്റ്റ് ഓഫീസ് നിർമ്മാണം ആരംഭിക്കാത്തതിൽ പ്രതിഷേധിച്ച് തിരുവല്ലാ ഡിവിഷൻ പോസ്റ്റൽ സൂപ്രണ്ട് ഓഫീസിലേക്ക് എടത്വ വികസന സമിതി യുടെ നേതൃത്വത്തിൽ പ്രതിഷേധ മാർച്ച് നടത്തി.കരാർ കഴിഞ്ഞ് 2 മാസമായിട്ടും നിർമ്മാണം ആരംഭിക്കാത്ത അധികൃതരുടെ  അനാസ്ഥയ്ക്കെതിരെയാണ് പ്രതിഷേധ മാർച്ച് നടത്തിയത്.സമിതി പ്രസിഡന്റ് ആന്റണി ഫ്രാൻസീസ് കട്ടപ്പുറം ഫ്ലാഗ് ഓഫ് ചെയ്തു.വൈസ് പ്രസിഡൻ്റ് പി.ഡി.രമേശ്കുമാർ അദ്ധ്യക്ഷത വഹിച്ചു.ഷാജി തോട്ടുകടവിൽ പ്രമേയം അവതരിപ്പിച്ചു.ജനറൽ സെക്രട്ടറി അഡ്വ. പി.കെ. സദാനന്ദൻ, ട്രഷറർ കുഞ്ഞുമോൻ പട്ടത്താനം, ചീഫ് കോർഡിനേറ്റർ ഡോ: ജോൺസൺ വി. […]

കൊച്ചി: യുട്യൂബ് ചാനല്‍ അവതാരകയോട് അപമര്യാദയായി പെരുമാറി എന്നാരോപിച്ച് നടൻ ശ്രീനാഥ് ഭാസിക്കെതിരെ നൽകിയ പരാതി പിൻവലിക്കുന്നു. ശ്രീനാഥ് ഭാസിക്കെതിരായ കേസിലെ എഫ്ഐആർ റദ്ദാക്കണമെന്നാവശ്യപ്പെട്ട് പരാതിക്കാരി ഹൈക്കോടതിയെ സമീപിക്കും. ഇന്നുതന്നെ ഹൈക്കോടതിയിൽ ഹ‍ർജി നൽകും. പരാതിയുമായി ബന്ധപ്പെട്ട് ഇരു കക്ഷികളും ഒത്തുതീർപ്പിലെത്തിയ സാഹചര്യത്തിലാണ് ഇത്. പരാതിയിൽ നേരത്തെ ശ്രീനാഥ് ഭാസിയെ അറസ്റ്റ് ചെയ്തിരുന്നു. മൂന്നര മണിക്കൂറോളം ചോദ്യം ചെയ്ത ശേഷമാണ് അറസ്റ്റ് രേഖപ്പെടുത്തിയത്. ഐപിസി 509 (സ്ത്രീത്വത്തെ അപമാനിക്കല്‍) ഐപിസി 354 (ലൈംഗിക ചുവയോടെ സംസാരിക്കല്‍) 294 […]

കാസർകോട്: സംസ്ഥാനത്ത് വീണ്ടും മങ്കി പോക്സ് ബാധ. യുഎഇയിൽ നിന്ന് വന്ന കാസർകോട് സ്വദേശിയായ 37 കാരനാണ് മങ്കി പോക്സ് സ്ഥിരീകരിച്ചത്.

കാട്ടുപന്നിയുടെ ശല്യത്താല്‍ കഷ്ടപ്പെടുകയാണ് കൊല്ലം ചിറക്കരയിലെ കര്‍ഷകര്‍. കഴിഞ്ഞ ആറുമാസത്തിനിടെയാണ് പ്രദേശത്ത് കാട്ടുപന്നി വ്യാപകമാകാന്‍ തുടങ്ങിയത്. മലയോരം കടന്ന് തീരദേശമേഖലയിലേക്കും കാട്ടുപന്നിയെത്തിയെന്നാണ് കര്‍ഷകര്‍ പറയുന്നത്. കൊച്ചുബാബുവും മധുവും കര്‍ഷക തൊഴിലാളികളാണ്. പലയിടങ്ങളിലും കാട്ടുപന്നി കൃഷി നശിപ്പിച്ചെന്ന് ഏറെ നാളായി കേള്‍ക്കുന്നുണ്ടെങ്കിലും ഇപ്പോള്‍ ഇവരുടെ പ്രദേശത്തേക്കും എത്തിത്തുടങ്ങി. ചിറക്കര പഞ്ചായത്തിെല ചിറക്കരത്താഴം കുഴിപ്പിൽ ഏലായിലെ നാൽപത് കർഷകരാണ് കാട്ടുപന്നി ശല്യം നേരിടുന്നത്. കപ്പ, , ചേന, ചേമ്പ്, വാഴ, തെങ്ങ‌് എന്നിവ ഇല്ലാതാക്കി. 32 തെങ്ങിൻ തൈകളും നഷ്ടമായി. […]

എവിടേക്കെങ്കിലും ഒരു യാത്ര പോയാലോ എന്ന് പ്ലാന്‍ ചെയ്യുമ്പോഴേയ്ക്കും ഞാന്‍ ഇല്ല, ഛര്‍ദ്ദിക്കാന്‍ വരും, എന്ന് പറഞ്ഞ് ഒഴിഞ്ഞു മാറുന്നവരെ കണ്ടിട്ടുണ്ടാകും. ഇത്തരത്തില്‍ ഛര്‍ദ്ദിക്കും എന്ന ഒറ്റ കാരണത്താല്‍ യാത്രകള്‍ പലതും ഒഴിവാക്കുന്നവരെ നമുക്ക് അറിയുന്നുണ്ടാകും. ചിലപ്പോള്‍ നിങ്ങള്‍ക്ക് തന്നെ ഇത്തരം പ്രശ്‌നങ്ങള്‍ ഉണ്ടായെന്നും വരാം. ഇതിന് കാരണവും പരിഹാരവും എന്തെല്ലാമെന്ന് നോക്കാം. മോഷന്‍ സിക്ക്‌നസ്സ് യാത്ര ചെയ്യുമ്പോള്‍ കാറ്റടിച്ച് പെട്ടെന്ന് തന്നെ ഛര്‍ദ്ദിക്കാന്‍ തോന്നുന്നത്, അതുപോലെ, മനംപിരട്ടല്‍ എന്നീ പ്രശ്‌നങ്ങള്‍ ഉണ്ടാകുന്നതിനെയാണ് മോഷന്‍ സിക്ക്‌നസ്സ് എന്ന് […]

തിരുവനന്തപുരം : എഐസിസി അധ്യക്ഷ തെരഞ്ഞെടുപ്പ് ജനാധിപത്യ രീതിയിൽ നടക്കുമെന്ന് മുതിർന്ന കോൺ​ഗ്രസ് നേതാവ് ഉമ്മൻചാണ്ടി . തന്റെ പിന്തുണ സംബന്ധിച്ച തീരുമാനം സ്ഥാനാർഥിത്വത്തിൽ വ്യക്തത വന്നതിന് ശേഷം പറയുമെന്നും ഉമ്മൻചാണ്ടി പറഞ്ഞു.

പുൽപ്പള്ളി: പുൽപ്പള്ളി ടൗണിനോട് ചേർന്നുള്ള ആറാം വാർഡ് പാലമൂലയിലെ വിവിധ ഭാഗങ്ങളിൽ വീണ്ടും കടുവയുടെ സാന്നിധ്യം. ബുധൻ രാത്രി താന്നിത്തെരുവ്, പഴശിരാജാ കോളേജ്, ചേപ്പില ഭാഗങ്ങളിൽ കടുവയെ കണ്ടതായി ഇരുചക്രവാഹന യാത്രക്കാർ പറഞ്ഞു. വ്യാഴം രാവിലെ ഏരിയപള്ളിയിലെ കൃഷിയിടത്തിൽ എത്തിയ കണ്ണംപള്ളി ഷാജി എന്നയാൾ പറമ്പിലെ കുറ്റിക്കാടുകൾക്കിടയിൽ കടുവയെ കണ്ടതായി പറഞ്ഞു. സംഭവമറിഞ്ഞ്‌ പഞ്ചായത്ത്‌ അധികൃതർ വനപാലകരെ വിവരമറിയച്ചു. വ്യാഴം ഉച്ചക്കുശേഷം ചെതലയം റെയ്‌ഞ്ച് ഓഫീസർ എ പി അബ്‌ദുൾ സമദ്, ഡെപ്യൂട്ടി റെയ്‌ഞ്ചർമാരായ കെ യു […]

ഡല്‍ഹി: ജമ്മു കശ്മീരിൽ രണ്ടിടങ്ങളിൽ ഭീകരരും സുരക്ഷാ സേനയും തമ്മില്‍ ഏറ്റുമുട്ടല്‍. ബാരാമുള്ളയിലും ഷോപ്പിയാനിലും ആണ് ഏറ്റുമുട്ടൽ. ബാരാമുള്ളയിൽ സുരക്ഷാസേന രണ്ട് ഭീകരരെ വധിച്ചു. ഇന്നലെ ജമ്മു കാശ്മീരിലെ ഉധംപൂരിൽനടന്ന ഇരട്ട സ്ഫോടനങ്ങളുമായി ബന്ധപ്പെട്ട് ദേശീയ അന്വേഷണ ഏജൻസി അന്വേഷണം നടത്തുകയാണ്. രണ്ട് ബസുകളിലായി രണ്ട് സമയത്ത് നടന്ന സ്ഫോടനത്തിൽ രണ്ട് പേർക്കാണ് പരിക്കേറ്റത്

തിരുവനന്തപുരം: എകെജി സെന്റർ ആക്രമണക്കേസിലെ പ്രതി യൂത്ത് കോൺഗ്രസ് നേതാവ് ജിതിൻ സഞ്ചരിച്ച സ്കൂട്ടർ ക്രൈംബ്രാഞ്ച് കണ്ടെത്തി. കഠിനംകുളത്തുനിന്നാണ് സ്‌കൂട്ടര്‍ പിടിച്ചത്. ഒരു സുഹൃത്തിന്റെ സ്കൂട്ടർ അവരറിയാതെ ജിതിൻ എടുത്തുകൊണ്ടു പോയതാണെന്നാണ് ക്രൈംബ്രാഞ്ചിന്റെ ഭാഷ്യം. യൂത്ത് കോണ്‍ഗ്രസ് ജില്ലാ നേതാവ് സുഹൈല്‍ ഷാജഹാന്റെ ഡ്രൈവര്‍ സുധീഷിന്റെയാണ് സ്‌കൂട്ടര്‍. ജൂൺ 30ന് രാത്രി 11.25നാണ് എകെജി സെന്ററിനു നേരെ സ്ഫോടക വസ്തു എറിഞ്ഞത്. ചുവന്ന ഡിയോ സ്കൂട്ടറിലെത്തിയ ആളാണ് സ്ഫോടക വസ്തു എറിഞ്ഞതെന്ന് സിസിടിവി ദൃശ്യങ്ങളിൽ വ്യക്തമായിരുന്നു. പൊലീസ് […]

error: Content is protected !!