"ആരേയും ഏത് വിധേനയും ആ​ക്ഷേ​പി​ക്കു​ക എ​ന്ന നി​ല​യി​ലേ​ക്ക് രാ​ഷ്ട്രീ​യം ത​രം​താ​ണു; എനിക്ക് അറിയാതെ സംഭവിച്ച ഒരു നാക്കുപിഴ ഉ​പ​യോ​ഗി​ച്ച്  ഇ​പ്പോ​ഴും അധിക്ഷേപിക്കുകയാണ്"; തനിക്കെതിരായ ട്രോ​ളു​ക​ളോ​ട് പ്ര​തി​ക​രി​ച്ച് ​ചാ​ണ്ടി ഉ​മ്മ​ൻ

കോ​ട്ട​യം: ആരെയും എ​ങ്ങ​നെ​യും അധിക്ഷേപിക്കുക എന്ന തരത്തിലേക്ക് രാ​ഷ്ട്രീ​യം ത​രം​താ​ണുവെന്ന് ചാ​ണ്ടി ഉ​മ്മ​ൻ എം​എ​ൽ​എ. ഉ​മ്മ​ൻ ചാ​ണ്ടി അ​നു​സ്മ​ര​ണ സ​മ്മേ​ള​ന​ത്തി​ൽ സംസാരിക്കവെ തനിക്ക് അറിയാതെ സംഭവിച്ച ഒരു നാക്കുപിഴ ഉ​പ​യോ​ഗി​ച്ച് ഇ​പ്പോ​ൾ തനിക്കെതിരെ വലിയ രീതിയിൽ അധിക്ഷേപം നടത്തുകയാണെന്നും ഇത് രാഷ്ട്രീയം എത്രത്തോളം ത​രം​താ​ഴ്ന്നി​രി​ക്കുന്നുവെന്നതിന്റെ സൂചനയാണെന്നും അദ്ദേഹം പ്രതികരിച്ചു.

"ചെ​റു​കു​ട​ലി​ന് ഒ​രു കി​ലോ​മീ​റ്റ​റോ​ളം നീ​ള​മു​ണ്ട്' എ​ന്ന ത​ന്‍റെ പ​രാ​മ​ർ​ശ​ത്തെ​പ്പ​റ്റി​യു​ള്ള ട്രോ​ളു​ക​ളോ​ട് പ്ര​തി​ക​രി​ക്ക​വെ​യാ​ണ് ചാ​ണ്ടി ഉമ്മൻ ഇ​ക്കാ​ര്യം പ​റ​ഞ്ഞ​ത്.

"അ​പ്പ മ​രി​ച്ച സാ​ഹ​ച​ര്യ​ത്തി​ൽ, ഞാ​ൻ ക​ട​ന്നു പോ​യ മാ​ന​സി​കാ​വ​സ്ഥ നി​ങ്ങ​ൾ​ക്ക​റി​യാം. അ​ന്നൊ​രു ഒ​രു വാ​ക്കി​ൽ എ​നി​ക്ക് പി​ഴ പ​റ്റി. ര​ണ്ട് മാ​സം മു​മ്പ് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ൾ​പ്പെ​ടെ പ​ങ്കെ​ടു​ത്ത പ​രി​പാ​ടി​യി​ൽ പ​റ​ഞ്ഞ കാ​ര്യം ഇ​ന്ന​ലെ എ​ങ്ങ​നെ​യാ​ണ് ഓ​ർ​മ വ​ന്ന​തെ​ന്ന് എ​നി​ക്ക് മ​ന​സിലാ​യി​ല്ല" - ചാ​ണ്ടി ഉമ്മൻ പറഞ്ഞു.