എംസി റോഡിൽ മോനിപ്പള്ളിയിൽ കാറും ടോറസ് ലോറിയും കൂട്ടിയിടിച്ച് അപകടം. രണ്ടു മരണം

മോനിപ്പള്ളി: എംസി റോഡിൽ മോനിപ്പള്ളിയിൽ വാഹനാപകടം. രണ്ടു മരണം. ചൊവ്വാഴ്ച പുലർച്ചെ 5.30 ന്  കാറും ടോറസും കൂട്ടിയിടിച്ചു കാർ യാത്രക്കാരായ രണ്ടു പേർ മരിച്ചു. നെടുമ്പാശ്ശേരി എയർപോർട്ടിൽ സുഹൃത്തിനെ യാത്രയാക്കി തിരികെ മടങ്ങിയ പന്തളം സ്വദേശികളാണ് മരിച്ചത്.

പറന്തൽ തൊട്ടിലു വിളവീട്ടിൽ ഗോപാലകൃഷ്ണപിള്ള മകൻ ശ്രീജിത്ത് 33. പറന്തൽ കലതി വിളയിൽ മനോജ് 33 എന്നിവരാണ് മരിച്ചത്. ടോറസോടിച്ചിരുന്ന സോമൻ 35 നെ കോട്ടയം മെഡിക്കൽ കോളേജിൽ പ്രവേശിപ്പിച്ചു. മൃതദേഹങ്ങളും മെഡിക്കൽ കോളേജിലേക്ക് മാറ്റി.