കോഴിക്കോട്: കരിപ്പൂര് പോലീസ് സ്റ്റേഷനില് ജപ്തി നോട്ടീസ് പതിച്ച് കാനറ ബാങ്ക്. പോലീസ് സ്റ്റേഷന് പ്രവര്ത്തിക്കുന്നത് വാടക കെട്ടിടത്തിലാണ്. ഈ കെട്ടിടത്തിലാണ് കാനറ ബാങ്ക് ജപ്തി നോട്ടീസ് പതിച്ചത്.
കെ.സി. സെയ്തലവി എന്നയാളുടെ പേരിലുള്ള കെട്ടിടത്തിലാണ് പോലീസ് സ്റ്റേഷന് പ്രവര്ത്തിക്കുന്നത്. പോലീസ് സ്റ്റേഷന് ഉള്പ്പെട്ട കെട്ടിടം ഉള്പ്പെടെയുള്ള സ്ഥലത്തിന്റെ രേഖകള് സമര്പ്പിച്ച് കാനറ ബാങ്കില് നിന്ന് ഇയാൾ ലോണ് എടുത്തിരുന്നു.
കെസി കോക്കനട്ട് പ്രൊഡക്ഷന് കമ്പനിയുടെ പേരില് 5.69 കോടി രൂപയാണ് ബാങ്കില് നിന്ന് വായ്പ എടുത്തത്. എന്നാല് വായ്പയുടെ തിരിച്ചടവ് മുടങ്ങിയതോടെയാണ് കാനറ ബാങ്ക് ജപ്തി നടപടിയിലേക്ക് നീങ്ങിയിരിക്കുന്നത്.