മോന്‍സണ്‍ മാവുങ്കല്‍ പ്രതിയായ പുരാവസ്തു സാമ്പത്തിക തട്ടിപ്പ് കേസിൽ മുഖ്യമന്ത്രിയുടെ ഓഫീസിനെതിരായ ആരോപണവുമായി ബന്ധപ്പെട്ട് ഐജി ലക്ഷ്മണിന് ഹൈക്കോടതിയുടെ രൂക്ഷവിമര്‍ശനം. ആരോപണം പിന്‍വലിക്കാനുള്ള അപേക്ഷ പരിഗണിക്കവെയാണ് കോടതിയുടെ വിമര്‍ശനം. ഹര്‍ജിയിലെ പരാമര്‍ശങ്ങള്‍ക്ക് അഭിഭാഷകനെ പഴിചാരി രക്ഷപ്പെടാനാകില്ലന്ന് കോടതി പറഞ്ഞു.
ഈ കേസിലെ പ്രതിപ്പട്ടികയില്‍ നിന്നൊഴിവാക്കണമെന്ന് ആവശ്യപ്പെട്ടാണ് ഐജി ലക്ഷ്മൺ ഹൈക്കോടതിയെ സമീപിച്ചത്. കോടതിയില്‍ സമര്‍പ്പിച്ച ഹര്‍ജിയിലായിരുന്നു മുഖ്യമന്ത്രിയുടെ ഓഫീസിനെതിയുളള പരാമര്‍ശം. സംസ്ഥാനത്തെ സാമ്പത്തിക തര്‍ക്കങ്ങള്‍ പരിഹരിക്കുന്നതിനായി മുഖ്യമന്ത്രിയുടെ ഓഫീസ് കേന്ദ്രീകരിച്ച് ഒരു ഗൂഢസംഘം പ്രവര്‍ത്തിക്കുന്നുവെന്ന് ഇയാൾ ഹര്‍ജിയില്‍ ഉന്നയിച്ചിരുന്നു. ഇതിനെതിരെയാണ് കോടതിയുടെ വിമർശനം.
ഐജിയുടെ പരാമര്‍ശം വലിയ വിവാദത്തിന് തിരികൊളുത്തിയതിന് പിന്നാലെയാണ് അപേക്ഷ പിന്‍വലിക്കാന്‍ ലക്ഷ്മൺ അപേക്ഷ നല്‍കിയത്. തന്റെ അറിവില്ലാതെ അഭിഭാഷകന്‍ എഴുതിച്ചേര്‍ത്തതാണെന്നും അപേക്ഷ പിന്‍വലിക്കണമെന്നും അദ്ദേഹം കോടതിയെ അറിയിച്ചു.
എന്നാൽ ഒരുഅഭിഭാഷകനെ പഴിചാരി ഒരു ഉന്നതഉദ്യോഗസ്ഥന് രക്ഷപ്പെടാന്‍ കഴിയില്ലെന്നും അദ്ദേഹത്തിന്റെ അറിവില്ലാതെ എങ്ങനെയാണ് ഇത്തരം കാര്യങ്ങള്‍ ഹര്‍ജിയില്‍ വരികയെന്നും കോടതി ചോദിച്ചു. ഇക്കാര്യത്തില്‍ വിശദമായ സത്യവാങ്മൂലം നല്‍കണമെന്നും അല്ലാത്ത പക്ഷം വന്‍പിഴ ഈടാക്കി നടപടി സ്വീകരിക്കുമെന്നും കോടതി വ്യക്തമാക്കി.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/oKpTgdSr87g6mTfgaioH.jpg)