ഭാരത് ജോഡോ യാത്ര വിജയിപ്പിക്കേണ്ടത് ചരിത്ര ദൗത്യം: ഡോ: ശൂരനാട് രാജശേഖരൻ

ചാത്തന്നൂർ: രാഹുൽ ഗാന്ധി നയിക്കുന്ന ഭാരത് ജോഡോ യാത്ര വിജയിപ്പിക്കേണ്ട ചരിത്ര ദൗത്യം ഏറ്റെടുത്ത് കോൺഗ്രസ് പ്രവർത്തകർ മുന്നിട്ടിറങ്ങുമെന്ന് കെ.പി.സി.സി മുൻ വൈസ് പ്രസിഡന്റ് ഡോ: ശൂരനാട് രാജശേഖരൻ. ഭാരത് ജോഡോ യാത്രയുടെ ചാത്തന്നൂർ നിയോജക മണ്ഡലം സ്വാഗത സംഘം ഓഫിസ് ഇന്ന് ഉദ്ഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം.

രാജ്യം കടുത്ത ഉൽക്കണ്ഠയിലൂടെയും, സാമ്പത്തിക പ്രതിസന്ധി യിലൂടെയുമാണ് കടന്ന് പോകുന്നതെന്നും, കേന്ദ്ര സർക്കാരിനെതിരെ പ്രതികരിക്കുന്ന മാധ്യമപ്രവർത്തകരെയും രാഷ്ട്രീയക്കാരെയും അന്വേഷണ ഏജൻസികളെ ഉപയോഗിച്ചു വേട്ടയാടുന്നതായും അദ്ദേഹം ആരോപിച്ചു.

നിയോജക മണ്ഡലം കോ ഓർഡിനേറ്റർ നെടുങ്ങോലം രഘു അധ്യക്ഷനായി. കോൺഗ്രസ് ബ്ലോക്ക് പ്രസിഡന്റ്മാരായ എം.സുന്ദരേശൻപിള്ള, ബിജു പാരിപ്പള്ളി, കെ. പി.സി.സി മുൻ നിർവ്വാഹക സമിതി മുൻ അംഗം എൻ.ജയചന്ദ്രൻ, ഡി.സി.സി ഭാരവാഹികളായ എ.ഷുഹൈബ്‌, എസ്.ശ്രീലാൽ, പി.പ്രതീഷ്കുമാർ എന്നിവർ പ്രസംഗിച്ചു.

യോഗത്തിൽ പരവൂർ മുൻസിപ്പൽ ചെയർമാൻ പി.ശ്രീജ, പരവൂർ സജീബ്, ബിജുവിശ്വരാജൻ, സുധീർകുമാർ, വട്ടകുഴിക്കൽ മുരളി, കെ.സുജയ്‌ കുമാർ, മുക്കടരാധാകൃഷ്ണൻ, വിനോദ് പാരിപ്പള്ളി, എൻ.സത്യദേവൻ, കൊട്ടിയം മജീദ്, രഞ്ജിത്ത് പരവൂർ, ആർ.ഡി.ലാൽ, ഗീതാ ജോർജ്, ഉളിയനാട് ജയൻ, കൊട്ടിയം നൈസാം, അജിത പ്രകാശ്, അന്നമ്മചാക്കോ, തുടങ്ങിയവർ പങ്കെടുത്തു.