ജില്ലാ കളക്ടർ റേഷൻ വ്യാപാരിയായി ഉഴവൂരിൽ... പുതിയ വ്യാപാരിയെ കണ്ട് അമ്പരപ്പോടെ ഉപഭോക്താക്കള്‍

ഉഴവുർ: റേഷൻ കടയിൽ എത്തിയ ഉപഭോക്താക്കൾ തങ്ങള്‍ സ്ഥിരമായി എത്താറുള്ള റേഷൻ കടയിലെ പുതിയ വ്യാപാരിയെ കണ്ട് ഒന്ന് ഞെട്ടി. റേഷൻ കടകളിലെ സ്ഥിതികൾ വിലയിരുത്തുവാൻ കോട്ടയം ജില്ലാ കളക്ടർ ഡോ പി.കെ ജയശ്രി ആണ് റേഷന്‍ കടയില്‍ എത്തിയത്.

കടയിൽ എത്തിയ ഉപഭോക്താക്കളുടെ റേഷൻ കാർഡ് വാങ്ങി ആവശ്യമായ സാധനങ്ങൾ രേഖപ്പെടുത്തി റേഷൻ കടയെ കുറിച്ച് പരാതികൾ ഉണ്ടോയെന്ന് അന്വേഷണം നടത്തി. സംസ്ഥാന ഭക്ഷ്യസുരക്ഷാ - പൊതുവിതരണ വകുപ്പിന്റെ നേതൃത്വത്തിൽ ജില്ലയിൽ നടക്കുന്ന പരിശോധനകളുടെ ഭാഗമായിരുന്നു കളക്ടറുടെ മിന്നൽ പരിശോധന.