25
Tuesday January 2022
കേരളം

ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായുളള കുളമ്പുരോഗ പ്രതിരോധ കുത്തിവയ്പ്പ് തീവ്രയജ്ഞം സംസ്ഥാനത്ത് വിജയകരമായി പൂർത്തീകരിച്ചു

ബെയ് ലോണ്‍ എബ്രഹാം
Saturday, November 27, 2021

തിരുവനന്തപുരം: ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായുളള കുളമ്പുരോഗ പ്രതിരോധ കുത്തിവയ്പ്പ് തീവ്രയജ്ഞം സംസ്ഥാനത്ത് വിജയകരമായി പൂർത്തീകരിച്ചു. സംസ്ഥാനത്തുള്ള പശു, എരുമ വർഗ്ഗങ്ങളുടെ കുളമ്പുരോഗ പ്രതിരോധ കുത്തിവയ്പ്പാണ് ഇപ്പോൾ നടന്നിട്ടുള്ളത്.

11,54,105 ഉരുക്കൾക്ക് കുത്തിവയ്പ്പ് നൽകി. ആകെ ഉരുക്കളുടെ എണ്ണത്തിന്റെ 80% ത്തെ വാക്സിനേറ്റ് ചെയ്യുക വഴി “ഹെര്‍ഡ് ഇമ്മ്യൂണിറ്റി” കൈവരിക്കുന്നതിന് സാധിച്ചു. മുന്‍ വര്‍ഷങ്ങളില്‍ നിന്നും വ്യത്യസ്തമായി കൃത്യം ഒരു മാസത്തിനുള്ളില്‍ യജ്ഞം വിജയകരമായി അവസാനിപ്പിച്ചിട്ടുണ്ട്. യജ്ഞവുമായി ബന്ധപ്പെട്ട് പ്രതിരോധ ശേഷിയുടെ അളവ് നിർണ്ണയിക്കുന്ന സീറോ മോണിറ്ററിങ്, സീറോ സര്‍വയിലന്‍സ് പ്രവര്‍ത്തനങ്ങളും പൂര്‍ത്തിയായി വരുന്നു.

ഇരട്ടകുളമ്പുളള എല്ലാ മൃഗങ്ങളേയും ബാധിക്കുന്ന ഭയാനകമായ ഒന്നാണ് കുളമ്പുരോഗം. ഏറ്റവും ചെറിയ വൈറസുകളില്‍ ഒന്നാണ് കുളമ്പുരോഗ ബാധയുണ്ടാക്കുന്ന വൈറസ്. ഈ രോഗം ബാധിച്ച ഉരുക്കളുമായുളള സമ്പര്‍ക്കത്തിലൂടെയും, വായുവിലൂടെയും കിലോമീറ്ററുകളോളം ദൂരത്തില്‍ പരക്കും എന്ന ഒരു പ്രത്യേകത കൂടി ഈ രോഗത്തിനുണ്ട്.

രോഗം ബാധിച്ചാൽ രണ്ട് ദിവസത്തിനുളളില്‍ വായിലും, കുളമ്പിനിടയിലും, അകിടിലും വെള്ളം നിറഞ്ഞ പോളകള്‍ പ്രത്യക്ഷപ്പെടുന്നതാണ് പ്രധാന ലക്ഷണം. ഈ രോഗം ബാധിച്ചാല്‍ രക്ഷപ്പെടുന്ന ഉരുക്കള്‍ക്ക് ശ്വാസത്തിന്റെ ഗതിവേഗം സ്ഥിരമായി കൂടുക, പ്രത്യുല്പാദനശേഷിയെ ബാധിക്കുക, പാലുല്പാദനം കുറയുക, ഉരുക്കൾ ക്ഷീണിച്ചു പോവുക തുടങ്ങിയവ സംഭവിക്കാവുന്നതാണ്.

അങ്ങനെ കര്‍ഷക സമൂഹത്തെ സംബന്ധിച്ച് ഒരു സാമ്പത്തിക ദുരന്തമായി മാറുന്നതാണ് കുളമ്പുരോഗ ബാധ. ഇതില്‍ നിന്ന് രക്ഷകിട്ടുന്നതിന് പ്രതിരോധ കുത്തിവെയ്പ്പ് മാത്രമാണ് ഏകമാര്‍ഗ്ഗം എന്നുള്ളതുകൊണ്ട് കേന്ദ്ര സര്‍ക്കാരും, സംസ്ഥാന സര്‍ക്കാരും ചേര്‍ന്ന് വാക്സിനും, അനുബന്ധ സാമഗ്രികളും ലഭ്യമാക്കി ഈ യജ്ഞം നടത്തുന്നതിനുളള എല്ലാ നടപടികളും സ്വീകരിച്ചിരുന്നു.

മുൻവർഷങ്ങളിൽ നിന്നും വ്യത്യസ്തമായി മൃഗാശുപത്രികളുടെ പ്രവര്‍ത്തനം സുഗമമായി നടത്തികൊണ്ട് പോകത്തക്കവിധം അറ്റന്‍ഡര്‍മാരെ മൃഗാശുപത്രികളില്‍ തന്നെ നിലനിര്‍ത്തികൊണ്ട് ആയിരത്തോളം ആള്‍ക്കാരെ താല്‍ക്കാലിക സഹായികളെ പ്രതിരോധകുത്തിവയ്പ്പിനായി നിയോഗിച്ചുകൊണ്ടാണ് കാമ്പയിൻ വിജയകരമായി പൂർത്തിയാക്കാൻ സാധിച്ചത്. ഇപ്രകാരം 1100 ഓളം ആളുകൾക്ക് താൽക്കാലികമായി തൊഴില്‍ നല്‍കുന്നതിനും സാധിച്ചിട്ടുണ്ട്.

യജ്‌ഞം ആരംഭിച്ചതുമുതൽ ഉണ്ടായിരുന്ന പ്രതികൂല കാലാവസ്ഥ, കോവിഡ് 19 വ്യാപിക്കുന്ന പശ്ചാത്തലം എന്നിവയ്ക്കിടയിലും വീട് വീടാന്തരം കയറി ഉരുക്കളെ പ്രതിരോധ കുത്തിവയ്പ്പിന് വിധേയമാക്കുന്നതിന് അക്ഷീണം കൂട്ടായ പ്രവർത്തനം കാഴ്ചവച്ച മൃഗസംരക്ഷണ വകുപ്പിലെ ഓരോ ഉദ്യോഗസ്ഥ അനുദ്യോഗസ്ഥർക്കും താൽക്കാലിക വാക്സിനേറ്റർമാർ, സഹായികൾ, കർഷകർ എന്നിങ്ങനെ എല്ലാവർക്കും മന്ത്രി ജെ. ചിഞ്ചുറാണി നന്ദി അറിയിക്കുന്നു.

More News

മണ്ണാർക്കാട്: പ്രണവ്‌ മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്ത ‘ഹൃദയം’ പ്രേക്ഷക ഹൃദയം കീഴടക്കുന്നു. വീടു വിട്ടു പഠിക്കാനായി പോകുന്നവരുടെ ഹൃദയമാണിത്. പഴയ കാലത്തിന്റെ ഓർമകളും, വേദനകളും,സന്തോഷവും, കണ്ണീരും, കളിചിരികളുമെല്ലാം ഹൃദയത്തിൽ സൂക്ഷിക്കുന്ന ഓരോരുത്തരുടെയും ഹൃദയമാണ്. ഒരിക്കലെങ്കിലും പ്രണയിച്ചിട്ടുള്ള,പ്രണയം നഷ്ടപ്പെട്ടിട്ടുള്ള,വീണ്ടും പ്രണയിച്ചിട്ടുള്ള എല്ലാവരുടെയും ഹൃദയമാണ്. ആരും നഷ്ടപ്പെടുത്തേണ്ടാത്ത,ആർക്കും നഷ്ടപ്പെടേണ്ടാത്ത,നഷ്ടപ്പെട്ടാലും തിരിച്ചു കിട്ടണമെന്ന് തോന്നുന്ന ഹൃദയമാണ്. എല്ലാ മേഖലയിലും സിനിമ മികച്ചു നിന്നുവെന്നാണ് ചിത്രം കണ്ട യുവജനങ്ങളുടെ പ്രതികരണം. ഹൃദയം സിനിമയുടെ പ്രധാന ആകർഷണം ചിത്രത്തിലെ ഗാനങ്ങൾ […]

ഡല്‍ഹി: റിപ്പബ്ലിക് ദിനം ഇന്ത്യൻ പൗരന്മാർക്ക് അഭിമാനത്തിന്റെ ദിനമാണ്. വരാനിരിക്കുന്ന തലമുറകളുടെ സ്വതന്ത്രമായ ഭാവിക്ക് വേണ്ടി ജീവൻ ബലിയർപ്പിച്ച മഹത്തായ സ്വാതന്ത്ര്യ സമര സേനാനികളുടെയും നേതാക്കളുടെയും ത്യാഗങ്ങളെ സ്മരിക്കുന്ന ദിനമാണിത്. അത്തരം ത്യാഗങ്ങളിൽ നാം അഭിമാനിക്കുകയും നമ്മുടെ സ്വാതന്ത്ര്യം ശരിയായി ഉപയോഗിക്കുകയും വേണം. കാരണം സ്വാതന്ത്ര്യം ഒരിക്കലും നൽകില്ല, അത് എടുക്കപ്പെടുന്നു. ഈ റിപ്പബ്ലിക് ദിനത്തിൽ വാട്‌സ്ആപ്പിലും ഫെയ്‌സ്ബുക്കിലും ഇത്തരം സന്ദേശങ്ങൾ അയച്ചുകൊണ്ട് നിങ്ങളുടെ സുഹൃത്തുക്കളെയും കുടുംബാംഗങ്ങളെയും അഭിനന്ദിക്കാം. 1. നമ്മുടെ രാജ്യം ലോകത്തിലെ ഏറ്റവും മഹത്തായ […]

കൊച്ചി: വാദ്ധ്വാനി ഫൗണ്ടേഷനും ദേശീയ സംരംഭക നെറ്റ്‌വർക്കും (എന്‍ഇഎന്‍) വാദ്ധ്വാനി ടേക്ക്ഓഫ് പരിപാടി പ്രഖ്യാപിച്ചു. തിരഞ്ഞെടുക്കപ്പെടുന്ന സ്റ്റാര്‍ട്ടപ്പുകള്‍ക്കും സംരംഭകര്‍ക്കും ആഗോള സാങ്കേതിക നവീകരണത്തിന്റെയും സംരംഭകത്വത്തിന്റെയും കേന്ദ്രമായ സിലിക്കണ്‍ വാലിയിലേയ്ക്ക് സൗജന്യ യാത്ര ഒരുക്കുന്ന പരിപാടിയാണ് വാദ്ധ്വാനി ടേക്ക്ഓഫ്. ആഗോള സംരംഭകരുമായുള്ള നെറ്റ്വര്‍ക്കിംഗ് എക്സ്പോഷര്‍, ബിസിനസ് ലീഡേഴ്‌സിന്റെയും സംംരംഭകരുടെയും മെന്റര്‍ഷിപ്പ്, നിക്ഷേപകര്‍ക്കുമുമ്പില്‍ ആശയങ്ങള്‍ അവതരിപ്പിക്കുന്നതിനുള്ള സുവര്‍ണ്ണാവസരം എന്നിവയിലൂടെ സിലിക്കണ്‍ വാലിയിലെ പ്രസിദ്ധമായ സംരംഭകത്വ വ്യവസ്ഥയെ അടുത്തറിയാന്‍ തിരഞ്ഞെടുക്കപ്പെട്ടവര്‍ക്ക് വാദ്ധ്വാനി ടേക്ക്ഓഫ് പ്രോഗ്രാം അവസരം നല്‍കുന്നു. ഇന്ത്യന്‍ സ്റ്റാര്‍ട്ടപ്പ് ഇക്കോസിസ്റ്റം […]

കാമറൂണ്‍:  കാമറൂണിൽ ഫുട്ബോൾ മത്സരത്തിനിടെയുണ്ടായ തിക്കിലും തിരക്കിലും പെട്ട് നിരവധി പേർ മരിക്കുകയും പരിക്കേൽക്കുകയും ചെയ്തതായി റിപ്പോർട്ടുണ്ട്. ആഫ്രിക്ക കപ്പ് ഓഫ് നേഷൻസ് ഫുട്ബോൾ ടൂർണമെന്റിനിടെയാണ് സംഭവം. സ്‌റ്റേഡിയത്തിന് പുറത്തുള്ള പ്രവേശന കവാടത്തിൽ പെട്ടെന്ന് തിക്കിലും തിരക്കും ഉണ്ടായതായാണ് ഏറ്റവും പുതിയ വിവരം. ഈ അപകടത്തിൽ ഇതുവരെ 6 പേർ മരിച്ചു. അതേ സമയം അപകടത്തിൽ 40ലധികം പേർക്ക് പരിക്കേറ്റിട്ടുണ്ടെന്നാണ് വിവരം. BREAKING: Number of footballsupporters feared dead afterstampede during AFCON match pic.twitter.com/2VD6n58xJ1 […]

ആലപ്പുഴ: പ്രാതിനിധ്യ വോട്ടവകാശം ഹൈക്കോടതി റദ്ദാക്കിയ സാഹചര്യത്തില്‍ എസ്എന്‍ഡിപി യോഗം തെരഞ്ഞെടുപ്പും പൊതുയോഗവും മാറ്റിവെച്ചു. അടുത്ത മാസം അഞ്ചിന് നടത്താനിരുന്ന തിരഞ്ഞെടുപ്പ് ഇനി ഒരു അറിയിപ്പുണ്ടാകുന്നത് വരെ മാറ്റി വെച്ചതായി ചീഫ് റിട്ടേണിംഗ് ഓഫീസര്‍ ബി.ജി.ഹരീന്ദ്രനാഥ് അറിയിച്ചു. എസ് എന്‍ ഡി പി യോഗം തെരഞ്ഞെടുപ്പില്‍ പ്രാതിനിധ്യ വോട്ടവകാശം ഹൈക്കോടതി റദ്ദാക്കിയതോടെ മുഴുവന്‍ സ്ഥിരാംഗങ്ങള്‍ക്കും പുതിയ ഭരണ സമിതിയെ തെരഞ്ഞെടുക്കാന്‍ ഇനി മുതല്‍ വോട്ടുചെയ്യാം. നിലവില്‍ ഇരുനൂറ് അംഗങ്ങള്‍ക്ക് ഒരാളെന്ന നിലയ്ക്കായിരുന്നു പ്രാതിനിധ്യവോട്ടവകാശമുള്ളത്. ഒരു ശാഖയില്‍ 600 […]

വാരാണസി: നിയമസഭാ തിരഞ്ഞെടുപ്പ്‌ കണക്കിലെടുത്ത് കന്റോൺമെന്റ് ഏരിയയിലെ ഹോട്ടൽ ഡി പാരീസിൽ ബിജെപിയുടെ മീഡിയ സെന്റർ നിർമ്മിക്കുന്നു. മീഡിയ സെന്ററിന്റെ ഒരുക്കങ്ങൾ ഇപ്പോൾ അവസാന ഘട്ടത്തിലാണ്, അത്യാധുനിക സൗകര്യങ്ങളുള്ള ഈ മീഡിയ സെന്ററിൽ ഒരു സ്റ്റുഡിയോയും നിർമ്മിക്കുന്നു. തിങ്കളാഴ്ച ബിജെപി കാശി മേഖലാ പ്രസിഡന്റ് മഹേഷ് ചന്ദ് ശ്രീവാസ്തവ, ദേശീയ വക്താവ് കെകെ ശർമ എന്നിവർ മീഡിയ സെന്റർ പരിശോധിച്ച് പാർട്ടി പ്രവർത്തകരുമായി കൂടിക്കാഴ്ച നടത്തി. കൊറോണ കാരണം എല്ലാ നിയന്ത്രണങ്ങൾക്കും നടുവിലാണ് ഇത്തവണ നിയമസഭാ തിരഞ്ഞെടുപ്പ് […]

കൊച്ചി: നോവോ നോര്‍ഡിസ്‌ക് ഇന്ത്യ ടൈപ്പ് 2 പ്രമേഹ നിയന്ത്രണത്തിനായി ലോകത്തിലെ തന്നെ ആദ്യത്തെ ഓറല്‍ സെമാഗ്ലൂറ്റൈഡ് പുറത്തിറക്കി. ഇതാദ്യമായാണ് ടൈപ്പ് 2 പ്രമേഹത്തിന് കുത്തിവയ്പ്പില്ലാതെ ഗുളികപോലെ കഴിക്കാവുന്ന ഒരു ഫോര്‍മുലേഷന്‍ വികസിപ്പിച്ചെടുത്തത്. ഓറല്‍ സെമാഗ്ലൂറ്റൈഡ് എന്നത് ജിഎല്‍പി-1 ആര്‍എ സെമാഗ്ലൂറ്റൈഡിന്റെ ഒരു കോ-ഫോര്‍മുലേഷനാണ്. നോവോ നോര്‍ഡിസ്‌കിന്റെ 15 വര്‍ഷത്തെ തുടര്‍ച്ചയായ ഗവേഷണത്തിന്റെ ഭാഗമായാണ് സെമാഗ്ലൂറ്റൈഡിന്റെ കഴിക്കാവുന്ന രീതിയിലുള്ള മരുന്നിന്റെ രൂപീകരണം സാധ്യമായത്. ഇതിന് 2020ലെ മികച്ച ബയോടെക് നവീകരണത്തിനുള്ള വ്യവസായത്തിലെ അവാര്‍ഡായ പ്രിക്‌സ് ഗാലിയണ്‍ അവാര്‍ഡ് […]

എനിക്ക് ചുറ്റും നോക്കുമ്പോൾ, ഇന്ന് നമ്മുടെ ലോകത്ത് എത്രമാത്രം പുതുമകൾ നിലനിൽക്കുന്നുവെന്ന കാര്യം എന്നെ അത്ഭുതപ്പെടുത്തുന്നു. എന്നിട്ടും ഞാൻ ഏറ്റവും കൂടുതൽ ആവേശഭരിതനാകുന്നത് സ്മാർട്ട്ഫോണിന്റെ പരിണാമത്തെക്കുറിച്ചാണ്. സ്മാർട്ട്ഫോൺ അനന്തമായ പുരോഗതിയിലേക്കുള്ള ഒരു പോർട്ടലാണ്. സാംസംഗിൽ, ഞങ്ങൾ ഒരിക്കലും അക്കാര്യം നിസാരമായി എടുത്തിട്ടില്ല. അതുകൊണ്ടാണ് ഒരു സ്മാർട്ട്‌ഫോണിന് എന്തുചെയ്യാൻ കഴിയും എന്നതിന്റെ പരിധികൾ ലംഘിക്കാൻ ഞങ്ങൾ നിരന്തരം സ്വയം പ്രേരിപ്പിക്കുന്നത്. സാംസംഗ് ഗാലക്സസി ഉപകരണങ്ങളുടെ ഓരോ പുതിയ പരിണാമത്തിലും, മുഴുവൻ മൊബൈൽ വിഭാഗത്തെയും പുനർ നിർവചിക്കുന്ന ഫീച്ചറുകൾ ഞങ്ങൾ […]

ലോകായുക്തയില്‍ നിന്നു കനത്ത തിരിച്ചടി ഉണ്ടാകുമെന്നു ഭയന്നാണ് സര്‍ക്കാര്‍ ലോകായുക്തയുടെ ചിറകരിയുന്നതെന്നു മുന്‍ മുഖ്യമന്ത്രി ഉമ്മന്‍ ചാണ്ടി. ലോകായുക്തയുടെ ആവശ്യകതപോലും ഇല്ലാതാക്കുന്ന നടപടിയില്‍ നിന്ന് സര്‍ക്കാര്‍ അടിയന്തരമായി പിന്മാറണം. സര്‍ക്കാരിന്റെ പല വഴിവിട്ട ഇടപാടുകളും ലോകായുക്തയുടെ പരിഗണനയിലാണ്. കെ റെയില്‍ പോലുള്ള ജനവിരുദ്ധ പദ്ധതികളെക്കുറിച്ചും ലോകായുക്തയ്ക്ക് പരാതി കിട്ടിയിട്ടുണ്ട്. ഇതില്‍ തിരിച്ചടി ഉണ്ടാകുമോയെന്ന ഭയമാണ് സര്‍ക്കാരിനെ അടിയന്തര ഭേദഗതിക്ക് പ്രേരിപ്പിച്ചത്. മുഖ്യമന്ത്രിയായിരുന്നപ്പോള്‍ തനിക്കെതിരേ നിരവധി പരാതികള്‍ ലോകായുക്തയുടെ മുന്നില്‍ വന്നിരുന്നു. മടയില്‍ കനമില്ലാത്തതിനാല്‍ ആ പരാതികളെ നിയമനടപടികളിലൂടെയാണു […]

error: Content is protected !!