പരീക്ഷാ നടത്തിപ്പിലെ അനിശ്ചിതത്വം; ഉടന്‍ പരിഹരിക്കുമെന്ന് ഉന്നതവിദ്യാഭ്യാസ വകുപ്പ് മന്ത്രി ഉറപ്പ് നൽകി: കെഎസ്‌സി (എം)

തിരുവനന്തപുരം: കേരളത്തിലെ സർവ്വകലാശാലകളുടെ പരീക്ഷാ നടത്തിപ്പിലും റിസൾട്ട്‌ പ്രഖ്യാപനത്തിലും നേരിടുന്ന കാലതാമസം പരിഹരിക്കുക, പരീക്ഷാ നടത്തിപ്പിലെ ന്യൂനതകൾ പരിഹരിക്കുക തുടങ്ങിയ ആവശ്യങ്ങളുന്നയിച്ചു കെഎസ്‌സി (എം) സംസ്ഥാന സമതിയുടെ നേതൃത്വത്തിൽ ഉന്നത വിദ്യാഭ്യാസവകുപ്പ് മന്ത്രി ഡോ: ആർ ബിന്ദുവുമായി ചർച്ച നടത്തി.

കെഎസ്‌സി (എം) സംസ്ഥാന പ്രസിഡന്റ് ടോബി തൈപ്പറമ്പിലിൻ്റെയും സംസ്ഥാന ജനറൽ സെക്രട്ടറി അലക്സാണ്ടർ കുതിരവേലിയുടെയും നേതൃത്വത്തിൽ മന്ത്രിയെ നേരിൽ കണ്ട് ഈ ആവശ്യങ്ങൾ ഉന്നയിച്ചു നിവേദനവും നൽകി. യുദ്ധകാലാടിസ്ഥാനത്തിൽ ഇടപെടലുണ്ടാകുമെന്നും പ്രശ്നങ്ങൾ ഉടൻ പരിഹരിക്കുന്നതിനുള്ള നടപടികൾ സ്വീകരിക്കുമെന്നും മന്ത്രി ഉറപ്പ് നൽകി.