ഗ്ലാസ് പെയിന്റിംഗിൽ പരിശീലനവും അവാർഡ് ദാനവും പുനലൂര്‍ ബാബാജി ഹാളില്‍ ശനിയാഴ്ച

പുനലൂര്‍:നാഷണൽ ചൈൽഡ് ഡെവലപ്പ്മെന്റ് കൗൺസിൽ (എൻസിഡിസി) കേരള റീജിയണിന്റെയും, വോയിസ്‌ ഓഫ് പുനലൂർ ന്യൂസിൻ്റെയും സംയുക്താഭിമുഖ്യത്തിൽ പൊതുജനങ്ങൾക്കായി ഗ്ലാസ് പെയിന്റിംഗിൽ സൗജന്യ പരിശീലനം, അവാർഡ് ദാനം എന്നിവ സംഘടിപ്പിക്കുന്നു. ജൂൺ 24 ശനി രാവിലെ ഒമ്പത് മണി മുതൽ പുനലൂർ ബാബാജി ഹാളിലാണ് പ്രോഗ്രാം.

പിറവന്തൂർ ഗ്രാമപഞ്ചായത്ത്‌ പ്രസിഡന്റ്‌ ആർ. ജയൻ ഗ്ലാസ്സ് പെയിൻ്റിംഗ് പരിശീലനം ഉദ്ഘാടനം ചെയ്യും. ഓൺലൈൻ ഡാൻസ് മത്സരം പുനലൂർ മുൻസിപാലിറ്റി കൗൺസിലർ ജി. ജയപ്രകാശ് ഉൽഘാടനം നിർവഹിക്കും. മഹേഷ്‌ ഭഗത് (വോയിസ്‌ ഓഫ് പുനലൂർ) ചടങ്ങിന് അധ്യക്ഷത വഹിക്കും.

ഉദ്ഘാടന ചടങ്ങിൽ, സോഷ്യൽ മീഡിയ ഇൻഫ്ലുവെൻസർ, എലിസബത്ത് ഡോർഫിൻ ലോപ്പസ് (സീ വിത്ത് എലിസ), എഴുത്തുകാരി ബൃന്ദ പുനലൂർ, റേഡിയോ ജോക്കി നിയാസ് ഇ. കുട്ടി എന്നിവർക്ക് ഗ്ലോബൽ ഗുഡ്‌വിൽ അംബാസഡർ ബാബ അലക്‌സാണ്ടർ അവാർഡുകൾ സമ്മാനിക്കും.

പ്രിയ പിള്ള (കൗൺസിലർ, പുനലൂർ മുൻസിപ്പാലിറ്റി), ജോയ് പാസ്റ്റൻ (സി ഇ ഒ, പുനലൂർ ന്യൂസ്‌ ), വിഷ്ണു ദേവ് (കേരള ഫോക്കസ്, ചീഫ് എഡിറ്റർ ), എൻസിഡിസി പി.ആർ.ഒ അൽ അമീന എ, വിഗ്നേഷ്, അനാമിക ഗാന്ധി എന്നിവർ പ്രസംഗിക്കും

പൊതുജനങ്ങൾക്കായി നടത്തുന്ന സൗജന്യ ഗ്ലാസ് പെയിന്റിംഗ് പരിശീലനത്തിന് ബാബ അലക്സാണ്ടർ നേതൃത്വം നൽകും. അന്വേഷണങ്ങൾക്കും, രജിസ്ട്രേഷനും 9288026145 എന്ന ഫോൺ നമ്പറിൽ ബന്ധപ്പെടണമെന്ന് സംഘാടകർ അറിയിച്ചു.