Advertisment

സാരഥി ഹെൽത്ത് ക്ലബ് 'സ്നേഹസ്പർശം 2023' സംഘടിപ്പിച്ചു

New Update

publive-image

Advertisment

ഫർവാനിയ: സാരഥി ഹെൽത്ത് ക്ലബിൻ്റെ നേതൃത്വത്തിൽ സ്നേഹസ്പർശം 2023 സംഘടിപ്പിച്ചു. ഫർവാനിയ ഷെഫ് നൗഷാദ് റെസ്റ്റോറന്റിൽ നടന്ന ചടങ്ങിൽ സാരഥി ഹെൽത്ത്‌ ക്ലബ്‌ അംഗങ്ങൾ കുടുംബത്തോടൊപ്പം ഒത്തു കൂടി. കുവൈറ്റിൽ ആതുര സേവനരംഗത്ത് ഇരുപത് വർഷത്തിലധികം പ്രവർത്തിച്ച സാരഥിയിലെ ഹെൽത്ത് ക്ലബ് അംഗങ്ങളെ പൊന്നാട അണിയിച്ച് ചടങ്ങിൽ ആദരിച്ചു.

സാരഥിയിലെ ഹെൽത്ത് ക്ലബ് അംഗങ്ങളെ പരസ്പരം പരിചയപ്പെടുന്നതിനും ഒപ്പം അവരുടെ സേവനം സാരഥി അംഗങ്ങൾക്കും പൊതു സമൂഹത്തിനും കൂടുതൽ കാര്യക്ഷമമാക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.

publive-image

സാരഥി ഹെൽത്ത് ക്ലബ് ചീഫ് കോർഡിനേറ്റർ പ്യാരി ഓമനക്കുട്ടന്റെ അധ്യക്ഷതയിൽ നടന്ന പരിപാടികൾ സാരഥി വൈസ് പ്രസിഡന്റ് സതീഷ് പ്രഭാകരൻ ഔദ്യോഗികമായി ഉദ്‌ഘാടനം നിർവ്വഹിച്ചു. സാരഥി ജനറൽ സെക്രട്ടറി ബിജു സി.വി., അഡ്വൈസറി അംഗം ശശിധരപണിക്കർ, വനിതാവേദി ചെയർപേഴ്സൺ പ്രീത സതീഷ്, ട്രസ്റ്റ് ചെയർമാൻ ജയകുമാർ എൻ.എസ്, സെക്രട്ടറി ജിതിൻദാസ്, ക്രൈസിസ് ചീഫ് കോർഡിനേറ്റർ സനൽ കുമാർ സത്യൻ എന്നിവർ സാരഥി ഹെൽത്ത്‌ ക്ലബ്‌ അംഗങ്ങളുടെ വിവിധ പ്രവർത്തനങ്ങളെ പ്രകീർത്തിക്കുകയും, ആശംസകൾ നേരുകയും ചെയ്തു.

publive-image

ഷൈജു പള്ളിപ്പുറം അവതാരകനായി എത്തിയ പരിപാടിയിൽ വിവിധ ഗെയിമുകൾ, അംഗങ്ങളുടെ കലാപരിപാടി, ഗാനമേള എന്നിവ അരങ്ങേറി. പ്രോഗ്രാം ജനറൽ കൺവീനർ വിജേഷ് വേലായുധൻ സ്വാഗതം ആശംസിച്ച ചടങ്ങിന് മനു. കെ. മോഹനൻ, ഉഷ അജി , റാണി വാസുദേവ്, സതീഷ്, വിനോദ് ചീപ്പാറയിൽ എന്നിവർ കോർഡിനേറ്റ് ചെയ്തു.

publive-image

Advertisment