/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/ulTnmo0sMsr2VE86LXML.jpg "publive-image")
ഏഴാച്ചേരി: കാവിന്‍പുറം ഉമാമഹേശ്വര ക്ഷേത്രത്തിലെ താലപ്പൊലി മഹോത്സവവും മണ്ഡലസമാപന ഉത്സവവും 27, 28 തീയതികളില്‍ നടക്കും. തന്ത്രി നരമംഗലം ചെറിയനീലകണ്ഠന്‍ നമ്പൂതിരി, മേല്‍ശാന്തി വടക്കേല്‍ ഇല്ലം നാരായണന്‍ നമ്പൂതിരി എന്നിവര്‍ മുഖ്യകാര്‍മ്മികത്വം വഹിക്കും.
ഈ മാസം 27ന് രാവിലെ 7ന് അഷ്ടദ്രവ്യമഹാഗണപതി ഹോമം, 9ന് നവഗ്രഹപൂജ, വൈകിട്ട് 6.30ന് ദീപാരാധന, ഭജന 28ന് രാവിലെ 6.30 ന് ഗണപതിഹോമം, തുടര്‍ന്ന് ഉദയാസ്തമന പൂജാ ആരംഭം, സ്റ്റേജില്‍ പുരാണപാരായണം എന്നിവയും നടക്കും. നിറമാലയും നടയ്ക്കല്‍ പറവയ്പ്പും അന്ന് തന്നെ നടക്കും.
ഇത്തവണ കൊവിഡ് നിയന്ത്രണങ്ങള്‍ ഉള്ളതിനാല്‍ ഏഴാച്ചേരി തെക്ക് പാറപ്പറമ്പില്‍ നിന്നും വടക്ക് കൊടുങ്കയത്തില്‍ നിന്നുമുള്ള പ്രസിദ്ധമായ താലപ്പൊലി ഘോഷയാത്രകള്‍ ഉണ്ടാവില്ല. പകരം കാവിന്‍പുറം കാണിക്കമണ്ഡപത്തിങ്കല്‍ നിന്നും ക്ഷേത്രസന്നിധിയിലേക്ക് താലപ്പൊലി ഘോഷയാത്ര നടക്കും.
വൈകിട്ട് 7ന് ഘോഷയാത്ര ആരംഭിക്കും. ഘോഷയാത്ര ക്ഷേത്രത്തില്‍ എത്തിച്ചേര്‍ന്നശേഷം വിശേഷാല്‍ ദീപാരാധന, വലിയ കാണിക്ക എന്നിവ നടക്കും. 8.30 മുതല്‍ പനച്ചിക്കാട് വൈഷ്ണവം ഭജന്‍സിന്റെ ഈശ്വരനാമഘോഷം വേദിയിലരങ്ങേറും.