Middle East & Gulf

കുവൈറ്റ് കേരളാ മെഡിക്കൽ ഫോറത്തിന്റെ ഉദ്ഘാടനം ഒക്ടോബർ 1ന്; ആരോഗ്യ മന്ത്രി വീണ ജോർജ് ഉദ്ഘാടനം നിർവ്വഹിക്കുന്നു

ന്യൂസ് ബ്യൂറോ, കുവൈറ്റ്
Friday, September 24, 2021

കുവൈറ്റ് സിറ്റി: കുവൈറ്റിൽ ആതുരസേവന രംഗത്ത് സേവനം അനുഷ്ഠിക്കുന്നവരുടെ പുതിയ കൂട്ടായ്മയായ കേരളാ മെഡിക്കൽ ഫോറത്തിന്റെ (കെഎംഎഫ്) ഉദ്ഘാടനം ആരോഗ്യ മന്ത്രി വീണ ജോർജ് നിർവ്വഹിക്കും.

ഒക്ടോബർ 01 വെള്ളിയാഴ്ച്ച വൈകുന്നേരം 5 മണിക്ക് ഉദ്ഘാടനം ഓൺലൈനിനായി നടക്കും. കേരളീയരുടെ നേട്ടങ്ങളിൽ ഒന്നാണ് ആതുരസേവനരംഗത്ത് നാം കൈവരിച്ചിരിക്കുന്നത് മെച്ചപ്പെട്ട ജീവിത സാഹചര്യവും തന്നെയാണ് ആരോഗ്യ പ്രവർത്തകരെ കുടിയേറ്റത്തിന് പ്രേരിപ്പിക്കുന്നത് എങ്കിലും എല്ലാ പ്രതിസന്ധികളെയും തരണം ചെയ്യുന്ന മനുഷ്യമുഖമുള്ള ആരോഗ്യപ്രവർത്തകരെയാണ് ഈ പ്രവാസലോകത്ത് നമുക്ക് കാണാൻ കഴിയുന്നത്.

ഈ മഹാവ്യാധിയുടെ കാലയളവില്‍ ആതുരസേവന രംഗത്ത് സ്വന്തം ജീവന്‍ പോലും പണയപ്പെടുത്തി അഹോരാത്രം ജോലിചെയ്യുന്ന ആരോഗ്യ പ്രവർത്തകരുടെ ഈ സംഘടനക്ക് എല്ലാ ആശംസകളും നേരുന്നതായി കല കുവൈറ്റ് പ്രസിഡണ്ട് ജ്യോതിഷ് ചെറിയാൻ ആക്ടിങ് സെക്രട്ടറി അസഫ് അലി എന്നിവർ പറഞ്ഞു.

×