04
Tuesday October 2022
എറണാകുളം

ചെങ്ങോലപ്പാടം റെയിൽവേ ഗേറ്റിലെ അഗാധമായ കുഴികളിൽ ചാടിവീണ് കുലുങ്ങി, ചരിഞ്ഞ് നിവർന്ന്, മുട്ടിയുരുമ്മി, ഇഴഞ്ഞ് നീങ്ങുന്ന വാഹനങ്ങളെയും യാത്രക്കാരെയും നോക്കി ചെങ്ങോലപ്പാടം റെയിൽവേ മേൽപ്പാലം കുലുങ്ങി ചിരിയ്ക്കുന്നു. ഇവിടെ അപ്രോച്ച് റോഡ് പണിയുന്നില്ലങ്കിൽ

ന്യൂസ് ബ്യൂറോ, കൊച്ചി
Thursday, August 11, 2022

മുളന്തുരുത്തി: ഇന്ത്യ അതിന്റെ എഴുപത്തിഅഞ്ചാം സ്വാതന്ത്ര്യ ദിനം ആഘോഷിക്കുകയാണ് ഈ ആഗസ്റ്റ് പതിനഞ്ചിന്. നൂറാം സ്വാതന്ത്ര്യ ദിനം ആഘോഷിച്ചാലും മുളന്തുരുത്തിയിലെ ചെങ്ങോലപ്പാടം റെയിൽവേ മേൽപ്പാലത്തിലൂടെ വണ്ടികൾക്ക് ഓടാൻ കഴിയത്തില്ലന്ന് നിരാശരായ നാട്ടുകാർ പറയുന്നു.

ട്രെയിനുകൾക്ക് പോകാനായി നിരന്തരം റെയിൽവേ ഗേറ്റ് അടച്ചിടേണ്ടിവരുമ്പോൾ വാഹനങ്ങളുടെ നീണ്ട നിരയാണ് ഇവിടെകാണാൻ കഴിയുന്നത്. ഗേറ്റ് തുറക്കുമ്പോൾ വാഹനങ്ങൾ തിക്കിത്തിരക്കി അപകടം ഉണ്ടാക്കുന്നുമുണ്ട്.

ഇപ്പോഴാകട്ടെ പാളത്തിലൂടെ വാഹനങ്ങൾക്ക് സുഗമമായി കടന്നുപോകാൻ സാധിയ്ക്കാത്തവിധം പാളത്തിനുള്ളിൽ അഗാധ ഗർത്തങ്ങളാണ്. ഈ കുഴികളിൽ ചാടിവീണ് കുലുങ്ങി, ചരിഞ്ഞ്നി വർന്ന്, പരസ്പരം മുട്ടിയുരുമ്മി, ഇഴഞ്ഞ് നീങ്ങുന്ന വാഹനങ്ങളെയും യാത്രക്കാരെയും നോക്കി കുലുങ്ങി ചിരിയ്ക്കുകയാണ് ” ഗേറ്റ് വേ ഓഫ് കൊച്ചി” എന്ന് തോന്നിയ്ക്കുന്ന മട്ടിൽ നിൽക്കുന്ന ഈ മേൽപ്പാലം.

വളരെ അടിയന്തിരമായി ഈ ഭാഗം ടാർ ചെയ്ത് സുരക്ഷിതമാക്കാൻ അധികൃതർ നടപടി സ്വീകരിക്കണമെന്ന് നാട്ടുകാരും യാത്രക്കാരും ആവശ്യപ്പെടുന്നു. മേൽപ്പാലം ഇന്നും വാഹനങ്ങൾക്ക് സ്വപ്നമായിരിയ്ക്കെ ഈ ഗേറ്റിനകത്തെ ഇത്തിരിപ്പോന്ന സ്ഥലത്ത് നിലവാരമുള്ള ടാറിംഗ് എങ്കിലും ഞങ്ങൾക്ക് അവകാശപ്പെട്ടതല്ലേ എന്ന് നിസ്സഹായതയോടെ ജനങ്ങൾ ചോദിയ്ക്കുന്നു.

തിരക്കേറിയ രാവിലെകളിലും വൈകുന്നേരങ്ങളിലും ചെങ്ങോലപ്പാടം റെയിൽവേ ഗേറ്റിൽ അഭൂതപൂർവമായ വാഹനനിരകളാണ്. കുഴികളിൽ ഇറങ്ങിക്കയറി പോകാൻ വാഹനങ്ങൾ സമയമെടുക്കുമ്പോൾ പുറകിൽ കാത്തുകിടക്കുന്നവർ ഗേറ്റിനടുത്തെത്തുമ്പോൾ വീണ്ടും ഗേറ്റ് ട്രെയിനിനായി അടയും. ആളുകളുടെ സമയവും ഇന്ധനവും നഷ്ടപ്പെടുത്തുന്ന ചെങ്ങോലപ്പാടം റെയിൽവേ ഗേറ്റ് വാഹനയാത്രക്കാർക്ക് പേടിയാണ്.

വർഷങ്ങളായി ചെറുതും വലുതുമായ മാദ്ധ്യമങ്ങളായ മാദ്ധ്യമങ്ങൾ എല്ലാം തന്നെ ചെങ്ങോലപ്പാടം മേൽപ്പാലം വാർത്തയാക്കിയിട്ടുണ്ട്. ഇടയ്ക്കിടെ ഒരു അനുസ്മരണം പോലെ വാർത്തകൾ അധികൃതരിലേയ്ക്കും പൊതുജനങ്ങളിലേയ്ക്കും എത്തിയ്ക്കുന്നുമുണ്ട്.

അപ്രോച്ച് റോഡിന്റെ പണികൾ ആരംഭിയ്ക്കണമെങ്കിൽ കോടതിയുടെ ഇടപെടൽ അനിവാര്യമാണ്. അപ്രോച്ച് റോഡിനുള്ള സ്ഥലം വാങ്ങാൻ ഫണ്ട് അനുവദിച്ചിട്ടും അക്വിസിഷൻ നടപടികൾ പൂർത്തീകരിയ്ക്കാൻ താമസിച്ചതിനെക്കുറിച്ചും നേരത്തെ അനുവദിച്ച ഫണ്ട് ലാപ്സായിപ്പോയിട്ടുണ്ടങ്കിൽ അതിന്റെ കാരണക്കാരായവരെക്കുറിച്ചും കോടതിയുടെ നേരിട്ടുള്ള അന്വേഷണം ഉണ്ടെങ്കിലേ പൊതുജനതാത്പര്യമുള്ള ഇതുപോലുള്ള വിഷയത്തിൽ ബന്ധപ്പെട്ടവർ സജീവമാകൂ എന്നും നാട്ടുകാർ അഭിപ്രായപ്പെടുന്നു.

More News

ഇന്ത്യയിലെ ഏറ്റവും വലിയ ഇലക്ട്രിക് വാഹന കമ്പനിയായ ഒല ഇലക്ട്രിക്, കൊച്ചി ആദ്യത്തെ ഒല എക്സ്പീരിയൻസ് സെന്റർ തുറന്നുകൊണ്ട് D2C ഫൂട്ട്പ്രിന്റ് വിപുലീകരിക്കുന്നതായി പ്രഖ്യാപിച്ചു. എല്ലാ സേവനങ്ങളും ഒരു കുടക്കീഴിൽ ലഭ്യമാക്കുക എന്ന ലക്ഷ്യത്തോടെ, ഒല എക്സ്പീരിയൻസ് സെന്റർ EV പ്രേമികൾക്ക് ഒലയുടെ EV സാങ്കേതികവിദ്യ അനുഭവിക്കാനും വാഹനങ്ങളെക്കുറിച്ചുള്ള വിവരങ്ങൾ ശേഖരിക്കാനും സഹായകമാകും. ഉപഭോക്താക്കൾക്ക് S1, S 1 പ്രോ എന്നിവയുടെ ടെസ്റ്റ് റൈഡുകൾ നടത്താനും ഒലയുടെ ബ്രാൻഡ് ചാമ്പ്യൻമാരിൽ നിന്ന് പര്ച്ചേസിനുള്ള സഹായം തേടാനും ഓല […]

ഇടുക്കി: വന്യമൃഗങ്ങൾ ആളുകളെ ആക്രമിക്കുന്നു. ആട്, പശു തുടങ്ങിയ വളർത്തു ജീവികളെ കൊന്നു തിന്നുന്നു. കൃഷിയിടങ്ങളിലിറങ്ങി കൃഷി അപ്പാടെ നശിപ്പിക്കുന്നു. കൃഷി തന്നെ അന്യംനിന്നു പോകുന്നു. സംരക്ഷണ കവചം തീർക്കേണ്ട വനം വകുപ്പ് നിസംഗതയോടെ നിലകൊള്ളുന്നു. ഭരണകൂടത്തിന്റെ കുറ്റകരമായ അനാസ്ഥ തുടരുന്നു. ഈ ദുസ്ഥിതിയിൽ നിന്നും ജനങ്ങളെ രക്ഷിക്കാൻ കോൺഗ്രസ് പാർട്ടി ജില്ലയിലൊട്ടാകെ ബഹുജന സമരങ്ങൾ സംഘടിപ്പിക്കുമെന്ന് ഇടുക്കി ഡി.സി.സി. പ്രസിഡണ്ട് സി.പി. മാത്യു പ്രസ്താവിച്ചു. ഹൈറേഞ്ചിലെ കൃഷിക്കാരുടെയും തോട്ടം തൊഴിലാളികളുടെയും ദുരിതവും ജീവൽ ഭയവും അകറ്റാൻ […]

ഓൺലൈൻ പേയ്മെന്റുകൾ നടത്തുന്നവർക്ക് ജാഗ്രത നിർദ്ദേശവുമായി സ്റ്റേറ്റ് ബാങ്ക് ഓഫ് ഇന്ത്യ. രാജ്യത്തെ ഓൺലൈൻ ബാങ്കിംഗ് ഉപയോക്താക്കളെ ലക്ഷ്യം വയ്ക്കുന്ന സോവ വൈറസിനെ കുറിച്ചാണ് മുന്നറിയിപ്പ് നൽകിയിരിക്കുന്നത്. സോവയുടെ ഏറ്റവും പുതിയ പതിപ്പാണ് ഇന്ത്യയിൽ റിപ്പോർട്ട് ചെയ്തിരിക്കുന്നത്. ഒരുതവണ ഫോണിൽ പ്രവേശിച്ചാൽ നീക്കം ചെയ്യാൻ ബുദ്ധിമുട്ടുള്ളവയാണ് പുതിയ പതിപ്പ്. ആദ്യ ഘട്ടത്തിൽ യുഎസ്, റഷ്യ, സ്പെയിൻ തുടങ്ങിയ രാജ്യങ്ങളിലെ ഉപയോക്താക്കളുടെ ലക്ഷ്യമിട്ടാണ് പ്രവർത്തനം തുടങ്ങിയത്. എന്നാൽ, ജൂലൈയോടെ ഇന്ത്യ അടക്കമുള്ള വിവിധ രാജ്യങ്ങളിൽ സോവ വൈറസിന്റെ സാന്നിധ്യം […]

സാംസംഗിന്റെ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് സുവർണാവസരം. സാംസംഗ് ഗാലക്സി എഫ്23 5ജി സ്മാർട്ട്ഫോണുകളാണ് വിലക്കിഴവിൽ വാങ്ങാൻ സാധിക്കുന്നത്. പ്രമുഖ ഓൺലൈൻ ഷോപ്പിംഗ് വെബ്സൈറ്റായ ഫ്ലിപ്കാർട്ടിലൂടെ വാങ്ങുമ്പോഴാണ് നിരവധി ക്യാഷ് ബാക്ക് ഓഫറുകൾ ലഭിക്കുന്നത്. സാംസംഗ് ഗാലക്സി എഫ്23 5ജിയുടെ വിലയും സവിശേഷതയും പരിചയപ്പെടാം. 6.6 ഇഞ്ച് ഫുൾ എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 120 ഹെർട്സ് റിഫ്രഷ് റേറ്റും കോണിക് ഗോറില്ല ഗ്ലാസ് 5 സംരക്ഷണവും ലഭ്യമാണ്. സ്നാപ്ഡ്രാഗൺ 750ജി പ്രോസസറിൽ പ്രവർത്തിക്കുന്ന ഈ […]

നോർവേ: കേരളാ മുഖ്യമന്ത്രി പിണറായി വിജയനും സംഘവും നോർവേയിലെത്തി. മന്ത്രിമാരായ പി രാജീവും വി അബ്ദുറഹിമാനുമാണ് മുഖ്യമന്ത്രിയുടെ കൂടെയുള്ളത്. നോർവേയിലെ ഇന്ത്യൻ സ്ഥാനപതി ഡോക്ടർ ബാലഭാസ്‌കറാണ് മുഖ്യമന്ത്രിയെ സ്വീകരിച്ചത്. ബുധനാഴ്ച്ച നോർവേ ഫിഷറീസ് മന്ത്രിയുമായി മുഖ്യമന്ത്രി ചർച്ച നടത്തും. നോർവേയിലെ വ്യാപാര സമൂഹവുമായും അദ്ദേഹം കൂടിക്കാഴ്ച്ച നടത്തും. അതേസമയം, മുഖ്യമന്ത്രി പിണറായി വിജയന്റെ യൂറോപ്പ് യാത്രയിൽ രാജ്ഭവൻ അതൃപ്തി അറിയിച്ചു. യൂറോപ്പ് യാത്ര ഔദ്യോഗികമായി അറിയിച്ചിട്ടില്ലെന്നും യാത്രാവിവരം രാജ്ഭവനെ അറിയിക്കുന്ന പതിവ് തെറ്റിച്ചെന്നുമാണ് വിമർശനം. കോടിയേരി ബാലകൃഷ്ണന് […]

വയനാട്: അമ്പലവയൽ മഞ്ഞപ്പാറയിലെ ക്വാറിക്കുളത്തിൽ യുവാവിന്‍റെ മൃതദേഹം കണ്ടെത്തി. ആണ്ടൂർ കരളിക്കുന്ന് സ്വദേശി അരുൺ കുമാറാണ് മരിച്ചത്. തിങ്കളാഴ്ച രാത്രി മുതൽ ഇയാളെ വീട്ടിൽ നിന്ന് കാണാതായിരുന്നു. തുടർന്ന്, നടത്തിയ തിരച്ചിലിൽ മഞ്ഞപ്പാറ ക്വാറിക്കുളത്തിനു സമീപത്തു നിന്നും അരുണിന്‍റെ ബൈക്ക് കണ്ടെത്തി. ഇതിന് പിന്നാലെ ക്വാറികുളത്തിൽ ഫയർ ഫോഴ്സ് തിരച്ചിൽ നടത്തുകയായിരുന്നു. സ്വകാര്യ ഫിനാൻസ് സ്ഥാപനത്തിൽ ജോലി ചെയ്യുന്ന അരുൺ കുമാർ ആത്മഹത്യ ചെയ്തതാണെന്നാണ് നിഗമനം. സംഭവത്തിൽ, അമ്പലവയൽ പൊലീസ് അന്വേഷണം തുടങ്ങി. മൃതദേഹം പൊലീസ് നടപടികൾക്ക് […]

കുവൈറ്റ് സിറ്റി: ഷുവൈഖ് തുറമുഖത്ത് ഒന്നരലക്ഷം കുവൈറ്റ് ദിനാർ വിലമതിക്കുന്ന വിവിധ ആൽക്കഹോൾ ബ്രാൻഡുകളുടെ 23,000 കുപ്പി മദ്യം കടത്താനുള്ള ശ്രമം കസ്റ്റംസ് ഡിപ്പാർട്ട്‌മെന്റ് ജനറൽ അഡ്മിനിസ്‌ട്രേഷൻ ഓഫ് നാർക്കോട്ടിക് കൺട്രോളുമായി ചേർന്ന് പരാജയപ്പെടുത്തി. ഒരു ഏഷ്യൻ രാജ്യത്ത് നിന്നാണ് ഇത് എത്തിച്ചത്. കണ്ടെയ്‌നറുകള്‍ വഴി കടത്താനായിരുന്നു ശ്രമം. പ്രതികളെ അറസ്റ്റ് ചെയ്തിട്ടുണ്ട്.

കുവൈറ്റ് സിറ്റി: കുവൈറ്റ് കിരീടവകാശി ഷെയ്ഖ് മിഷാൽ അൽ അഹമ്മദ് അൽ ജാബർ അൽ സബാഹും, മുന്‍ പ്രധാനമന്ത്രി ഷെയ്ഖ് നാസർ അൽ മുഹമ്മദ് അൽ അഹമ്മദ് അൽ സബാഹും കൂടിക്കാഴ്ച നടത്തി. ബയന്‍ പാലസില്‍ രാവിലെയായിരുന്നു കൂടിക്കാഴ്ച. മുൻ പ്രധാനമന്ത്രി ഷെയ്ഖ് ജാബർ അൽ മുബാറക് അൽ ഹമദ് അൽ സബാഹുമായും കിരീടവകാശി ഫോണില്‍ ചര്‍ച്ച നടത്തി. മുൻ പ്രധാനമന്ത്രി ഷെയ്ഖ് സബാഹ് ഖാലിദ് അൽ ഹമദ് അൽ സബാഹും കിരീടവകാശിയെ കാണാനെത്തിയിരുന്നു. പ്രധാനമന്ത്രി ഷെയ്ഖ് […]

കുവൈറ്റ് സിറ്റി: കുവൈറ്റില്‍ വിവിധ വാഹനാപകടങ്ങളില്‍ മൂന്ന് പ്രവാസികള്‍ മരിച്ചു. വഫ്ര റോഡില്‍ രണ്ട് ട്രക്കുകള്‍ കൂട്ടിയിടിച്ചുണ്ടായ അപകടത്തില്‍ രണ്ട് ഈജിപ്ത് സ്വദേശികളാണ് മരിച്ചത്. ചൊവ്വാഴ്ച ഉച്ചയ്ക്കാണ് അപകടമുണ്ടായത്. സുലൈബിയ ഫാമിന് സമീപമുള്ള റോഡില്‍ കാറിടിച്ച് ഒരു ഇന്ത്യക്കാരനും മരിച്ചു. സംഭവത്തിന് ശേഷം സ്ഥലത്ത് നിന്ന് ഓടിപ്പോയ കാര്‍ ഡ്രൈവറെ പൊലീസ് തിരയുന്നുണ്ട്.

error: Content is protected !!