പാചക തൊഴിലാളികൾക്ക് ഭക്ഷ്യ സുരക്ഷാ പരിശീലനവുമായി അരുവിത്തുറ സെന്റ് ജോർജ് കോളേജ്

അരുവിത്തുറ: ലോക ഭഷ്യ സുര ഷാ ദിനാചരണങ്ങളോടനുബന്ധിച്ച് അരുവിത്തുറ സെന്റ് ജോർജജ് കോളേജ് ഫുഡ് സയൻസ് വിഭാഗം ഹോട്ടൽ ജീവനക്കാർക്കും പാചക തൊഴിലാളികൾക്കുമായി സൗജന്യ ഭക്ഷ്യ സുരക്ഷാ പരിശീലനവും ഭക്ഷ്യ സുരക്ഷാ സെമിനാറും സംഘടിപ്പിച്ചു.

രാവിലെ 10 ന് ഭക്ഷ്യ സുരക്ഷാ സെമിനാറിന്റെ ഉദ്ഘാടനം പാലാ സർക്കിൾ ഫുഡ് സെഫ്റ്റി ഓഫീസർ സന്തോഷ് കുമാർ ജി.എസ് നിർവഹിച്ചു. കോളേജ് പ്രിൻസിപ്പാൾ പ്രൊഫ: ഡോ. സിബി ജോസഫ് അദ്ധ്യക്ഷത വഹിച്ച സെമിനാറിൽ ബർസാറും കോഴ്സ് കോർഡിനേറ്ററുമായ റവ. ഫാ ജോർജ് പുല്ലുകാലായിൽ, വൈസ് പ്രിൻസിപ്പാൾ ഡോ. ജിലു ആനി ജോൺ, ഫുഡ് സയൻസ്സ് വിഭാഗം മേധാവി മിനി മൈക്കിൾ, പൂഞ്ഞാർ എഫ്എസ്ഒ നിമ്മി, ഹോട്ടൽ ആന്റഡ് റസ്റ്റോറന്റ് അസോസിയേഷൻ പാലാ യൂണിറ്റ് പ്രസിഡന്റ് ബിജോയി വി, സെക്കട്ടറി ബിബിൻ തോമസ് എന്നിവർ സംസാരിച്ചു.

'സുരക്ഷിതാഹാരം എല്ലാവരുടേയും ഉത്തരവാദിത്വം' എന്ന വിഷയത്തിൽ പാലാ സർക്കിൾ ഫുഡ് സെഫ്റ്റി ഓഫീസർ സന്തോഷ് കുമാർ ജി.എസും 'ഭക്ഷ്യ സുരക്ഷയും നിയമങ്ങളും' എന്ന വിഷയത്തിൽ പൂഞ്ഞാർ സർക്കിൾ ഫുഡ് സെഫ്റ്റി ഓഫീസർ നിമ്മി അഗസ്റ്റ്യനും ക്ലാസ് നയിച്ചു.

തുടർന്ന് കേരളാ ഹോട്ടൽ ആന്റ് റെസ്റ്റോറന്റ് അസോസിയേഷനുമായി സഹകരിച്ച് മീനച്ചിൽ താലൂക്കിലെ പാചക തൊഴിലാളികൾക്ക് ഭക്ഷ്യ സുരക്ഷാ പരിശീലനം നൽകി. പരിപാടിയുടെ ഭാഗമായി ഭക്ഷ്യ സുരക്ഷാ വിഭാഗത്തിന്റെ സഞ്ചരിക്കുന്ന ഭക്ഷ്യ സുരഷാ ലാബ് സന്ദർശിക്കുന്നതിന് വിദ്യാർത്ഥികൾക്ക് അവസരമൊരുക്കി.