പിറന്നാൾ ദിനത്തിൽ പൊതുഇടം ശുചീകരിച്ച് പൊതുപ്രവർത്തകൻ മാതൃകയായി

പെരുവ: പിറന്നാൾ ദിനത്തിൽ പൊതുയിടം ശുചീകരിച്ച് പൊതുപ്രവർത്തകൻ മാതൃകയായി. മുളക്കുളം പഞ്ചായത്തിലെ ബിജെപി വൈസ് പ്രസിഡൻ്റ് പുന്നയ്ക്കൽ സന്തോഷ് ദിവാകരനാണ് പിറന്നാൾ ദിനം വ്യത്യസ്ഥമായി ആഘോഷിച്ചത്.

ആലപ്പുഴ-മധുര ദേശിയ പാതയിലെ പെരുവ കുറുവേലിപ്പാലത്തിൻ്റെ ഇരുവശവുമാണ് ശുചീകരിച്ചത്. കാടുപിടിച്ചു കിടന്ന റോഡിൻ്റെ ഇരുവശവും പുല്ല് വെട്ടി ചെടികൾ വച്ചുപിടിപ്പിക്കുകയാണ് സന്തോഷ്.

സന്തോഷിനോടൊപ്പം ബി.ജെ.പി. പഞ്ചായത്ത് പ്രസിഡൻ്റ് സുരേഷ് കൊച്ചുപുരയ്ക്കൽ സെക്രട്ടറി അനീഷ്, വി.എം.എസ്.പഞ്ചായത്ത് പ്രസിഡൻ്റ് സോമൻ, പ്രതാപൻ, മനോജ്, എ.കെ.അരുൺ, സൗഹൃദ ചാരിറ്റബിൾ സൊസൈറ്റി വൈസ് പ്രസിഡൻ്റ് രാജു തെക്കേക്കാലായിൽ തുടങ്ങിയവർ പങ്കെടുത്തു.