കൂടുതൽ ബജറ്റ് ടൂറിസം യാത്ര ഒരുക്കി പാലാ കെഎസ്ആർടിസി

പാലാ: കെഎസ്ആർടിസിയുടെ ബജറ്റ് ആഭ്യന്തര ടൂറിസം യാത്രകൾ കൂടുതൽ പ്രദേശങ്ങളിലേക്ക് വ്യാപിപ്പിക്കുന്നു. ഈ ഞായറാഴ്ച മുതൽ നിലവിലുള്ള സർവ്വീസുകൾക്ക് പുറമെ ആനയിറങ്കൽ -ചതുരംഗപാറ - പൊൻമുടി ഡാം വിനോദയാത്ര കൂടി പുതുതായി ആരംഭിക്കുന്നു.

മൂന്നാറിലെ തണുപ്പിലുംഗ്യാപ് റോഡിലെ മഞ്ഞിലും കുളിച്ചു ചതുരംങ്കപ്പാറ മലനിരകളിലെ കാറ്റാടി പാടത്തൂടെ തമിഴ്നാടിന്റ ഭംഗി ആസ്വദിച്ചു ആനയിറങ്കൽ ഡാമിലൂടെ ബോട്ടിലേറി കുടുംബത്തോടൊപ്പം അവധി ദിനം അടിച്ചു പൊളിക്കാനാവും വിധമാണ് പുതിയ യാത്ര.

ഈ യാത്രയിൽ റിപ്പിൾ വാട്ടർ ഫാൾസ്, പൊന്മുടി ഡാം, കള്ളിമാലി വ്യൂ പോയിന്റ്, ആനയിറങ്കൽ ഡാം, ഗ്യാപ് റോഡ്, ചതുരംങ്കപ്പാറ പ്രദേശങ്ങളാണ്. ബസ് ഫെയർ ഒരാൾക്ക് 700 രൂപ മാത്രം. രവിലെ 6 മണിക്ക് പാലാ ഡിപ്പോയിൽ നിന്നും പുറപ്പെടും. മുൻകൂർ സീററുകൾ ബുക്ക്‌ ചെയ്യാൻ രഞ്ജിത് : 8921531106 വിളിക്കാം.

ഇതോടൊപ്പം നിലവിലുള്ള മാമലകണ്ടം - മാങ്കുളം - ആനക്കുളം - ലച്മി എസ്റ്റേറ്റ്, ആതിരപ്പളി - മലക്കപ്പാറ, നേഫർടിറ്റി ക്രൂയിസ് യാത്ര എന്നിവയും യാത്രാ സംഘങ്ങൾക്കായി തുടരുന്നുണ്ട്.