പ്ലസ് വണ്‍ വിദ്യാര്‍ഥിനിയെ പീഡിപ്പിച്ച്  ഗര്‍ഭിണിയാക്കി; യുവാവ് ഒളിവില്‍

കണ്ണൂര്‍: പ്ലസ് വണ്‍ വിദ്യാര്‍ഥിനിയെ പീഡിപ്പിച്ച് ഗര്‍ഭിണിയാക്കിയ സംഭവത്തില്‍ യുവാവിനെതിരെ കേസ്. ഇയാളെ പിടികൂടിയിട്ടില്ല. വയറു വേദനയെത്തുടര്‍ന്നാണ് വിദ്യാര്‍ഥിനി ആശുപത്രിയില്‍ ചികിത്സയ്‌ക്കെത്തിയത്. എന്നാല്‍, ഡോക്ടര്‍ക്ക് സംശയം തോന്നുകയും പരിശോധനയില്‍ ഗര്‍ഭിണിയാണെന്ന് സ്ഥിരീകരിക്കുകയുമായിരുന്നു. 

തുടര്‍ന്ന് ആശുപത്രി അധികൃതര്‍ ചൈല്‍ഡ് ലൈനില്‍ വിവരം അറിയിച്ചു. മാതാപിതാക്കളുടെ പരാതിയില്‍ പോലീസ് പോക്‌സോ കേസ് രജിസ്റ്റര്‍ ചെയ്തു. മാതാപിതാക്കള്‍ പുറത്തു പോയപ്പോള്‍ യുവാവ് വീട്ടിലെത്തി പീഡിപ്പിച്ചതായി പെണ്‍കുട്ടി മൊഴി നല്‍കി. യുവാവിനെ കണ്ടെത്താന്‍ പോലീസ് അന്വേഷണം ആരംഭിച്ചു.