കടപ്പൂർ പബ്ലിക് ലൈബ്രറിയുടെ നേതൃത്വത്തിൽ എസ്.എസ്.എൽ.സി, പ്ലസ് ടു വിജയിച്ച കുട്ടികൾക്കുവേണ്ടി കരിയർ ഗൈഡൻസ് ക്ലാസ്സ്‌ സംഘടിപ്പിച്ചു

കോട്ടയം: കടപ്പൂർ പബ്ലിക് ലൈബ്രറിയുടെ നേതൃത്വത്തിൽ എസ്.എസ്.എൽ.സി, പ്ലസ് ടു വിജയിച്ച കുട്ടികൾക്കുവേണ്ടി കരിയർ ഗൈഡൻസ് ക്ലാസ്സ്‌ സംഘടിപ്പിച്ചു.

റിട്ടയെർഡ് ഹയർ സെക്കണ്ടറി സ്കൂൾ പ്രിൻസിപ്പൽ സുരേഷ് വി.എൻ ഉദ്ഘാടനം ചെയ്ത പരിപാടിയിൽ എസ്.എസ്.കെ.കോട്ടയം ജില്ലാ പ്രോഗ്രാം ഓഫീസർ ബിനു എബ്രഹാം തുടർ പഠന ശാഖകളെ സംബന്ധിച്ചും തൊഴിൽ സാധ്യതകളെക്കുറിച്ചും ക്ലാസ്സ്‌ എടുത്തു.

ലൈബ്രറി വൈസ് പ്രസിഡന്റ്‌ ബൈജു.സി.എസ്.അധ്യക്ഷത വഹിച്ച യോഗത്തിൽ,ലൈബ്രറി സെക്രട്ടറി എൻ.കെ.മോഹനൻ സ്വാഗതവും വനിത ലൈബ്രേറിയൻ ബിന്ദു.പി.ജി.നന്ദിയും പറഞ്ഞു.