കൊഴുവനാല്‍ ഗ്രാമപഞ്ചായത്തില്‍ എല്ലാ വീടുകളിലും അടുക്കളത്തോട്ടം നിര്‍മ്മിക്കുന്നതിന് പച്ചക്കറി വിത്തുകള്‍ വിതരണം ചെയ്യുന്നതിനായി ഡിസംബര്‍ 30 ന് വിത്തുവണ്ടി പ്രയാണം ആരംഭിക്കുന്നു

കൊഴുവനാല്‍: കൊഴുവനാല്‍ ഗ്രാമപഞ്ചായത്തില്‍ സംസ്ഥാന സര്‍ക്കാരിന്‍റെ സമഗ്ര പച്ചക്കറി കൃഷി വികസന പദ്ധതി പ്രകാരം എല്ലാ വീടുകളിലും അടുക്കളത്തോട്ടം നിര്‍മ്മിക്കുന്നതിനാവശ്യമായ പച്ചക്കറിവിത്തുകള്‍ കൃഷിഭവന്‍ വഴി വിതരണം ചെയ്യുന്നു. പയര്‍, പാവല്‍, വെണ്ട, പടവലം, ചീര എന്നീ ഇനങ്ങളുടെ പ്രത്യേകം വിത്തുപാക്കറ്റുകള്‍ സബ്സിഡി നിരക്കായ 2 രൂപയ്ക്കാണ് വിതരണം ചെയ്യുന്നത്.

കൊഴുവനാല്‍ ഗ്രാമപഞ്ചായത്തിനെ പച്ചക്കറി കൃഷിയില്‍ സ്വയംപര്യാപ്തരാക്കുക എന്ന ലക്ഷ്യത്തോടെ എല്ലാ പ്രദേശങ്ങളിലും വിത്ത് എത്തിക്കുന്നതിനായി 30 -ാം തീയതി വ്യാഴാഴ്ച വിത്ത് വാങ്ങുന്നതിനായി താഴെ സൂചിപ്പിച്ചിട്ടുള്ള സ്ഥലത്തും സമയത്തും എത്തിച്ചേരേണ്ടതാണ്.

കൊഴുവനാല്‍ ഗ്രാമപഞ്ചായത്തില്‍ നിന്ന് പ്രയാണമാരംഭിക്കുന്ന വിത്തുവണ്ടി രാവിലെ 10 മണിക്ക് ഗ്രാമപഞ്ചായത്ത് പ്രസിഡന്‍റ് നിമ്മി ട്വിങ്കിള്‍രാജ് ഫ്ലാഗ് ഓഫ് ചെയ്യുന്നതും പാലാ ബ്ലോക്ക് കൃഷി അസിസ്റ്റന്‍റ് ഡയറക്ടര്‍ കെ.കെ ബിന്ദു ആദ്യവില്‍പന നിര്‍വഹിക്കുന്നതുമാണ്.

വിത്തുവണ്ടി എത്തിച്ചേരുമ്പോള്‍ എല്ലാവരും വിത്തുകള്‍ വാങ്ങി വീടുകളില്‍ അടുക്കളത്തോട്ടം നിര്‍മ്മിച്ച് കൊഴുവനാല്‍ ഗ്രാമപഞ്ചായത്തിന്‍റെ വെജിറ്റബിള്‍ ചലഞ്ച് പദ്ധതി വിജയിപ്പിക്കണമെന്ന് അഭ്യര്‍ത്ഥിക്കുന്നു.

വാര്‍ഡ് 1, ചേര്‍പ്പുങ്കല്‍ പള്ളിക്കവല 3.30 പി.എം

വാര്‍ഡ് 3, മൂരിപ്പാറക്കുന്ന ജംഗ്ഷന്‍ 2.30 പി.എം

വാര്‍ഡ് 4, കാവുംപടി ജംഗ്ഷന്‍ 3 പി.എം

വാര്‍ഡ് 5, മേവട കവല 2 പി.എം

വാര്‍‍ഡ് 6, മൂലേത്തുണ്ടി അങ്കണവാടി 12.30 പി.എം

വാര്‍ഡ് 7 മൂലേത്തുണ്ടി കോളനി 1 പി.എം

വാര്‍ഡ് 8, കപ്പിലിക്കുന്ന് ജംഗ്ഷന്‍ 12 പി.എം

വാര്‍ഡ് 9, മനക്കുന്ന് അംഗനവാടി 1.30 പി.എം

വാര്‍ഡ് 10, വാക്കപ്പുലം 11.45 എ.എം

വാര്‍ഡ് 12, 2, കൊഴുവനാല്‍ ടൗണ്‍ 10.30 എ.എം

വാര്‍ഡ് 13, വൈദ്യശാല ജംഗ്ഷന്‍ 4 പി.എം

വാര്‍ഡ് 12 കളപ്പുരയ്ക്കല്‍ കോളനി 11 എ.എം

വാര്‍ഡ് 11 അറയ്ക്കല്‍ കോളനി 11.30 എ.എം.