ഓഗസ്റ്റ് 13 ന് കോട്ടയത്ത് നടക്കുന്ന ജനജാഗ്രത സദസ്സ് വിജയിപ്പിക്കാൻ നാടെങ്ങും വിളംബര ജാഥ; ഗ്രാമപഞ്ചായത്ത് തലത്തിൽ കാൽനട പ്രചരണ ജാഥ പര്യടനം പൂര്‍ത്തിയാക്കി

ഉഴവൂർ:കേരള കർഷക സംഘം, കർഷക തൊഴിലാളി യൂണിയൻ, സിഐടിയു സംയുക്താഭിമുഖ്യത്തിൽ കോട്ടയത്ത് ഓഗസ്റ്റ് 13 ന് നടക്കുന്ന ജനജാഗ്രതാസദസിനോട് അനുബന്ധിച്ച് ഗ്രാമപഞ്ചായത്ത് തലത്തിൽ കാൽനട പ്രചരണ ജാഥ പര്യടനം പൂർത്തിയാക്കി.

ഉഴവൂരിൽ ചേറ്റുകുളത്ത് വെച്ച് കെ.ജി രാഘവൻ്റെ അദ്ധ്യക്ഷതയിൽ ജാഥ ക്യാപ്റ്റൻ കെ. സജീവ് കുമാറിന് പതാക കൈമാറി സിപിഐഎം ഉഴവുർ ലോക്കൽകമ്മിറ്റി സെക്രട്ടറി എൻ സോമനാഥപിള്ള ഉദ്ഘാടനം ചെയ്തു.

ഷെറി മാത്യു, ശ്രീനി തങ്കപ്പൻ, പീയുസ് മാത്യു, എബ്രാഹം സിറിയക്ക് എന്നിവർ വിവിധ കേന്ദ്രങ്ങളിൽ പ്രസംഗിച്ചു. പാലാ ഏരിയായിൽ വെളിയന്നൂർ, കടപ്ലമറ്റം, മരങ്ങാട്ടുപിള്ളി, രാമപുരം എന്നിവിടങ്ങളില്‍ വിളംബര കാൽനട ജാഥ പര്യടനം പൂർത്തിയാക്കി.