റഷ്യയില്‍ യുവ മലയാളി ഡോക്ടര്‍ ന്യുമോണിയ ബാധിച്ചു മരിച്ചു. മരണം അടുത്ത മാസം ഹൗസ് സര്‍ജന്‍സി പൂര്‍ത്തിയാക്കി നാട്ടിലേയ്ക്ക് മടങ്ങാനിരിക്കെ

പാലാ: റഷ്യയില്‍ ഹൗസ് സര്‍ജന്‍സി വിദ്യാര്‍ഥിയായിരുന്ന മലയാളി യുവാവ് നിര്യാതനായി. രാമപുരം തെക്കേനെടുംപുറത്ത് സാബുവിന്‍റെ മകന്‍ ഡോ. സുധി സാബുവാണ് മരിച്ചത്. സംസ്കാരം വ്യാഴാഴ്ച രാവിലെ 10.30 -ന് രാമപുരത്തെ വീട്ടുവളപ്പില്‍ നടക്കും.

റഷ്യയില്‍ പല്ലിന്‍റെ റൂട്ട് കനാല്‍ ചികിത്സയ്ക്കിടെയുണ്ടായ ആരോഗ്യ പ്രശ്നങ്ങളാണ് മരണകാരണമെന്നാണ് റിപ്പോര്‍ട്ട്. ചികിത്സയ്ക്കിടെ ന്യുമോണിയ പിടിപെടുകയും ആരോഗ്യനില വഷളാകുകയുമായിരുന്നു.

ഒരു മാസത്തിനു ശേഷം ജൂണില്‍ ഹൗസ് സര്‍ജന്‍സി പൂര്‍ത്തിയായി നാട്ടിലേയ്ക്ക് മടങ്ങാനിരിക്കെയാണ് മരണം. മൃതദേഹം വ്യാഴാഴ്ച രാവിലെ 8 മണിയോടെ വസതിയിലെത്തിക്കും.