സ്പായില്‍ തെറാപ്പിസ്റ്റായ യുവതിയുടെ നഗ്നഫോട്ടോകള്‍ പകര്‍ത്തി മാനഭംഗപ്പെടുത്താന്‍ ശ്രമം; പ്രതികള്‍ പിടിയില്‍

കൊച്ചി: കലൂരിലെ സ്പായില്‍ തെറാപ്പിസ്റ്റായ യുവതിയെ മാനഭംഗപ്പെടുത്താന്‍ ശ്രമിച്ച പ്രതികള്‍ പിടിയില്‍. മലപ്പുറം മഞ്ചേരി കടമ്പേട് സ്വദേശി മുഹമ്മദ് ഷക്കീര്‍(52), ഇയാളെ രക്ഷപ്പെടാന്‍ സഹായിച്ച സ്ഥാപനത്തിലെ ജീവനക്കാരായ വയനാട് വെള്ളമുണ്ട സ്വദേശി നീതു ജെയിംസ് (27), തൃശൂര്‍ കുന്നുകാട് സ്വദേശി ഗീതു (25) എന്നിവരാണ് അറസ്റ്റിലായത്. 

തിങ്കളാഴ്ച വൈകിട്ട് 5:30നാണ് സംഭവം. സ്പായില്‍ ബോഡിമസാജ് ചെയ്യാനെത്തിയ മുഹമ്മദ് ഷക്കീര്‍ തെറാപ്പിസ്റ്റായ യുവതിയുടെ നഗ്നഫോട്ടോകള്‍ പകര്‍ത്തി. യുവതി എതിര്‍ത്തതോടെ ഇയാള്‍  മര്‍ദ്ദിച്ചു. തുടര്‍ന്ന് സ്ഥാപനത്തിലെ ജീവനക്കാരായ നീതുവും ഗീതുവും പ്രതിയെ രക്ഷപ്പെടുത്താന്‍ ശ്രമിച്ചു. ഇരുവരും അസഭ്യം പറഞ്ഞെന്നും യുവതിയുടെ പരാതിയിലുണ്ട്.