റോ​ട്ട് വീ​ല​ര്‍ നായയും വ​ടി​വാ​ളു​മാ​യി ഭീകരാന്തരീക്ഷം സൃഷ്ടിച്ച് പ​ണം അ​പ​ഹ​രി​ക്കാ​ന്‍ ശ്ര​മം ; കൊല്ലത്ത് യുവാവ് അറസ്റ്റിൽ

കു​ണ്ട​റ: റോ​ട്ട് വീ​ല​ര്‍ ഇ​ന​ത്തി​ൽ​പെ​ട്ട നാ​യ​യും വ​ടി​വാ​ളു​മാ​യി പൊ​തു​സ്ഥ​ല​ത്ത് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച്​ പ​ണം അ​പ​ഹ​രി​ക്കാ​ന്‍ ശ്ര​മി​ച്ച​യാ​ൾ പൊലീസ് പിടിയിൽ. കു​ണ്ട​റ ഇ​ള​മ്പ​ള്ളൂ​ര്‍ സൈ​ന മ​ന്‍സി​ലി​ല്‍ സാ​യി​പ്പ് എ​ന്ന​റി​യ​പ്പെ​ടു​ന്ന ഇ​ര്‍ഷാ​ദാ​ണ് (33) പി​ടി​യി​ലാ​യ​ത്. കു​ണ്ട​റ പൊ​ലീ​സ് ആണ് ഇയാളെ പ​ടി​കൂ​ടിയത്.

കു​ണ്ട​റ മു​ക്ക​ട​യി​ല്‍ ആണ് സംഭവം. പ​ന്നി ഫാ​മി​ലേ​ക്ക് ഫു​ഡ് വേ​സ്റ്റ് ശേ​ഖ​രി​ക്കു​ന്ന​തി​നാ​യി എ​ത്തി​യ യു​വാ​വി​നെ വ​ടി​വാ​ള്‍ ചു​ഴ​റ്റി​യും അ​ക്ര​മ​ണ സ്വ​ഭാ​വ​മു​ള്ള നാ​യ​യെ വി​ട്ട് അ​പാ​യ​പ്പെ​ടു​ത്താ​ന്‍ ശ്ര​മി​ച്ചും പ​ണം അ​പ​ഹ​രി​ക്കാ​ന്‍ ശ്ര​മി​ച്ച​തി​നാ​ണ് ഇയാളെ അ​റ​സ്​​റ്റ് ചെയ്തത്.

കു​ണ്ട​റ കി​ളി​കൊ​ല്ലൂ​ര്‍ ​പൊ​ലീ​സ് സ്റ്റേ​ഷ​ന്‍ പ​രി​ധി​ക​ളി​ലാ​യി അ​ടി​പി​ടി, പി​ടി​ച്ചു​പ​റി, മോ​ഷ​ണം തു​ട​ങ്ങി പ​ത്തോ​ളം ക്രി​മി​ന​ല്‍ കേ​സു​ക​ളി​ല്‍ പ്ര​തി​യാ​ണ് ഇയാളെന്ന് പൊലീസ് പറഞ്ഞു.

ശാ​സ്താം​കോ​ട്ട ഡി​വൈ.​എ​സ്.​പി.​എ​സ് ഷെ​രീ​ഫി​ന്റെ നി​ർ​ദ്ദേശ​പ്ര​കാ​രം കു​ണ്ട​റ പൊ​ലീ​സ് സ്റ്റേ​ഷ​ന്‍ ഹൗ​സ് ഓ​ഫീസ​ര്‍ ആ​ര്‍. ര​തീ​ഷി​ന്റെ നേ​തൃ​ത്വ​ത്തി​ല്‍ എ​സ്.​ഐ​മാ​രാ​യ ബി. ​അ​നീ​ഷ്, ദീ​പു​പി​ള്ള, എ.​എ​സ്.​ഐ പ്ര​ദീ​പ്, സി.​പി.​ഒ​മാ​രാ​യ അ​ന്‍സ​ര്‍, ആ​ന​ന്ദ്, ദീ​പ​ക്, ബൈ​ജു എ​ന്നി​വ​ര്‍ ചേ​ര്‍ന്നാ​ണ് പ്ര​തി​യെ പി​ടി​കൂ​ടി​യ​ത്‌. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.