പനി: ചികിത്സയിലിരുന്ന അഞ്ചാം ക്ലാസ് വിദ്യാര്‍ത്ഥി മരിച്ചു

കയ്പമംഗലം: പെരിഞ്ഞനത്ത് പനി ബാധിച്ച് ചികിത്സയിലിരുന്ന അഞ്ചാം ക്ലാസ് വിദ്യാര്‍ത്ഥി മരിച്ചു. പെരിഞ്ഞനം വെസ്റ്റ് എസ്.എന്‍. സ്മാരകം യു.പി. സ്‌കൂളിന് സമീപം വെങ്കിടിങ്ങല്‍ സേതു-ദീപ ദമ്പതികളുടെ മകന്‍ സഞ്ജയ് (10) ആണ് മരിച്ചത്. 

പനി ബാധിച്ചതിനെത്തുടര്‍ന്ന് കൊടുങ്ങല്ലൂരിലെ സ്വകാര്യ ആശുപത്രിയിലും തൃശൂര്‍ മെഡിക്കല്‍ കോളജ് ആശുപത്രിയിലും പിന്നീട് കൊച്ചിയിലെ സ്വകാര്യ ആശുപത്രിയിലും ചികിത്സയിലായിരുന്നു. കയ്പമംഗലം ഗവണ്‍മെന്റ് ഫിഷറീസ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥിയിരുന്നു സഞ്ജയ്.