സവാള അഥവാ വലിയ ഉള്ളി ഇല്ലാത്ത വീടുണ്ടാവില്ല. ഭക്ഷണത്തിന് രുചി കൂട്ടാൻ മാത്രമല്ല ശരീരഭാരവും കുടവയറും കുറയ്ക്കാനും സഹായിക്കുന്ന ഒന്നാണ് സവാള. ഭക്ഷണത്തില് ദിവസവും ഇതുൾപ്പെടുത്തുന്നത് ആരോഗ്യത്തിന് ഏറെ ഗുണം ചെയ്യും.
സവാളയിൽ കാലറി വളരെ കുറവാണ്. മാത്രമല്ല ഫൈബർ ധാരാളം ഉണ്ടുതാനും. ഇത് ഏറെ നേരം വയർ നിറഞ്ഞതായി തോന്നിപ്പിക്കുകയും ഇതുമൂലം അമിതമായി ഭക്ഷണം കഴിക്കുന്നത് തടയുകയും പ്രധാനഭക്ഷണങ്ങൾക്കിടയ്ക്ക് ലഘുഭക്ഷണം കഴിക്കുന്ന ശീലം തടയുകയും ചെയ്യും. ഇത് ശരീരഭാരം കുറയാൻ സഹായിക്കും. സവാള അഥവാ വലിയ ഉള്ളിയിലടങ്ങിയ സംയുക്തങ്ങൾക്ക് വിശപ്പ് കുറയ്ക്കാനുള്ള കഴിവുണ്ട്. ഉള്ളിയിലടങ്ങിയ ക്യുവർസെറ്റിൻ എന്ന ആന്റി ഓക്സിഡന്റ് വിശപ്പ് കുറയ്ക്കും. കാലറി കൂടിയ ഭക്ഷണങ്ങൾ കഴിക്കുന്നത് കുറയാനും ഇതുവഴി സാധിക്കും.
രക്തത്തിലെ പഞ്ചസാരയുടെ അളവ് നിയന്ത്രിക്കുന്ന, ഇൻസുലിൻ സെൻസിറ്റിവിറ്റി മെച്ചപ്പെടുത്തുന്ന ക്രോമിയം എന്ന ധാതു ഉള്ളിയിൽ ധാരാളമായുണ്ട്. ഉപാപചയപ്രവർത്തനം നിയന്ത്രിക്കുക വഴി വിശപ്പ് തടഞ്ഞ് രക്തത്തിലെ പഞ്ചസാരയുടെ അളവ് കൂടാതെ നിയന്ത്രിക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യും. ഉള്ളിയിലടങ്ങിയ സൾഫർ തന്മാത്രകൾ ശരീരത്തിലെ വിഷാംശങ്ങളെ നീക്കാൻ സഹായിക്കുന്നു. കരളിന്റെ പ്രവർത്തനം മെച്ചപ്പെടുത്തുന്നു. ഇത് ടോക്സിനുകളെ നീക്കം ചെയ്യാനും അമിതമായുള്ള കൊഴുപ്പിനെ നീക്കാനും സഹായിക്കുന്നു.
വയറിലെ കൊഴുപ്പ് ആരോഗ്യത്തിന് അത്ര നന്നല്ല. ഉപാപചയ പ്രവർത്തനത്തെയും ബ്ലഡ് ഷുഗർ നിയന്ത്രണത്തെയുമെല്ലാം ഇത് ബാധിക്കും. വയറിലെ കൊഴുപ്പ് കുറയ്ക്കാൻ ഉള്ളി സഹായിക്കും. ക്യുവർസെറ്റിന്റെ ആന്റിഇൻഫ്ലമേറ്ററി ഗുണങ്ങളും വയറിലെ കൊഴുപ്പ് മൂലമുണ്ടായ ഇൻഫ്ലമേഷൻ കുറയ്ക്കാൻ സഹായിക്കും. ഉള്ളിയിലടങ്ങിയ പ്രീബയോട്ടിക് ഫൈബറുകൾ ഉദരത്തിലെ നല്ല ബാക്ടീരിയകളുടെ എണ്ണം കൂട്ടും. ദഹനം എളുപ്പമാകുന്നതും ഭക്ഷണത്തിന്റെ ആഗിരണം സുഗമമാകുന്നതും ശരീരഭാരം കുറയ്ക്കുന്നതിനെ പരോക്ഷമായി സഹായിക്കും.
∙സാലഡുകളിൽ ഉള്ളി ചേർക്കാം.
∙സൂപ്പുകളിലും സ്റ്റൂവിലും ഉള്ളി േചർക്കാം.
∙മറ്റ് പച്ചക്കറികളോടൊപ്പം ഉള്ളിയും ചേർക്കാം.
∙ഉള്ളിച്ചായ ഉണ്ടാക്കാം. തിളച്ചവെള്ളത്തിൽ ഉള്ളി അരിഞ്ഞതു ചേർക്കാം. ഇത് ആരോഗ്യകരമായ ഒരു പാനീയമാണ്.