എൻസിഡിസി കോർ കമ്മിറ്റി 75-ാമത് ദേശീയ സൈനിക ദിനം ആചരിച്ചു

കോഴിക്കോട്: ഇന്ത്യൻ കരസേനയിലെ ജവാന്മാരുടെ സ്മരണയ്ക്കായി ദേശീയ ശിശു ക്ഷേമ സംഘടനയായ നാഷണൽ ചൈൽഡ് ഡെവലപ്പ്മെന്റ് കൗൺസിൽ (എൻസിഡിസി) കോർ കമ്മിറ്റി 75-ാമത് ദേശീയ സൈനിക ദിനം ആചരിച്ചു. ഈ യോഗത്തിൽ സൈനികരുടെ ത്യാഗത്തിന് ആദരാഞ്ജലികൾ അർപ്പിക്കുകയും സൈനിക ജവാന്മാരുടെ കുടുംബങ്ങളെ ആദരിക്കുകയും ചെയ്തു.

എൻസിഡിസി മാസ്റ്റർ ട്രെയിനർ, ബാബ അലക്സാണ്ടർ, സുധാ മേനോൻ, മുഹമ്മദ് റിസ്വാൻ, ഡോ ശ്രുതി ഗണേഷ്, ബിന്ദു സരസ്വതിഭായി എന്നിവർ പങ്കെടുത്തു.

1949-ൽ അവസാനത്തെ ബ്രിട്ടീഷ് കമാൻഡർ-ഇൻ-ചീഫായിരുന്ന ജനറൽ സർ ഫ്രാൻസിസ് റോയ് ബുച്ചറിൽ നിന്ന് ജനറൽ (പിന്നീട് ഫീൽഡ് മാർഷൽ) കെ എം കരിയപ്പ ഇന്ത്യൻ സൈന്യത്തിന്റെ കമാൻഡർ ഏറ്റെടുത്തതിന്റെ സ്മരണയ്ക്കായി എല്ലാ വർഷവും ദേശീയ സൈനിക ദിനം ആചരിക്കുന്നു.