മീനച്ചില്‍ ഗ്രാമപഞ്ചായത്ത് മുന്‍ മെമ്പറും റിട്ട. അധ്യാപകനുമായ പി.സി ജോസഫ് പാറേക്കാട്ട് പുത്തന്‍പുരയില്‍ നിര്യാതനായി

പാലാ: കിഴപറയാര്‍ പാറേക്കാട്ട് പുത്തന്‍പുരയില്‍ പി.സി ജോസഫ് (ജോസ് സാര്‍ - 76) നിര്യാതനായി. ഇന്ന് രാവിലെ ചേര്‍പ്പുങ്കല്‍ മെഡിസിറ്റി ആശുപത്രിയില്‍ വെച്ചായിരുന്നു മരണം സംഭവിച്ചത്. സംസ്കാരം കിഴപറയാര്‍ സെന്‍റ് ഗ്രിഗോറിയോസ് പള്ളിയില്‍ പിന്നീട് നടക്കും.

ഭാര്യ: പെണ്ണമ്മ ജോസഫ് പുതിയിടത്തുചാലില്‍ (രാമപുരം) കുടുംബാംഗമാണ്. മക്കള്‍: ഷിബു ജോസ് (യുകെ), ഷിജോമോന്‍ ജോസ് (യുകെ), ഷിന്‍റോ ജോസ് (അയര്‍ലന്‍ഡ്).

പി.സി ജോസഫ് മീനച്ചില്‍ ഗ്രാമപഞ്ചായത്ത് മുന്‍ മെമ്പറും കുറവിലങ്ങാട് സെന്‍റ് മേരീസ്, വിളക്കുമാടം സെന്‍റ് ജോസഫ്, ഭരണങ്ങാനം സെന്‍റ് മേരീസ് എന്നീ വിദ്യാഭ്യാസ സ്ഥാപനങ്ങളില്‍ കായികാധ്യാപകനായും സേവനം അനുഷ്ഠിച്ചിട്ടുണ്ട്.